Sera ya Matangazo na udhamin

Ili kusaidia kuendeleza kazi yetu ya kutoa elimu ya afya iliyo sahihi, yenye ushahidi na yenye manufaa kwa jamii, ULY-Clinic inaweza kukubali matangazo na udhamini kwa kuzingatia vigezo na masharti yetu.

​

Uteuzi wa Matangazo

ULY-Clinic haitakubali matangazo tunayoyaona kuwa ya udanganyifu, yanayoweza kuwapotosha watumiaji, au ambayo hayaendani na misingi yetu ya kutoa taarifa sahihi na salama za afya.

 

Kuwepo kwa tangazo au udhamini kwenye tovuti, barua pepe au jukwaa jingine la ULY-Clinic hakumaanishi kwamba ULY-Clinic imeidhinisha, imependekeza au imehakikisha usalama, ubora au ufanisi wa bidhaa, huduma au kampuni inayotangazwa.

 

Matangazo na Maudhui ya Kielimu

ULY-Clinic inatenganisha matangazo na maudhui yake ya elimu ya afya ili kuzuia wasomaji kuchanganya tangazo na taarifa za kitabibu zinazotolewa na ULY-Clinic.

​

Matangazo na maudhui yanayodhaminiwa yataonyeshwa kwa utambulisho unaoeleweka, kama vile “Tangazo” au "ad", au “Imedhaminiwa”, inapohitajika, ili mtumiaji aweze kutofautisha maudhui ya kibiashara na maudhui ya kielimu.

​

Tangazo linaweza kuonekana kwenye ukurasa unaohusiana na mada fulani, lakini uwepo wake hauimaanishi kwamba bidhaa au huduma hiyo ni sehemu ya mapendekezo ya kitabibu ya ULY-Clinic.

​

Matumizi ya Jina la ULY-Clinic

Watangazaji, wadhamini na washirika hawaruhusiwi kudai au kuashiria kwamba ULY-Clinic imeidhinisha, imependekeza au imethibitisha bidhaa au huduma yao, isipokuwa pale ambapo ULY-Clinic imetoa idhini hiyo rasmi kwa maandishi.

​

ULY-Clinic inaweza kukataa, kuondoa au kusitisha tangazo au udhamini ambao baadaye utaonekana kutokidhi sera hii.

 

Gharama za Kutangaza na ULY-Clinic

ULY-Clinic inatoa nafasi za matangazo kwa kampuni, taasisi, bidhaa na huduma zinazokidhi Sera yetu ya Matangazo na Udhamini.

​

Tovuti ya ULY-Clinic hufikiwa na zaidi ya watu 100,000 kwa siku, na hivyo kutoa fursa ya kufikisha ujumbe wa biashara yako kwa hadhira kubwa inayotafuta taarifa za afya kwa Kiswahili.

​

Viwango vya Matangazo