Je, ni nani hapaswi kutumia vidonge vya majira?

Kwa kawaida, unashauriwa kutotumia majira yenye vichocheo viwili kama una hali zifuatazo;

• Hunyonyeshi na upo chini ya miezi mitatu tangu umejifungua

• Unanyonyesha na upo kati ya wiki 6 na miezi 6 tangu umejifungua

• Umri wako ni miaka 35 au zaidi na unavuta chini ya sigara 15 kwa siku

• Una shinikizo la juu la damu (shinikizo la damu sistoliki kati ya 140 na 159 mm Hg au shinikizo la damu diastoli kati ya 90 na 99 mm Hg)

• Una shinikizo la juu la damu linalodhibitika, ambapo inawezekana kulifanyia uchunguzi wa kina

• Una historia ya kuwa na shinikizo la juu la damu na shinikizo la juu la damu la ujauzito

• Una sirosisi kidogo ya ini au umeshawahi kuungua umanjano wakati ukitumia majira yenye vichocheo viwili siku za nyuma

• Una ugonjwa wa kibofu cha nyongo (kwa sasa au uliokwishatibiwa)

• Una umri wa miaka 35 au zaidi na una kipandauso bila aura

• Una umri mdogo chini ya miaka 35 na unapata kipandauso bila aura ambacho kimeendelea au kimezidi kuongezeka wakati umeanza kutumia majira yenye vichocheo viwili siku za nyuma

• Umewahi kuwa na saratani ya matiti zaidi ya miaka mitano iliyopita, na haijajirudia

• Unatumia barbiturates, carbamazepine, oxcarbazepine, phenytoin, primidone, topiramate, au rifampicin.

• Una kisukari kwa zaidi ya miaka 20 au madhara yake kwenye ateri, macho, figo, au mfumo wa neva

• Una magonjwa mengine yanayoongeza hatari ya ugonjwa wa ateri na mishipa ya damu kama vile uzee, kuvuta sigara, ugonjwa wa kisukari, na shinikizo la juu la damu.

Kumbuka

Katika hali ya kipekee, iwapo hakuna njia nyingine salama zaidi au haziwezekani kwako kutumia njia hiyo, mtoa huduma mwenye utaalamu ambaye anaweza kuchunguza kwa makini matatizo maalum na hali yako hiyo anaweza kuamua kama unaweza kutumia majira yenye vichocheo viwili au la. Mtoa huduma atafikiria ukubwa wa tatizo lako na madhara yanayoweza kutokea katika kuamua kuwa utumie njia hii au la na ufutiliaji unapaswa kufanyika kwa karibu.