Kuwashwa uume wakati wa kujamiana: Dalili, Visababishi na Matibabu

Swali la msingi

Habari daktari, je kuwaswha uume wakati wa tendo la kujamiana(ngono) husababishwa na nini?

Majibu

Kuwashwa uume wakati wa kujamiana au kwa jina jingine wakati wa ngono au tendo la ndoa ni tatizo linalojitokeza kwa wanaume wengi, na mara nyingi linaweza kusababisha usumbufu mkubwa wa kimwili na kisaikolojia. Hali hii inaweza kuwa ya muda mfupi au ya muda mrefu kulingana na chanzo chake. Kuwashwa huweza kuwa ishara ya maambukizi, mzio, au msuguano unaosababishwa na ukavu wa uke au matumizi ya kemikali fulani.

Visababishi

Sababu kuu za kuwashwa uume wakati wa kujamiana ni pamoja na;

1. Msuguano mkubwa

Hii ni sababu ya kawaida zaidi. Hutokea pale ambapo tendo la ndoa linafanyika bila unyevu wa kutosha (ukavu wa uke) au kwa nguvu kupita kiasi. Msuguano kati ya ngozi nyeti ya uume na uke husababisha muwasho, hisia ya moto, au michubuko midogo.

2. Mzio (Aleji)

Baadhi ya wanaume huwa na mzio dhidi ya bidhaa kama vile:

• Kondomu zenye mpira (latex)

• Vilainishi vyenye kemikali au harufu kali

• Sabuni au dawa za kusafishia sehemu za siri

Mzio unaweza kusababisha kuwashwa mara tu uume unapogusana na vitu hivi wakati wa tendo.

3. Maambukizi ya Fangasi

Hata ingawa maambukizi haya huwapata zaidi wanawake, wanaume pia wanaweza kuathirika. Uambukizaji hutokea kupitia tendo la ndoa au usafi duni. Dalili ni pamoja na:

• Kuwashwa wakati au baada ya tendo

• Uwekundu wa kichwa cha uume

• Utoaji wa uchafu mweupe kama maziwa yaliyoganda

4. Maambukizi ya Bakteria au magonjwa ya zinaa

Baadhi ya magonjwa ya zinaa kama Trichomonas, klamidia, au Gonorrhea husababisha muwasho wakati wa tendo kutokana na mabadiliko ya kimazingira ukeni au kwenye uume. Dalili zinaweza kujumuisha:

• Kuwashwa uume wakati wa au baada ya tendo

• Utoaji wa usaha

• Maumivu wakati wa kukojoa

5. Uchafu na kutokua na usafi wa sehemu za siri

Uwepo wa jasho, mabaki ya shahawa, au uchafu mwingine kwenye govi (hasa kwa wasiotoa govi) unaweza kusababisha msisimko wa ngozi na mwasho unapogusana na uke.

6. Kemikali kwenye shahawa au uke

Baadhi ya wanaume hupata muwasho kutokana na tofauti za asidi na alkali katika uke wa mwenzi wao. Hali hii huitwa uchokonozi wa kikemikali na mara nyingi si maambukizi bali mwitikio wa ngozi kwa pH tofauti.

7. Sababu za kisaikolojia

Wakati mwingine, msongo wa mawazo au hofu ya kufanya tendo la ndoa (sexual anxiety) inaweza kuongeza hisia za kuwashwa au kuungua, hasa kama hakuna tatizo la kimwili lililoonekana.

Dalili

Dalili zinazoambatana na Kuwashwa wakati wa kujamiana ni pamoja na;

• Kuwashwa uume wakati wa au muda mfupi baada ya tendo

• Maumivu madogo au hisia ya kuungua

• Uwekundu wa ngozi ya uume

• Utoaji wa majimaji yasiyo ya kawaida

• Michubuko midogo au uvimbe

Uchunguzi wa tatizo

Ili kubaini chanzo, daktari anaweza kufanya:

• Uchunguzi wa uume (physical examination)

• Kipimo cha maambukizi ya fangasi au bakteria

• Kipimo cha magonjwa ya zinaa (STIs screening)

• Historia ya matumizi ya kondomu, sabuni, au vilainishi

Matibabu ya kuwashwa uume Wakati wa kujamiana

Matibabu hutegemea chanzo cha tatizo:

Njia za kujikinga

1. Tumia kondomu kila mara unapofanya tendo na mpenzi mpya.

2. Epuka sabuni au manukato yenye kemikali sehemu za siri.

3. Safisha uume kila siku hasa chini ya govi kama hujatahiliwa

4. Fanya vipimo vya afya ya uzazi mara kwa mara.

5. Punguza matumizi ya vilainishi vyenye harufu au vionjo.

Wakati wa kumwona daktari

Onana na daktari ikiwa;

• Kuwashwa hakupungui baada ya siku 3–5

• Umeanza kutoa usaha au harufu isiyo ya kawaida

• Maumivu wakati wa kukojoa au tendo

• Uume umevimba au umeanza kuwa na vidonda

Maswali yanayoulizwa Mara kwa Mara