Mimba imeingia lini?

Swali la muhimu:

Uchambuzi wa kitaalamu

1. Mzunguko wa Siku 29 na uovuleshaji

Kwa wanawake walio na mzunguko wa hedhi wa kawaida wa siku 29, uovuleshaji (kuachia yai) hutokea karibu na siku ya 14 hadi 15 ya mzunguko. Hii humaanisha kwamba dirisha la rutuba huwa kati ya siku ya 11 hadi 16, ambapo uwezekano wa kushika mimba ni mkubwa zaidi.

Kwa mzunguko wake:

• Hedhi ya mwisho: Tarehe 4 Juni

• Makadirio ya terehe ya uovuleshaji: Karibu tarehe 18 au 19 Juni

• Dirisha la rutuba: Tarehe 13 hadi 19 Juni

2. Ngono kabla ya uovuleshaji na Matumizi ya P2

• Tarehe 14 na 15: Ngono ilifanyika karibu na mwanzo wa dirisha la rutuba.

• Tarehe 16: Alimeza P2 (dawa ya dharura ya kuzuia mimba) mchana — ndani ya muda unaokubalika (saa 72 baada ya tendo).

  • P2 hufanya kazi kwa kuzuia yai kupevuka au kuzuia mimba kama mbegu hazijafanikisha urutubishaji bado.

  • Hata hivyo, ufanisi wa P2 hupungua kadri muda unavyopita na hauzuii mimba ikiwa yai tayari limerutubishwa.

3. Ngono wakati wa uovuleshaji bila kinga wala P2

Tarehe 18 (usiku) na 19 (asubuhi): Ngono ilifanyika katika kilele cha uovuleshaji

• Hakutumiwa kinga wala dawa ya kuzuia mimba baada ya hii ngono.

• Mbegu za kiume huishi hadi siku 5 ndani ya uke, hivyo kuna nafasi kubwa ya mbegu kurutubisha yai.

  
  

Majibu ya kitaalamu kutokana na uchambuzi

Ikiwa mimba imepatikana, kuna uwezekano mkubwa ilitokana na ngono ya tarehe 18 au 19, kwani:

• Zilifanyika wakati wa uovuleshaji.

• Hakukutumiwa dawa wala kinga.

• Dawa ya P2 ilitumiwa tu kwa ngono ya tarehe 14 na 15, na haikuwa na ufanisi wa kuzuia mimba kutokana na ngono ya tarehe 18 na 19.

Dalili za mimba

Dalili za mimba huanza kuonekana kuanzia siku 6–12 baada ya uovuleshaji, miongoni mwa dalili za awali ni:

• Maumivu ya matiti

• Uchovu

• Maumivu ya tumbo chini au kiuno

• Kichefuchefu au mabadiliko ya ladha

Ushauri muhimu

Fanya kipimo cha mimba (damu au mkojo) kuanzia siku 10 hadi 14 baada ya tarehe 18, au baada ya kuchelewa kwa hedhi na ikiwa hutaki mimba, zungumza na mtaalamu wa afya kuhusu njia salama za uzazi wa mpango za kudumu au za muda mrefu.

Hitimisho

Kwa mujibu wa muda wa uovuleshaji, matumizi ya P2, na kutotumia kinga baada ya tarehe 18/19 — mimba ikiwa imeingia, kuna uwezekano mkubwa sana imetokana na ngono ya tarehe 18 au 19.