Mjamzito kuvimba miguu

Kuvimba chini au juu ya usawa wa kifundo cha mguu wakati wa ujauzito ni hali ya kawaida kama itatokea na kuongezeka taratibu. Karibia wanawake wote wajawazito hupata dalili hii na huzidi kipindi cha tatu cha ujauzito. Kama uvimbe wa miguu unatokea kwa haraka au kuwa na maumivu, wasiliana na daktari haraka kwa uchunguzi.

Wakati gani uwasiliane na daktari haraka?

Ukiwa na dalili ya kuvimba miguu wakati wa ujauzito pamoja na zifuatazo unapaswa kuwasiliana nadaktari haraka;

• Ongezeko la kasi la uvimbe usoni, mikono au kwenye kanyagio

• Maumivu makali ya kichwa

• Matatizo ya kuona ( mfano kutoona vema au vitu kuwa vimefifia)

• Maumivu makali chini ya mbavu

• Kutapika pamoja na dalili za hapo juu

Kwanini miguu huvimba wakati wa ujauzito?

Kuna njia mbalimbali zinazofahamika kuchangia miguu kuvimba wakati wa ujauzito ambazo ni;

• Wakati wa ujauzito wa kawaida, mwili wa mama mjamzito hupata ongezeko la lita 6 hadi 8.

• Mwili huongeza utunzaji wa chumvi (sodium) kwa takribani milimol 950 wakati huu wa ujauzito. Chumvi hii hutunza maji mwilini na kuweza pelekea uvimbe.

• Kupungua kwa uwezo wa mwili kudhibiti kiwango cha maji cha nje na ndani ya chembe hai hupungua pia wakati wa ujauzito.

• Mabadiliko ya kiwango cha maji kwenye tishu zinazozunguka chembe hai wakati wa ujauzito husababisha kuhama kwa maji na kwenda nje ya chembe hai na hivyo kupelekea mwonekano wa uvimbe.

Hapo awali dalili ya kuvimba miguu ilitumiwa kuwa kigezo cha kuwa na ugonjwa wa shinikizo la juu la damu la kifafa cha mimba, dalili hii kwa sasa haipaswi kutumika kutambua na haina msaada wowote kwani

Matibabu

Kuvimba miguu kutokana na mabadiliko ya kawaida wakati wa ujauzito, hivyo huwa hakuhitaji matiabu yoyote ya dawa. Matumizi ya dawa za kupunguza maji mwilini yamehifadhiwa kutumika kwa wajawazito walio na dalili za kuvia kwa maji kwenye tishu za mapafu au wenye dalili za hatari za kupata shinikizo la juu la damu la kifafa cha mimba.

Matibabu ya kawaida ya kuweka miguu usawa wa moyo na kufanya mazoezi au kuvaa soksi za kuondoa uvimbe hushauriwa zaidi kwa miguu iliyovimba kwenye usawa wa kifundo cha mguu.

Tiba isiyo dawa

• Acha kukaa au kusimama kwa muda mrefu

• Vaa viatu vinavyokuacha huru kwenye miguu na acha kuvaa viatu vinavyobana miguu yako

• Ukiwa umekaa, weka miguu yako kwenye usawa wa moyo, mfano iweke kwenye kiti ukiwa umekaa

• Kunywa maji ya kutosha ili kusaidia mwili wako kutoa maji ya ziada

• Fanya mazoezi ya miguu ili kuongeza kasi ya kutoa maji miguuni

Mazoezi ya kufanya

Mazoezi yafuatayo husaidia kupunguza uvimbe miguuni wakati wa ujauzito

• Kunja na nyoosha kanyagio ili kuitumikisha misuli ya miguu na kuongeza mzunguko wa damu. Rufia tendo hili miendo 30 na mara mbili au zaidi kwa siku.

• Fanya zoezi linalotengeneza mzunguko wa duara kwa kifundo, fanya miduara nane na mara nane kwa siku

Wapi utapata taarifa zaidi?

Pata taarifa zaidi kuhusu kuvimba na namna ya kukbiliana na tatizo la kuvimba miguu kwenye linki zifuatazo;

• Kuvimba miguu kwa mjamzito husabababishwa na nini?

• Kuvimba miguu