Kipimo cha hadubini ya mkojo (Urine microscopy) ni kipimo cha uhakika, rahisi, cha gharama nafuu na kinatumika chini ya kiwango katika utambuzi wa maambukizi ya UTI. Kipimo cha biopsy ya mkojo pia kinaweza kufanyika kwa njia hii ya hadubini.

Kipimo hiki ni nini?

Mkojo wa katikati ya kukojoa, wa asubuhi, msafi na wa hivi punde uliokusanywa kwenye kopo la sampuli hufanyiwa centrifugation kabla ya kipimo kufanyika. Kwa majibu ya kipomo jinsi kinavyosomwa muulizie daktari wako au toa maoni kuhusu kuandika majibu hayo na yataandikwa hapa kwa jinsi utakavyohitaji kutumia.

Umuhimu wa kipimo

Kipimo hiki huwa na umuhimu kwa mtaalamu wa afya kuangalia matatizo mbalimbali ya figo na njia ya mkojo.

Mgonjwa gani anapaswa kufanya kipimo hiki?

• Kwa mtu anayesemekana kuwa ana UTI

• Kuhisiwa kuwa na acute glomerulonephritis

• Kuhisiwa kuwa na ugonjwa wa kuferi figo kwa ghafla au tatizo sugu (acute or chronic renal failure

• Kukojoa mkojo wenye damu (hematuria) pamoja au bila protini (proteinuria)

• Kuhisiwa kuwa na saratani ya njia ya mkojo

Aina ya sampuli inayotakiwa

Sampuli inayokusanywa ni ile ya mkojo wa kati

Namna ya kukusanya sampuli

Ili kukusanya sampuli ya mkojo, chukua mkojo wa kati. Anza kukojoa kwanza na unapokuwa katikati ya kukojoa kinga mkojo huo kwenye kikopo kisha malizia kukojoa mkojo uliobaki.

Kwa wanawake

Ukusanyaji wa sampuli kwa mwanamke na mwanaume unafanana.

Kwa wanaume

Ukusanyaji wa sampuli kwa mwanaume na mwanamke unafanana.

Ukusanyaji wa sampuli kwa njia zingine

Kipimo hiki hutumia sampuli ya mkojo tu, hakuna sampuli mbadala wake

Utunzaji wa sampuli

Sampuli inapaswa kutunza kwenye kopo maalumu la kutunzia mkojo ambalo utapewa na mtaalamu wa afya

Muda wa sampuli kuwa hai

Baada ya kukusanya sampuli kwenye kopo, inatakiwa kufanyiwa kazi ndani ya saa moja ili kuepuka kupata majibu yasiyo sahihi.

Muda wa kupata majibu ya kipimo chako

Unaweza kupata majibu baada ya dakika 15 hadi 30, hata hivyo inategemea wingi wa wagonjwa na taratibu za hospitali

Usomaji wa majbu

Majibu yapo ya aina mbalimbali kutegemea ni nini kimeonekana kwenye mkojo wako

Majibu chanya

Majibu chanya hutokea pale edapo alichokifikiria daktari kimeonekana kwenye mkojo

Majibu hasi

Majibu hasi hutokea pale kama kilichofikiriwa na daktari hakijaonekana

Ushauri wa msingi kwa mgonjwa

Ni muhimu kuzingatia aina ya mkojo unaokusanya ili kupata majibu sahihi