Tatizo sugu la kukojoa mara kwa mara mchana na usiku kwa mtu asiye na kisukari na UTI

Majibu

Tatizo la kukojoa mara kwa mara huwakumba watu wengi, na mara nyingi husababishwa na kisukari au Maambukizi ya Mfumo wa Mkojo (UTI). Hata hivyo, yapo mazingira ambapo mgonjwa anaendelea kukojoa mara nyingi licha ya uchunguzi kuonyesha hana kisukari wala UTI. Hii hali inaweza kuathiri usingizi, kuleta msongo, na kupunguza ubora wa maisha.Makala hii inaeleza visababishi vingine vinavyoweza kupelekea hali hii, namna ya kuchunguzwa, matibabu, tiba za nyumbani na muda wa kumwona daktari.

Dalili kuu

• Kukojoa zaidi ya mara 7–8 mchana kwa mtu mzima

• Kuamka mara 2 au zaidi usiku kwenda chooni (nocturia)

• Kuhisi haja ya kwenda mara kwa mara hata kama mkojo ni kidogo

• Kukojoa bila kuungua wala maumivu

Visababishi

Sababu zinazowezekana (Bila kisukari wala UTI) ni pamoja na;

1. Kibofu kinachofanya kazi kupita kiasi- (OAB)

Hii ndiyo sababu ya kawaida kwa wagonjwa wasio na UTI wala kisukari. Kibofu huanza kupeleka ishara za kukojoa hata mkojo ukiwa kidogo. Dalili: Hamu ya haraka ya kukojoa, kutokwa na mkojo kidogo kabla kufika chooni.

2. Matumizi ya vinywaji/vitu fulani

Kunywa sana, hasa:

• Kafeini (kahawa, chai nyeusi, vinyaji vya kuongeza nguvu)

• Pombe

• Soda na maji baridi kwa wingi

• Vinywaji vyenye viambato vinavyochochea mkojo uzalishaji wa mkojo- kupunguza maji mwilini, ikiwemo bangi na baadhi ya dawa za presha

3. Msongo wa mawazo

Msongo au hofu huathiri mishipa ya fahamu, na kupelekea kibofu kupata msisimko wa kirahisi.

4. Sindromu ya maumivu ya kibofu/au Sistaitis ya tishu za kibofu

Hali sugu inayoleta:

• Hamu ya kukojoa mara kwa mara

• Maumivu ya fumbatio la chini

• Mkojo kuwa kidogo kidogo, mara nyingi hakuna maambukizi.

5. Kukua kwa tezi dume

Hata kama UTI na kisukari havipo, tezi dume ikiongezeka husababisha mkojo kutoka kwa shida na kwenda mara kwa mara.

6. Kunywa maji mengi

Kunywa maji ya kupita kiasi bila mwili kuhitaji maji hayo.

7. Vichokonozi vya kibofu

Vyakula vinavyochokoza kibofu na kusababisha kifanye kazi sana ni kama vile;

• Chumvi nyingi

• Pilipili nyingi

• Vyakula vya makopo

• Vinywaji vyenye chumvi au tindikali

8. Magonjwa ya mishipa ya fahamu

Mfano: MS (multiple sclerosis), kiharusi, magonjwa ya mfumo wa neva za mgongo – yanaweza kuathiri mfumo wa mkojo.

9. Dawa

Baadhi ya dawa za:

• Presha

• Magonjwa ya hali

• Kifafa

• Mafua

10. Ujauzito

Hata bila UTI au kisukari, kizazi kikubwa huleta presha kwenye kibofu.

Vipimo

Ingawa mgonjwa hana UTI wala kisukari, vipimo vifuatavyo husaidia kufahamu sababu halisi:

Matibabu

Matibabu hutegemea kisababishi, jedwali lifuatalo limeainisha matibabu yanayoweza kufanywa na daktari kwa ufupi;

Jedwali: Matibabu kutokana na kisababishi

Matibabu ya nyumbani kwa ujumla

• Punguza vyakula vyenye kafeini (chai, kahawa, soda)

• Epuka kunywa maji mengi usiku

• Punguza chumvi na viungo kali

• Bladder training: Jenga uwezo wa kuvumilia muda mrefu kabla ya kwenda chooni

• Mazoezi ya misuli ya nyonga (Kegel) – kwa wanaume na wanawake

• Fanya mazoezi ya mwili kupunguza msongo wa mawazo

Wakati wa kumwona daktari karaka

• Kukojoa kunaanza ghafla na kwa kasi

• Kukojoa zaidi ya mara 15 kwa siku

• Kuna damu kwenye mkojo

• Maumivu makali ya kibofu au fumbatio la chini

• Mkojo kutoka kidogo sana au kushindwa kabisa

• Mzee anayeamka mara nyingi usiku (hatari kwa matatizo ya tezi dume)

Hitimisho

Kukojoa mara kwa mara bila kisukari wala UTI ni hali inayoathiri watu wengi, na mara nyingi hutokana na Overactive Bladder, stress, prostate enlargement, vyakula fulani au unywaji mkubwa wa maji. Uchunguzi sahihi na ushauri wa daktari ni muhimu ili kutambua chanzo na kupata matibabu bora.

Maswali yanayoulizwa mara kwa mara