Kipimo cha kutambua antijeni za H. pylori hutumika kuchunguza uwepo wa protini za bakteria Helicobacter pylori kwenye kinyesi. Uchunguzi huu humwezesha daktari kufahamu kama vidonda vya tumbo vimesababishwa na bakteria huyu au sababu zingine.

Maambukizi ya H.pylori ni maambukizi yanayotokana na bakteria maarufu kwa jina la helicobacter pylori. Maambukizi haya hutokea utotoni, hali ya maambukizi ni kubwa duniani kote hata kwenye nchi zilizoendelea ambapo maambukizi yamekuwa yakipungua kwa kasi.

Kipimo hiki ni nini?

Kipimo hiki huitwa H.pylori antigen test kwa sababu hupima uwepo wa protini za bakteria huyu zinazoitwa H.Pylori antigeni kwenye kinyesi. Antigen za H.Pylori huzalishwa na bakteria huyu kisha kutolewa kupitia kinyesi. Uwepo wa antigen kwenye kinyesi huashiria kuna uwepo wa bakteria huyu kwa wakati huo.

Umuhimu wa kipimo

Kipimo cha antibodies hufanyika sana na huweza tambua uwepo wa maambukizi kwenye damu, hata hivyo antibodies hukaa kwa muda wa miezi mpaka miaka kadhaa hata kama mtu ametumia dawa na kupona kabisa. Kipimo cha antigen ni kipimo pekee kinachoweza kutambua maambukizi yanayoendelea kwa sababu hutambua uwepo wa protini zinazozalisha na bakteria huyu kasha kutolewa kwenye kinyesi. Antigen hizi hupotea kwenye kinyesi mara tu baada ya matibabu kufanya kazi. Kipimo hiki pia huwa si kipimo vamizi kwa mwili kama kilivyo kipimo cha endoscopy na antibodies

Mgonjwa gani anapaswa kufanya kipimo hiki?

Watu wafuatao wanapaswa kupima kipimo hiki;

Wenye historia ya kuwa na vidonda vya tumbo na wamekuja na vidonda vya tumbo, isipokuwa endapo walithibitika kupona kabisa

• Kuhisi gesi tumboni

• Wagonjwa wenye vidonda vya tumbo ambao wanapata dalili za maumivu ya tumbo, kuhisi kushiba, kupungua uzito bila sababu, kichefuchefu/kutapika

• Wagonjwa waliomaliza matibabu ya vidonda vya tumbo ili kuangalia kama maambukizi yameisha kwenye damu. Kipimo kitafanyika wiki 4 hadi 6 baada ya kuanza matibabu

• Wagonjwa wenye ugonjwa wa MALT lymphoma

• Wenye hatua za awali za saratani ya tumbo

Aina ya sampuli inayotakiwa

Sampuli inayotakiwa ni kinyesi kikavu cha asubuhi au kinyesi cha kwanza kabisa kama itawezekana.

Namna ya kukusanya sampuli

Utapewa kontaina safi ya kutunzia sampuli ili kuweka kiasi kidogo cha kinyesi kwa ajili ya kipimo.

Kila mtu anayekutwa na maambukizi anatakiwa huewa tiba, baada ya kumaliza tiba anatakiwa kupima tena ili kuthibitisha maambukizi yameisha

Kutokana na bakteria H.pyrol kuwa na usugu kwenye dawa nyingi, inashauriwa baada ya dozi kuisha upime kipimo hiki tena ili kuangalia kama mfumo wako wa tumbo umesasafishwa dhidi ya maambukizi haya.

Kwa wanawake

Ukusanyaji wa sampuli hautegemei jinsia

Kwa wanaume

Ukusanyaji wa sampuli hautegemei jinsia

Ukusanyaji wa sampuli kwa njia zingine

Hakuna mbadala wa sampuli hii

Utunzaji wa sampuli

Endapo sampuli inahitajika kutunzwa, itatunzwa kwenye kontena safi na kisha kuwekwa kwene jokofu katika joto linaloshauriwa ili isiharibibe. Utunzaji wa sampuli utafanyika pale endapo kipimo hakifanyiku muda huo.

Muda wa sampuli kuwa hai

Sampuli endapo imetunzwa kweye konteina na kuwekwa kwenye jokofu katika joto la mazingira (joto kati ya nyuzi joto 28-32) inaweza kudumu kwa muda wa siku 10-14 kabla ya kupimwa.

Kipimo hiki huwa na uwezo wa kuwa sahihi kwa asilimia 97 na husoma kwamba

Muda wa kupata majibu ya kipimo chako

Majibu hutoka ndani ya dakika 15 endapo umetumia kipimo cha haraka cha H.pylori.

Usomaji wa majbu

Kuna majibu aina mbili

Majibu chanya

Majibu chanya yataonyesha uwepo wa antigen za H.Pylori kwa kusoma mistari miwili kwenye sehemu ya control na sehemu ya test

Majibu hasi

Majibu hasi au negative yanaatikana pale endapo mstari mmoja tu wa control ndo umeonekana kwenye kipimo.

Ushauri wa msingi kwa mgonjwa

Endapo mgonjwa anatumia dawa jamii ya PPI kama omeprazole, lansoprazole au esomeprazole., antibayotiki na kampaundi zenye bismuth mjibu yake yanaweza kusoma negative ambapo kipimo kitakuwa ni cha uongo.

Utashauriwa na daktari wako au mtaalamu wa maabara kuzingatia mambo yafuatayo;

• Kuacha kutumia dawa za antibayotiki na zenye kampaundi ya bismuth angalau kwa mwezi mmoja

• Kuacha kutumia dawa jamii ya PPI angalau kwa wiki mbili

• Kuacha kunywa maji au kula angalau saa moja kabla ya kipimo