Kamusi Tiba ya ULY CLINIC

Ovulation (ovulesheni) ni mchakato ambapo ovari huachia yai lililokomaa ambalo linaweza kurutubishwa na mbegu ya mwanaume na kusababisha ujauzito. Kwa kawaida hutokea mara moja katika kila mzunguko wa hedhi, na muda wake hutofautiana kati ya mwanamke mmoja na mwingine ikitengemea urefu wa mzunguko wa hedhi.

Ni hali adimu lakini hatari inayosababishwa na sumu za bakteria na inaweza kusababisha shinikizo la damu kushuka na viungo vya mwili kushindwa kufanya kazi. Homa kali ya ghafla, upele, kizunguzungu, kutapika au kuchanganyikiwa vinahitaji huduma ya dharura, kwani matibabu ya mapema hupunguza hatari ya madhara makubwa.

Ni kiungo cha nje cha mfumo wa uzazi na mfumo wa mkojo wa mwanaume, kilichopo katika sehemu ya mbele ya chini ya mwili wa mwanaume. Uume huundwa na shina la uume, kichwa cha uume na tishu za ndani za kusimamisha uume, ambazo zinajumuisha miili miwili ya kavernasi na mwili mmoja wa sponji unaozunguka sehemu ya mrija wa mkojo.

Ni tezi mbili ndogo za mfumo wa uzazi wa mwanamke zinazopatikana chini ya mashavu ya uke, upande wa kulia na kushoto wa sehemu ya chini ya mlango wa uke. Kwa upande wa anatomia, kila tezi iko ndani ya tishu za sehemu ya chini ya mashavu ya uke na karibu na sehemu ya nyuma ya mlango wa uke. Tezi hizi pia hujulikana kama tezi kubwa za ukumbi wa uke kwa sababu ziko katika eneo linaloitwa ukumbi wa uke.

​