Majadiliano na Wataalamu

Swali la msingi

Habari daktari. Nauliza je,ukipata zile dalili tu za kuumwa na kichwa mbavu kuuma mwili kulegea ndio una ukimwi au hata magonjwa mengine yanawezaa kuwa na dalili hizi kama U.T.I nk ?

Majibu

Habari, na asante kwa swali zuri sana ni muhimu kuuliza ili upate kuelewa vizuri hali ya mwili wako.

Kwa kifupi, hapana, dalili kama kuumwa na kichwa, mbavu kuuma, mwili kulegea hazimaanishi moja kwa moja kuwa una maambukizi ya Virusi vya UKIMWI (VVU). Dalili hizo ni za kawaida sana na zinaweza kusababishwa na magonjwa mbalimbali, si VVU pekee.

Magonjwa ambayo yanaweza kuwa na dalili hizo

U.T.I

Dalili zinazoweza kuambatana na U.T.I ni pamoja na maumivu ya mbavu au mgongo (hasa upande wa figo), kuhisi uchovu, homa, kuumwa kichwa n.k.

Malaria

Dalili zinazoweza kuambatana ni pamoja na maumivu ya kishwa, maumivu ya mwili na kuhisi baridi na joto

Homa ya matumbo (Taifodi)

Dalili zinazoweza kuambatana ni pamoja na Kulegea mwili, maumivu ya kichwa, maumivu ya tumbo au mbavu

Maambukizi ya virusi wengine mbali na VVU

Huambatana na dalili za Mafua, homa ya kawaida. Maambukizi ya virusi hutoa dalili zinazofanana sana na VVU kama uchovu, kichwa kuuma, mwili kuchoka.

VVU (siku za mwanzo kabisa)

Huambatana na dalili kama za mafua: homa, maumivu ya viungo, koo kuwasha, kichwa kuuma, vipele (mara chache sana), hata hivyo dalili hizi hutokea wiki 2–4 baada ya kuambukizwa, na haziwezi kuthibitisha HIV bila kipimo rasmi.

Kumbuka

• Dalili pekee haziwezi kusema una VVU wala UTI, vipimo tu vinaweza thibitisha

• Kama una hofu sana, ni bora ukafanye vipimo mapema kuliko kuishi na wasiwasi
  

Ushauri

Ikiwa una wasiwasi kuhusu maambukizi ya VVU au U.T.I au ugonjwa mwingine;

• Fanya kipimo cha VVU baada ya wiki 4–6 tangu tukio la hatari (kama ulifanya ngono bila kinga)

• Unaweza pia fanya kipimo cha UTI au malaria kama unahisi dalili zinaendana

• Usihukumu hali yako kwa dalili tu, vipimo ndio njia pekee ya kujua ukweli

Rejea za mada hii:

1. World Health Organization. HIV/AIDS: Key facts [Intaneti]. Geneva: WHO; 2023. Imechukuliwa 09.04.2025 kutoka https://www.who.int/news-room/fact-sheets/detail/hiv-aids

2. Centers for Disease Control and Prevention (CDC). HIV Testing Overview [Intaneti]. Atlanta: CDC; 2022. Imechukuliwa 09.04.2025 kutoka https://www.cdc.gov/hiv/basics/testing.html

3. Mayo Clinic. Urinary tract infection (UTI) [Intaneti]. Rochester (MN): Mayo Clinic; 2024. Imechukuliwa 09.04.2025 kutoka https://www.mayoclinic.org/diseases-conditions/urinary-tract-infection

4. Centers for Disease Control and Prevention (CDC). Malaria [Intaneti]. Atlanta: CDC; 2023. Imechukuliwa 09.04.2025 kutoka https://www.cdc.gov/malaria

5. World Health Organization. Sexually transmitted infections (STIs) [Intaneti]. Geneva: WHO; 2023. Imechukuliwa 09.04.2025 kutoka https://www.who.int/news-room/fact-sheets/detail/sexually-transmitted-infections-(stis)

6. Mayo Clinic. Typhoid fever [Intaneti]. Rochester (MN): Mayo Clinic; 2024. Imechukuliwa 09.04.2025 kutoka https://www.mayoclinic.org/diseases-conditions/typhoid-fever