Jinsi ya kutumia kitunguu swaumu na tangawizi kuongeza kinga na kuponya mafua

Swali la msingi

Habari daktari nimesoma faida ya utumiaji wa tangawizi na kitunguu saumu sasa nilikuwa nauliza unatumiaje kupata faida zake?

Majibu

Ahsante kwa swali lako zuri kuhusu tangawizi na kitunguu saumu, ambavyo ni virutubisho vya asili vyenye faida nyingi kiafya. Ili kupata faida zake kiafya, ni muhimu kutumia kwa njia sahihi na kiasi kinachofaa. Hapa chini nimeeleza faida kuu na njia bora za kutumia:

Faida za tangawizi

• Hupunguza maumivu ya tumbo na gesi.

• Husaidia kwenye mmeng'enyo wa chakula.

• Hupunguza kichefuchefu (hasa kwa wajawazito au wagonjwa wa chemotherapy).

• Hupunguza maumivu ya viungo na baridi yabisi.

• Ina viambato vinavyosaidia kupambana na bakteria na virusi.

Faida za kitunguu saumu

• Hupunguza shinikizo la juu la damu.

• Hupunguza mafuta mabaya mwilini (LDL cholesterol).

• Hupambana na maambukizi (antibacterial & antifungal).

• Husaidia kuimarisha kinga ya mwili.

• Inaweza kusaidia kudhibiti sukari kwa wagonjwa wa kisukari.

Jinsi ya kutumia kwa faida zaidi

Tangawizi na kitunguu saumu vinaweza kutumika kwa njia nyingi sana kupata faida zake. Katika makala hii zimeelewewa njia mbili tu. Kama utataka kufahamu njia zingine utauliza swali ili kufahamishwa njia kulingana na faida unayotaka.

1. Chai ya kuongeza kinga ya mwili

Viambato:

• Tangawizi mbichi – kipande kidogo (inchi 1 ), menya na katakata au saga

• Kitunguu saumu – punje 1, twanga au menya na kata vipande vidogo

• Asali ya asili – kijiko 1 cha chakula

• Mdalasini (unga) – nusu kijiko cha chai

• Ndimu au limau – nusu tui lake

• Maji – kikombe 1

Jinsi ya kutengeneza

1. Chemsha maji hadi yachemke vizuri.

2. Ongeza tangawizi, kitunguu saumu na mdalasini.

3. Acha vichemke kwa dakika 5–7.

4. Ondoa kwenye moto, funika kwa dakika 2–3.

5. Chuja, kisha ongeza asali na maji ya ndimu ukiwa tayari kunywa (si wakati wa kuchemka ili asali isiharibike).

6. Kunywa mara 1–2 kwa siku, hasa asubuhi au jioni.

2. Chai ya kutuliza mafua baridi

Viambato:

• Tangawizi – kipande kidogo, saga au katakata

• Majani ya mpera au majani ya mchai chai (kama yapo)

• Asali – kijiko 1

• Ndimu – nusu tui lake

• Maji – kikombe 1

Jinsi ya kutengeneza:

1. Chemsha maji pamoja na tangawizi na majani ya mpera/mchai chai kwa dakika 5.

2. Ondoa kwenye moto, funika kwa dakika 2.

3. Chuja, ongeza asali na ndimu.

4. Kunywa mara 2 kwa siku wakati wa mafua au kikohozi.

Tahadhari

• Usitumie asali kwa watoto chini ya mwaka 1.

• Wenye vidonda vya tumbo wanapaswa kutumia kwa kiasi kidogo au kuondoa limao na asali.

• Kama unatumia dawa za hospitali, jaribu kutumia chai hizi saa moja kabla au baada ya dawa, usichanganye moja kwa moja.

• Wanaotumia dawa za kupunguza damu kuganda (kama aspirin au warfarin) wanapaswa kuwa makini, kwani kitunguu saumu na tangawizi vinaweza kuongeza hatari ya kutokwa damu.

• Usitumie kwa kiasi kikubwa sana (mfano zaidi ya punje 3 za kitunguu saumu kwa siku) bila ushauri.

• Wajawazito na mama wanaonyonyesha waulize daktari kabla ya kutumia sana.