Kwa nini mwanamke anaweza kushindwakufika kileleni? Fahamu sababu na namna ya kutatuta

Maelezo ya singi

Nimekuwa na shida tangu nilipoanza kushiriki tendo la ndoa. Sijawahi kufika kileleni wakati wa tendo. Kuna siku chache ambazo nimesikia hali fulani ya raha mwilini, ambayo nahisi ndio kilele, lakini hii hujitokeza muda mfupi baada ya mwenza wangu kumaliza tendo, si wakati wa tendo lenyewe. Katika mara kumi tofauti nilizofanya tendo, hali hiyo ya kufika kileleni imetokea mara mbili pekee. Nimekuwa nikijiuliza kwa nini siwezi kufika kileleni mara kwa mara kama wengine na kama kuna dawa salama zinazoweza kusaidia.

Majibu

Kufika kileleni ni nini?

Kufika kileleni ni kilele cha raha ya ngono ambapo misuli ya uke na eneo la nyonga hukaza kwa kurudiarudia, sambamba na hisia ya kuridhika na utulivu wa mwili na akili. Kwa wanawake, kufika kileleni ni hali ya kipekee na hutofautiana kati ya mtu na mtu, kwa baadhi hufikiwa kwa haraka, kwa wengine huchelewa au kutofika kabisa.

Sababu zinazoweza kuzuia kufika kileleni

1. Sababu za kisaikolojia

• Msongo wa mawazo, wasiwasi, au hofu ya kushindwa kufika kileleni

• Kukosa kujiamini au hisia hasi kuhusu mwili wako

• Kukosa ukaribu wa kihisia na mwenza

2. Sababu za kimwili

• Ukosefu wa msisimko wa kutosha kwenye kinembe

• Maumivu wakati wa tendo au uke kuwa mkavu

• Matatizo ya homoni, kisukari, matatizo ya neva

• Madhara ya dawa kama za presha au msongo wa mawazo

3. Sababu za mahusiano na mbinu za tendo

• Kukosa maandalizi ya kutosha kabla ya tendo

• Kutokuwasiliana na mwenza kuhusu maeneo yako nyeti

• Kukosa kushirikiana katika kupeana raha

Je, kuna dawa za kufika kileleni kwa wanawake?

Ndiyo, kuna dawa na virutubisho vinavyolenga kusaidia wanawake kufikia kileleni, lakini ni muhimu kutumia kwa tahadhari na chini ya ushauri wa daktari. Zifuatazo ni baadhi ya dawa:

1. Flibanserin (Addyi®)

• Husaidia wanawake wenye kupungukiwa na hamu ya ngono

• Hutumika kila siku, lakini hupatikana zaidi marekani na nchi chache sana afrika

• Si tiba ya moja kwa moja ya kufika kileleni, ila huongeza hamu

2. Bremelanotide (Vyleesi®)

• Sindano inayochochea hisia kabla ya tendo

• Haipatikani kwa urahisi Afrika

3. Virutubisho vya asili

Virutubisho hivi vinaweza kupatikana kwenye maduka ya dawa asili au famasi kubwa.

• Maca root  kutoka kwenye mmea wa kutoka mimea ya Lepidium meyenii– husaidia kuongeza stamina na msisimko

• Ginseng – huchochea msisimko wa ngono

• Ginkgo biloba – husaidia mzunguko wa damu

• L-arginine – huchochea mzunguko wa damu maeneo nyeti

Kumbuka: Virutubisho hivi havipaswi kutumika bila ushauri wa kitaalamu.

Njia salama za kuongeza uwezekano wa kufika kileleni

1. Jitambue Kimwili

• Jifunze sehemu zako nyeti, hasa kinembe, na namna zinavyopenda kusisimuliwa

• Unaweza kujisaidia kujitambua kwa kujigusa kwa nia ya elimu ya mwili (si kwa lengo la kujichua tu)

2. Kuimarisha misuli sakafu ya nyonga kwa mazoezi

• Husaidia kuimarisha misuli ya uke na nyonga

• Yanaweza kuboresha msisimko wa ngono na kuleta kufika kileleni ya haraka

3. Kuandaliwa vema na kuwa na mawasiliano

• Hakikisha unapata maandalizi ya kutosha kabla ya tendo

• Weka wazi kwa mwenza wako kuhusu vitu unavyovipenda kufanyiwa

4. Punguza msongo wa mawazo

• Jifunze njia za kupumzika kama yoga au kupumua kwa utaratibu

• Kuwa huru kuzungumza na mwenzi wako bila kuhisi aibu

5. Tafuta ushauri wa kitaalamu

• Tembelea kliniki ya afya ya uzazi au mshauri wa mahusiano

• Wanaweza kusaidia kutambua chanzo cha tatizo na kukupa tiba sahihi

Kumbuka

• Wanawake wengi hawafiki kileleni kupitia kuingiziwa uume tu bali kupitia msisimko wa kinembe.

• Hali ya kufika kileleni inayochelewa au kutokea baada ya tendo ni ya kawaida, lakini ikiathiri maisha yako ya kimapenzi, ni vyema kutafuta msaada.

• Dawa zinaweza kusaidia lakini si mbadala wa mawasiliano, kutambua mwili wako na maandalizi mzuri kabla ya tendo la ndoa.

  
  

Hitimisho

Kutofika kileleni si jambo la aibu, na wala halimaanishi kuwa kuna tatizo kubwa – bali ni kiashiria kuwa mwili, akili, au uhusiano unahitaji msaada na uelewa zaidi. Kwa kutumia mbinu sahihi na kuwasiliana kwa uwazi na mwenza, unaweza kubadilisha hali hii na kufurahia tendo la ndoa kwa kuridhika kamili.