Je, kikohozi cha UKIMWI kikoje?

Jibu ni hapana. Kikohozi kinaweza kusababishwa na mambo mengi yasiyo na uhusiano na VVU kama vile mafua, mzio, bakteria, hewa kavu au baridi, na hata msongo wa asidi tumboni. Kwa hiyo, kikohozi pekee si dalili maalum ya maambukizi ya VVU. Njia pekee inayotambulika kimatibabu kuthibitisha VVU ni kupima, si kutegemea dalili.

Hakuna muda maalum. Kinaweza kuonekana katika:

• Hatua za mwanzo kama sehemu ya dalili zinazofanana na mafua

• Baada ya muda mrefu bila matibabu, wakati kinga imedhoofika na mwili unaanza kushambuliwa na maambukizi madogo kwenye njia ya hewa

Watu wengine wanaweza kuwa na kikohozi kwa wiki kadhaa, hasa kama kuna nimonia, sinusaitisi, au maambukizi ya mapafu. Mara nyingi kikohozi cha VIrusi vya UKIMWI hutokea pamoja na dalili nyingine, si peke yake.

Kikohozi cha maambukizi ya VVU kinaweza kutokea katika hatua mbili tofauti:

a) Hatua ya mwanzo

Watu wengi hupata dalili zinazofanana na mafua:

• koo kuuma

• homa

• kikohozi cha kawaida

• uchovu

Dalili hizi hupotea ndani ya wiki chache.

b) Hatua za baadaye (ikiwa mwathirika hajaanza ARVs)

Kinga inaposhuka, mwili huwa rahisi kushambuliwa na maambukizi ya mapafu kama:

• nimonia

• kifua kikuu

• Maambukizi ya fangasi

Maambukizi haya yanaweza kusababisha kikohozi kisichoisha.

Kwa kawaida, hapana. Kikohozi cha vvu mara nyingi ni kikavu. Lakini kama kikohozi kina makohozi ya:

• kijani

• njano

• kahawia au damu

Hiyo mara nyingi ni ishara ya maambukizi ya mapafu (Nimonia ya bakteria, bronkaitisi, au TB), si ugonjwa wa Virusi vya UKIMWI wenyewe. Kwa hivyo, kikohozi chenye makohozi si dalili ya moja kwa moja ya maambukizi ya VVU.

Ugonjwa wa Virusi vya UKIMWII wenyewe hausababishi kikohozi chenye damu.Kikohozi chenye damu hutokea pale ambapo mtu ana maambukizi mengine kama:

• kifua kikuu (TB)

• nimonia kali

• majeraha ya mapafu

Haya hutokea pale ambapo kinga ya mtu imeshuka sana na mwili hauwezi kupambana na maambukizi kikamilifu.

Ndiyo. Dalili za mwanzo za ugonjwa wa Virusi vya UKIMWI zinaweza kufanana sana na:

• mafua

• homa ya kawaida

• maambukizi ya njia ya juu ya pumzi

Kwa sababu hii, watu wengi huchanganya dalili.

Ndiyo maana wataalamu wa afya wanasistiza kuwa dalili pekee haziwezi kuthibitisha ugonjwa wa Virusi vya UKIMWI. Ni muhimu kupima ikiwa kuna wasiwasi wowote.

Daktari anaweza kupendekeza vipimo vya kubaini chanzo halisi cha tatizo, kama:

• X-ray ya kifua — kuangalia mapafu na hali ya nimonia

• Vipimo vya makohozi — kubaini kama kuna bakteria au fangasi

• Kipimo cha kifua kikuu (TB )

• Kipimo cha damu kuangalia maambukizi mengine

• Kipimo cha HIV ikiwa kuna sababu ya kliniki kufanya hivyo

Vipimo hivi husaidia kupata matibabu sahihi kulingana na chanzo cha kikohozi.

Ndiyo, kikohozi kinachoonekana kwa mtu mwenye ugonjwa wa Virusi vya UKIMWI kinaweza kutibika kwa kutegemea chanzo. Matibabu yanategemea sana sababu, si VVU yenyewe.

Ikigundulika kuwa mtu ana VVU na akaanza matibabu ya ARVs, kinga huimarika na:

• maambukizi ya mapafu hupungua

• kikohozi huisha

• mwili unarudi katika hali yake ya kawaida

Kwa hiyo, ARVs ni muhimu sana katika kuzuia kikohozi kuendelea kwa muda mrefu.

Hapana kabisa. Kikohozi cha muda mrefu kinaweza kusababishwa na:

• pumu

• kifua kikuu

• mzio

• nimonia

• matatizo ya sinus

• hewa chafu

• uvutaji sigara

• Kucheua tindikali

• maambukizi ya kawaida ya mfumo wa upumuaji

Kwa hiyo, kikohozi cha muda mrefu si ushahidi wa maambukizi ya Virusi vya UKIMWI. Lakini ni muhimu kwenda hospitali ili kuchunguzwa, kupata vipimo, na kupatiwa tiba sahihi.