top of page

Mwandishi:

Mhariri:

ULY CLINIC

Dkt. Adolf S, MD

17 Novemba 2020 19:52:30

Maumivu ya kifua yanayoanzia shingoni
shahawa-zenye-damu-ulyclinic-compressor.

Maumivu ya kifua yanayoanzia shingoni

Maumivu ya kifua yanayotokana na madhaifu ya shingo ni tatizo linalotoke na mara nyingi huchanganywa na wataalamu wa afya kuwa ni maumivu ya anjaina. Asilimia 50 ya wagonjwa wanaosemekana kuwa wana anjaina ya moyo huwa na spondilosisi ya seviko. Wagonjwa wengi wa aina hii hufanyiwa vipimo vya moyo visivyo vya lazima.


Makala hii imejikita kuangalia maumivu ya kifua kutokana na madhaifu ya shingo.


Madhaifu ya shingo yanayoweza kuleta maumivu ya kifua

Madhaifu ya shingo yanayoweza kuleta maumivu ya kifua ni;


  • Spondailosis ya sevaiko- katileji na mifupa ya shingo kuisha kusiko kawaida

  • Henia ya diski ya sevaiko- Kupasuka kwa diski kati ya mifupa ya shingo, kuchomoza kwa diski au kutoka kabisa kwa diski sehemu yake ya kawaida

  • Kukakamaa kwa ligament- Hutokanana kuzeeka kwa ligament, tatizo hutokea kwa jinsi mtu anavyokuwa na umri mkubwa zaidi

  • Stenosisi ya tundu la uti wa mgongo- Kupungua kwa kipenyo cha tundu la uti wa mgongo

  • Sevaiko mayelopathi- kuharibiwa kwa uti wa mgongo kutkana na kupungua kwa kipenyo au magonjwa ya kuzeeka kwa mifupa ya uti wa mgongo

  • Sevaiko nyuropathi/radikulopathi- kufinywa au kugandamizwa kwa mshipa wa fahamu


Stenosisi ya tundu la uti wa mgongo

Ni kupungua kwa kipenyo cha tundu la uti wa mgongo kutokana na magonjwa mbalimbali au kuzeeka kwa mifupa ya uti wa mgongo ya shingoni. Kukaa pozi baya na magonjwa ya maungio ya mifupa ya shingo kama athraitis huweza kusababisha tatizo hili. Visababishi vingine vinaweza kuwa kuumizwa kwa mifupa ya shingo kutokana na ajali, kupasuka kwa mishipa ya damu ya shingo, majeraha kwenye ligament, na maoteo ya mifupa kwenye mifupa ya shingo.


Dalili

  • Maumivu ya shingo au mkono

  • Ganzi au udhaifu wa mikono na viganja vya mkono

  • Kukazakwa misuli ya miguu

  • Kukosa mpaangilio mzuri wa mijongeo ya misuli kwenye mkono, kinganja cha mkono na vidole

  • Kutepweta kwa maungio ya mikono

  • Kulegea kwa misuli ya mokono/viganja vya mikono


Sevaiko radikulopathi

Ugonjwa huu unafahamika kwa jinga jingine kama sevaiko nyuropathi, hutokana na kubanwa kwa mishipa ya fahamu ya shingo. Kubanwa huku hutokana na kuzeeka, kuisha au majeraha katika maeneo ya shingo


Matibabu

Utapewa matibabu ya dawa au upasuaji kutokana na kisababishi cha tatizo lako. Wasiliana na daktari wako kwa vipimo na matibabu ya tatizo lako


Matibabu ya nyumbani

Matibabu ya nyumbani yanahusisha, kupunguza kazi ambazo zinapelekea dalili kuonekana zaidi, kuvaa kifaamaalumu cha kuzuia kuumia kwa shingo unapokuwa umekaa au unasafiri, kupumzika kwa muda, kufanyiwa masaji ya shingo, kukandwa kwa madhi ya moto au baridi na kutumia dawa za maumivu kama utakavyoshauriwa na daktari wako.


  • Kaa pozi zuri la kiafya acha kupindisha shingo na hakikisha miguu yote imegusa aridhi unapokuwa umekaa

  • Jifunze namna sahihi ya kunyanyua vitu vizito,usitumie mgongo kunyanyua vitu, chuchumaa unapotaka kuchukua na kunyanyua kitu badala ya kupindisha mgongo

  • Pumzika mara kwa mara unapokuwa unafanya kazi ya muda mrefu

  • Fanya mazoezi ya Uti wa mgongo, soma katika Makala zetu kwa maelezo zaidi kuhusu maumivu ya shingo.


Sevaiko spondailosis

Spondailosis ya sevaiko- hutokana kuisha kusiko kawaida kwa katileji inayozuia msuguano kati ya mfupa mmoja na mwingine katika shingo. Kuisha huku huweza kusababishwa na kuzeeka au magonjwa Fulani.

