Syndrome ya Asherman

Asilimia 30 ya wanawake wanaokwanguliwa kizazi ili kutoa mimba yenye miezi mitatu au zaidi, hupata makovu makali ndani ya kizazi yanayosababisha ‘Syndrome ya Asherman’. Watu wenye syndrome hii hupata matatizo ya uzazi kama maumivu makali ya hedhi, kutokuona hedhi, ugumba n.k. Tumia njia za uzazi wa mpango, epuka kupata au kutoa mimba zisizotarajiwa.

Syndrome ya Asherman Hutokeaje?

Syndrome ya Asherman hutokea pale endapo kumetokea majeraha kwenye ukuta wa endometria , ukuta wa ndani ya kizazi ambao huhusika katika kushikilia kijusi mara baada ya kuchavushwa. Majeraha huamsha chembe za mwili zinazosababisha michomo kutokea kwenye ukuta huu kisha kupona kwa kuleta makovu.

Visababishi vya Syndrome ya Asherman

Nini kisabababisha syndrome ya Asherman?

• Makovu ndani ya ukuta wa mji wa mimba kutokana na kukwanguliwa uzazi

• Makovu ya upasuaji wa kujifungua au kutoa uvimbe wa fibroid ndani ya kizazi

• Ugonjwa wa Endometriosis

• Maambukizi ndani ya mfuko wa kiazi kama Kifua kikuu na Kichocho

• Matibabu ya mionzi

Dalili za syndrome ya Asherman

• Kupata hedhi nyepesi na kidogo sana

• Kutokupata hedhi kabisa

• Kupata maumivu makali ya hedhi licha ya kutokutoka damu

• Kutoshika ujauzito

Kujiepusha na Syndrome ya Asherman

Endapo unataka kuepuka kupata syndrome ya Asherman, jikinge kupata mimba zisizotarajiwa kwa kutumia njia za uzazi wa mpango

Unaweza kupata taarifa hii sehemu gani?

Soma zaidi kuhusu visababishi, dalili na tiba kwenye makala ya syndromu ya asherman ndani ya tovuti hii.