Miglitol

Utangulizi

Miglitol ni dawa inayotumika kushusha kiwango cha sukari kwenye damu na kuhakikisha inabaki kwenye kiwango cha kawaida. Dawa hii iliyo kwenye kundi la dawa la alfa glukosidazi inhibita, hutumika pamoja na lishe sahihi na mazoezi ili kudhibiti kiwango cha sukari kwenye damu kwa wagonjwa wanaosumbuliwa na kisukari aina ya pili.

Miongoni mwa faida za dawa hii ni kuwa haichangii ongezeko uzito kwa mgonjwa wa kisukari na haina madhara kwenye ini.

Majina mengine

• Glyset

• Diastabol

• Plumarol

Fomula ya kikemikali

• C8H17NO5

Jina la kisayansi (IUPAC)

• (2R,3R,4R,5S)-1-(2-hydroxyethyl)-2-(hydroxymethyl)piperidine-3,4,5-triol

Muonekano

• Mara nyingi huwa ni kidonge kidogo cheupe cha mvringo, ingawa umbo na rangi vinaweza kubadilika kutegemeana na kiwanda kinacho itengeneza.

Dozi inayopatikana

Hupatikana kama vidonge vyenye;

• Miligramu 25

• Miligramu 50

• Miligramu 100

Namna ya kutumia

• Meza dawa hii kadri ulivyo elekezwa na daktari wako.

• Meza dawa hii punde kabla ya kula.

• Dawa hii huweza kutumiwa pamoja na dawa nyingine kama vile metformin, kama akipendekeza daktari wako.

Inavyofanya kazi mwilini.

Dawa ya miglitol hufanya kazi ya kudhibiti kiwango cha sukari kwenye damu kwa kuchelewesha mmeng'enyo wa vyakula vya wanga. Kuchelewa kwa mmeng'enyo wa vyakula vya wanga husababisha sukari kutofanyika upesi na kutoingia kwenye damu kwa kiwango kikubwa.

Kwa kuchelewesha mmeng'enyo wa vyakula vya wanga, pia huchelewesha ufyonzwaji wa sukari ya glukosi kutoka kwenye mfumo wa chakula kwenda kwenye damu hivyo kuzuia kuongezeka kwa kiwango cha sukari ya damu.

Mwili unchofanya kwa dawa hii

Dawa hii haichakatiwi mwilini bali hufanya kazi bila kubadilishwa na hufyonzwa na kutolewa kupitia njia ya mkojo.

Madhara madogo madogo

• Maumivu ya tumbo

• Tumbo kujaa hewa

• Kujamba

• Kuharisha

• Vipele kwenye ngozi

Marufuku kwa wagonjwa wafuatao

• Wenye mzio na dawa hii

• Wagonjwa wa kisukari aina ya kwanza

• Wagonjwa ambao figo zimeshindwa kufanya kazi.

• Wagonjwa waliowahi kupata dayabetiki ketoasidosisi

• Wagonjwa waliopata tatizo la kuziba kwa utumbo wa chakula

• Wagonjwa wenye magonjwa ya infamatori baweli

Kundi la dawa katika ujauzito

Dawa hii ipo kundi B la usalama wa dawa kipinid cha ujauzito

Matumizi wakati wa ujauzito na kunyonyesha

• Inaweza kutumiwa kwa mama mjamzito ila hakuna tafiti za kutosha juu mdahara yake.

• Epuka kwa kipindi cha kunyonyesha.

• Ni vyema kufuata muongozo wa wizara ya afya kwa nchi husika. Mfano kutumia insulini wakati wa ujauzito.