Je maziwa ya ngombe husababisha upungufu wa damu kwa watoto chini ya umri wa mwaka mmoja?

Ndio!

Kuwapa maziwa ya ng’ombe watoto walio chini ya umri wa mwaka mmoja huathiri kiwango cha madini chuma mwilini kiasi cha kupelekea kupta upungufu wa damu.

Kwanini upungufu huu hutokea?

Kuna njia mbalimbali za kisayansi zinazoelezea kwanini upungufu wa madini chuma na damu unaweza kutokea, amabzo ni;

• Kuna kiasi kidogo cha madini chuma kwenye maziwa ya ng’ombe, kiasi cha kushindwa kutosheleza mahitaji ya mwili kutengeneza damu na ukuaji.

• Maziwa ya ng’ombe huongeza upotevu wa damu kwenye kinyesi kwenye asilimia 40 ya watoto wenye afya njema

• Kuna kiasi kikubwa cha casein na kalisiamu kweye maziwa ya ng’ombe kinachozuia ufyonzwaji wa madini chuma yasiyo na asili ya heme. Takribani asilimia 10 tu ya madini chuma kwenye maziwa ya ng’ombee hufyonzwa na kuingia mwilini.

Je mtoto anaweza kutumia maziwa ya ng’ombe baada ya kuvuka mwaka mmoja?

Ndio!

Upotevu wa madini chuma kwenye kinyesi hupungua jinsi mtoto anavyoongezeka umri na husimama baada ya kuvuka umri wa mwaka mmoja.

Je kuna njia za kuandaa maziwa ya ngombe kudhibiti upungufu wa madini chuma kwa mtoto?

Baadhi ya nchi huongeza virutubishi na madini kwenye maziwa ya ngombe baada ya kuchemshwa kwenye joto kali ili kuua vimelea na kuondoa baadhi ya protini. Maziwa yaliyotengenezwa namna hii huweza kutumika kwa watoto kudhibiti upungufu wa madini chuma kama mbadala wa maziwa ya ngombe tupu. Hata hivyo inashauriwa matumizi ya maziwa yawe ya wastani tu.

Mambo mengine unayotakiwa fahamu kuhusu maziwa ya ng’ombe kwa mtoto

• Maziwa ya ng’ombe huwa na chumvi nyingi kuliko maziwa ya mama

• Huwa na protini kwa wingi inayoweza kuongeza hatari ya uzito mkubwa na obeziti kwa mtoto

Soma zaidi kuhusu maziwa ya ng'ombe kwa mtoto kwa kubofya hapa.