Majadiliano na Wataalamu

Swali

Je vifaa vya kujifungulia ni vipi?

Je, natakiwa kuandaa vifaa gani kabla ya kwenda kujifungua?

Majibu

Vifaa vya kujifungulia ni nyenzo muhimu zinazokuwezesha kujifungua salama na kupatamatunzo muhimu kwako na mtoto. Kwenye baadhi ya hosptiali, itakupasa kuwa na vifaa vyako vya kujifungulia kutokana na uhaba wa vifaa hivyo, haswa kwenye hospitali ambapo wamama wengi hujifungua.

Orodha ya vifaa vya kujifungulia

Baadhi ya vifaa vya kujifungulia huwa pamoja na;

• Mipira ya kuvaa mikononi ( Glavu za upasuaji)

• Mpira wakutandika (Makintoshi)

• Kibana kitovu cha kichanga

• Kisu cha upasuaji

• Bando la pamba

• Pedi za mzazi

• Mabomba ya sindano yenye ujazo wa 2cc na 5cc

• Dawa ya kuchoma aina ya tranexamic

• Nguo za kufunika mtoto

Wapi utapata vifaa hivi vya kujifungulia?

Vifaa hivi vya kujifungulia unaweza vipata katika maduka ya dawa na vifaa tiba. Kumbuka wakati wa kununua ni vema ukamwambiua muuzaji akupe seti nzima ya vifaa vya kujifungulia kama itakuwepo ili kuepuka ununuzi wa kifaa kimoja moja.

Wapi utapata maelezo zaidi kuhusu vifaa vya kujifungulia?

Pata maelezo zaidi kutoka kwa daktari wako au mtoa huduma yeyote wa afya ambaye atakuhudumia wakati wa kujifungua ili ufahamu ni vifaa vipi muhimu utapaswa kuwa navyo.