Umuhimu wa mjamzito kuhudhuria kliniki

Kuhudhuria kliniki mapema kabisa kabla au baada ya kupata ujauzito huwa na faida zifuatazo kwa mama na mtoto;

Kuboresha afya ya mama mjamzito

Afya ya mjamzito itaboreka kwa;

• Kupata elimu kuhusu masuala ya afya

• Kupata unasihi kuhusu lishe bora

• Kupata unasihi na kupima VVU

• Kufahamishwa umuhimu wa kujikinga dhidi ya magonjwa kama vile malaria, minyoo, magonjwa ya ngono na VVU

• Kupata ushauri kuhusu njia za uzazi wa mpango baada ya kujifungua

Mjamzito kupatiwa dawa na chanjo muhimu

Dawa zinazotolewa wakati wa ujauzito zinazotumika kukinga na kuponya maradhi mbalimbali ni;

Vidonge vya kuongeza damu ili kujikinga dhidi ya upungufu wa damu

Chanjo ya pepopunda kama ni muda muafaka

Vidonge vya folic acid

Vidonge za kujikinga na malaria kwa wamama wanaoishi kwenye maeneo yenye malaria

Kujifungua salama

Mama atakapohudhuria klinini ataongeza uwezekano w akujifungua salama kwa;

• Kufundwa kutengeneza mpango binafsi wa maandalizi ya kujifungua na kuhimizwa kuhusu kujifungua katika kituo cha kutolea huduma za afya

• Kugundua mapema viashiria vya hatari kama vile kisukari, shinikizo la juula damu na kifua kikuu

• Kufahamu umuhimu wa kutoa taarifa mapema ya magonjwa, kwa kuwa magonjwa haya yanaweza kuathiri ujauzito

• Kutambua dalili za hatari na kupata huduma za afya mapema

• Kutambua umuhimu wa kuwashirikisha akinababa katika huduma ya mama, mtoto mchanga na mtoto chini ya miaka mitano

Nani afanye maamuzi ya mjamzito kuhudhuria kliniki?

Mwenzi wa kiume na mama mjamzito wanapaswa kufanya maamuzi kwa kushirikiana kuhusu wapi na lini mama mjamzito atakwenda kupata huduma.

Mjamzito anapaswa kuhusika kufanya maamuzi mapema kuhusu wapi anapenda akapate huduma za afya mara tu anapoona inahitajika ili kupunguza madhara ya ujauzito kwake na mtoto.