Mabadiliko ya mwili baada ya kujifungua

Mara baada ya kujifungua mama hupata mabadiliko ya kawaida katika mwili wake kwenye majimaji yanayotoka ukeni, mji wa mimba, matiti, saikolojia na kibofu cha mkojo na kisaikolojia. Ni muhimu kwa mama na ndugu anayemhudumia mama aliyejifungua kufahamu kuhusu mabadiliko haya .

Mji wa Mimba

mambo yafuatayo ni kawaida kutokea baada ya kujifungua;

• Kunywea kwa mji wa mimba

• Kuhisi maumivu makali baada ya kujifungua wakati mji wa mimba unaposinyaa

Majimaji ya ukeni

Baada ya kujifungua sifa za majimaji ukeni hubadilika jinsi siku zninavyoenda kisha kuwa kawaida. Ni muhimu ukaahamu kuwa majimaji ya ukeni baada ya kijifungua kwa kawaida huwa hayana harufu mbaya. Ikitokea kuwa na harufu mbaya hii humaanisha kuwa na tatizo hivyo uwasiliane na daktari.

Baada ya kujifungua, mabadiliko ya majimaji ukeni huwa kama ifuatavyo;

• Siku nne za mwanzo:- Huwa na rangi nyekundu

• Siku ya nne hadi tisa:- Majimaji hupungua na huwa na rangi ya pinki

• Siku ya tisa hadi kumi na tano:- Rangi njano mpuko

• Siku ya kumi na tano na kuendelea:- hakupaswi kuwa na majimaji ya ukeni baada ya kujifungua

Mabadiliko ya Matiti:

• Tangu kujifungua mpaka siku ya tatu, matiti hutoa maziwa yenye rangi ya manjano (dang’a),

• Maziwa yenye rangi ya manjano (dang’a) ni lishe tosha kwa mtoto mchanga kwa siku kadhaa za mwanzo,

• Maziwa yenye rangi ya manjano (dang’a) humkinga mtoto mchanga dhidi ya maambukizi,

• Matiti hujaa yanapoanza kutengeneza maziwa yenye rangi nyeupe.

Kibofu cha mkojo

• Kiasi cha mkojo huongezeka mara baada ya kujifungua, hali hii hutokana na mabadiliko yanayotokea wakati wa ujauzito,

• Baadhi ya kinamama hushindwa kukojoa mhimize mama akojoe mara kwa mara.

Mabadiliko Kisaikolojia:

Kwa kawaida kupata mtoto ni tukio lenye msisimko mkubwa kwa mama na familia. Hata

hivyo, wakati mwingine mama huonyesha hali zisizo za kawaida kutegemeana na mwitikio wake wa kisaikolojia.

Mabadiliko ya kisaikolojia yanayoweza kutokea baada ya kujifungua kama;

• Mabadiliko ya kihisia kama vile kuridhika, furaha na msisimko na pia uchovu, hisia za unyonge, kutoridhika na kukata tamaa.

• Ahueni – “Nashukuru, nimetua mzigo.” Haya hutamkwa na wanawake wengi mara baada ua kujifungua.

• Wengine wanaweza kujisikia kuwa karibu zaidi na mwenzi au kichanga chake.

• Baadhi wanaweza kuonyesha kutokumpenda mtoto, woga wa mambo asiyoyajua au uchovu