Dalili

Ugonjwa huu hutokea kwa watu wenye umri mkubwa zaidi na dalili zake huwa;


  • Maumivu ya shingo yanayoweza kusafirikwenye kwenye mabega na mkono

  • Maumivu ya kichwa

  • Kuhisi kusagika kwa mifupa ya shingo unapogeuza shingo

  • Kulegea kwa mikono na miguu

  • Ganzi kwenye maeneo ya mabega, mkono na kiganja cha mkono

  • Kukakamaa kwa shingo

  • Kushindwa kusiamama wima

  • Kushindwa kuzuia mkojo

  • Maumivu ya kifua


Mfano wa mgonjwa wa Sevaiko spondailosis

Tuangalie mgonjwa ambaye amewahi kuwa na maumivu ya kifua kutokana na sevaiko spondailosis


Mwanamke wa umwi wa miaka 53 alikuja hospitali akiwa na maumivu ya kifua na mgongo katikati ya mifupa ya mgongo na bega moja la kushoto. Maumivu yalikuwa yakuja na kuondoka au kubana na kila yalipotokea yalidumu kwa muda wa masaa mawili hadi matatu. Maumivu hayo yaliambatana na hisia za ganzi mkono wa kushoto hata hivyo hakuwa na dalili zozote zile za kubadilika kwa mfumo wa moyo kamavile mapigo ya moyo kwenda kasi, kushindwa kulala chali wakati wa usiku, kuishiwa pumzi kirahisi, kichefuchefu na kutapika. Mgonjwa alisema hanahistoria ya homa, kikohozi, miruzi kwenye kifua, kiungulia au kucheua. Miaka 20 iliyopita alipata maaambukizi ya herpes kifuani upande wa kushoto. Alishawahi kufanyiwa upasuaji wa kuondoa apendeksi na hana historia ya presha, kisukari, magonjwa ya moyo au mishipa ya damu na wala familia yake hakunamtu wmenye shida hii au hizi zilizotajwa.


Uchunguzi wa awali wa mwili ulionyesha hakuna shida yoyote mwilini


Vipimo vya moyo na kifua vilionyeshahakuna shida yoyote kwenye kifua


Mgonjwa alifanyiwa vipimo vingine vingi ikiwa pamoja na picha ya tumbo n.k lakini hakukuwa na shida.

Mwisho wa siku alifanyiwa kipimo cha MRI ya uti wa mgongo ameneo ya shigo, shida iliyoonekana ilikuwa ni sevaiko spondailosis na kuchomoza kwa diski katika mifupa ya shingo iliyopelekea kukandamizwa kwa mishipa ya fahamu ya shingo na kusinyaa kwa tundu la uti wa mgongo kwa kiasi kidogo.


Mgonjwa alipatiwa dawa za maumivu jamii ya Cox 2 inhibita, dawa jamii ya PPI, na dawa zakulegeza misuli na kuambiwa afanye tiba ya akupankcha. Mgonjwa alipata nafuu ndani ya masaa mawili na kutokuwa na maumivu

ULY CLINIC inakushauri siku zote uwasiliane na daktari wako kwa ushauri na tiba zaidi kabla ya kuchukua hatua yoyote ile ya kiafya baada ya kusoma makala hii.

Wasiliana na daktari wa ulyclinic kwa ushauri zaidi na tiba kwa kutumia namba za simu au kubonyeza link ya Pata Tiba chini ya tovuti hii

Imeboreshwa, 

19 Julai 2023 19:54:47

Soma dalili zingine Zaidi kwa kubonyeza herufi ya mwanzo hapa chini

[A] [B] [C] [D] [E] [F] [G] [H] [I] [J] [K] [L] [M] [N] [O] [P] [Q] [R] [S] [T] [U] [V] [W] [X] [Y] [Z] [Z] [#]

Rejea za mada

1.AANS.Cervical Spine. https://www.aans.org/en/Patients/Neurosurgical-Conditions-and-Treatments/Cervical-Spine. Imechukuliwa 17.11.2020

2.Levin K. Cervical spondylotic myelopathy. https://www.uptodate.com/contents/search. Imechukuliwa 17.11.2020

3.Radiculopathy. https://www.healthline.com/health/radiculopathy. Imechukuliwa 17.11.2020

4.Eubanks J. Cervical Radiculopathy: Nonoperative Management of Neck Pain and Radicular Symptoms. Am Fam Physician. 2010 Jan 1;81(1):33-40. Imechukuliwa 17.11.2020

5.Mila Nu Nu Htay etal. Cervical spondylosis mimicking cardiac angina. https://www.ijcrimedicine.com/archive/article-full-text/100050Z09MH2019#. Imechukuliwa 17.11.2020

6.Cervical Spondylosis.https://www.columbianeurology.org/neurology/staywell/cervical-spondylosis. Imechukuliwa 17.11.2020

7.Walter I. Sussman etal. Cervical Angina. An Overlooked Source of Noncardiac Chest Pain. https://www.ncbi.nlm.nih.gov/pmc/articles/PMC4272356/. Imechukuliwa 17.11.2020

bottom of page