Matibabu ya maumivu ya Kichwa

Kila mtu anaweza kuwa ashawahi pata maumivu ya kichwa katika Maisha yake. Wakati mwingine unaweza kujiuliza sababu ni nini husababisha maumivu haya? Na wakati mwingine ukawa na hofu kuhusu nini kitatokea baada ya maumivu hayo

Kitiba, maumivu ya kichwa yanaweza kusababishwa na sababu nyingi zikiwa pamoja na matatizo kwenye ubongo, mishipa ya damu, mishipa ya fahamu, fuvu la kichwa, misuli ya kichwani na pia kuna baadhi ya watu wamerithi tatizo la maumivu ya kichwa linalotembea katika familia.

Maumiu ya kichwa pia yanaweza kusababishwa na vitu vya hatari au visivyo vya hatari, unahitaji kuwasiliana na daktari wako sikuzote kwa ushauri hata kama utakuwa unachukua jitihada za kupunguza maumivu hayo

Baadhi ya matibabu ya maumivu ya kichwa ukiwa nyumbani ni pamoja;

Kujikanda na maji ya baridi au barafu kutibu maumivu ya kichwa

Tumia taulo lililochovya kwenye maji ya baridi au barafu kukanda eneo la paji la uso ili kupunguza maumivu

Gandamiza kwa muda wa dakika 10 hadi 20 baada ya hapo pumzika kwa muda wa dakika 10 hadi 15 kabla ya kurudia tena mara nyingine. Unaweza kufanya hivi mara nyingi unavyoweza

Zuia vitu vinavyobana kichwani kutibu maumivu ya kichwa

Regeza nguo au kofia zinazobana kichwa, nguo zinazobana kichwa zinaweza kusababisha maumivu ya kichwa kwa kuleta mgandamizo. Pia kusuka mitindo ya nywele za kuvuta sana kichwa huweza kusababisha maumivu ya kichwa

Punguza kupigwa na mwanga machoni kutibu maumivu ya kichwa

Mwanga mkali unasemekana kuamsha maumivu ya kichwa ya kipanda uso, hivyo ni vema kufanya yafuatayo ili kupugnuza mwanga mkali kwenye macho yako;

• Acha kuangalia mwanga wenye kimulimuli, punguza mwanga wa kompyuta yako kama unatumia kompyuta au tumia mode ya kusomea

• Weka kipunguza mwanga kwenye kioo cha kompyuta yako ili kuzuia mwanga mkali kupiga kwenye macho yako

• Unapokuwa upo nje ya nyumba tumia miwani ya kupunguza mwanga wa jua

Acha kutafuna tafuna vitu kuzuia maumivu ya kichwa

Kutafuna bablishi au vitu vigumu licha ya kuleta maumivu kwenye taya, husababisha maumivu ya kichwa pia, acha kutafuna kucha za vidole

Kama unatabia ya kutafuna meno wakati wa usiku unaweza kutumia grili za meno ili kuzuia hali hii .

wasilaina na daktari wako wa meno kwa msaada zaidi

Kunywa chai asubuhi kama tiba ya maumivu ya kichwa

• Tumia chai ya moto yenye kahawa asubuhi na mapema unapoamka, kufanya hivi husaidia kupunguza maumivu ya kichwa. Usitumie kahawa nyingi sana kwa sababu mara utakapoacha matumizi ya kahawa maumivu yatakuja mara dufu.

• Chai ya tangawizi katika tafiti inaonekana pia kupunguza maumivu ya kichwa kwa watu wenye kipanda uso, unaweza kutumia chai ya tangawizi kwa jinsi unavyoweza ili kupunguza maumivu ya kichwa

Fanya mazoezi kama tiba ya maumivu ya kichwa

• Fanya mazoezi ya mwili na yoga pamoja na kufanya meditesheni. Jifunze Zaidi kuhusu mazoezi kwenye sehemu ya mazoezi na chakula katika tovuti hii.

• Mwombe daktari wa mazoezi pia akufundishe namna ya kupambana na maumivu kwa kukuelekeza aina ya mazoezi ya kufanya

• Fanya maseji kwenye maneo haswa ya taya la juu na kichwani ili kupunguza maumivu ya kichwa

Usipende matumizi sana ya dawa za maumivu kutibu maumivu ya kichwa

• Tumia maji badala ya dawa za maumivu

• Ongea na daktari wako kuhusu matumizi ya dawa za maumivu kwa sababu baadhi ya dawa zinazotumiwa huweza kusababisha vidonda vya tumbo na matatizo mengine endazo zinatumika mara kwa mara na baadhi ya dawa hazipaswi kutumika kwa sababu zinaweza kuleta maumivu Zaidi ya kichwa

Acha kutumia pombe kuzuia maumivu ya kichwa

• Matumizi ya pombe yanaweza kuambatana na maumivu ya kichwa wakati wa asubuhi kama hang’ova

• Acha kutumia pombe kwa kiasi kikubwa au acha kabisa endapo unapata maumivuu baada ya kutumia pombe

• Jaribu kutafuta mbadala wa kinywaji hiki kwa kutumia maji au kufanya mazoezi

• Endapo itabidi, tumia aina nyingine ya pombe ambayo zinafahamika kutosababisha hang’ova

• Tahadhari unashauriwa kutumia kiasi cha pombe kinachofaa kiafya, soma kuhusu kiasi gani cha pombe kinafaa kiafya katika makala sehemu nyingine katika tovuti hii