top of page

Cajanus cajan

Imeandikwa na:

ULY CLINIC

8 Julai 2021 18:22:33

Utangulizi

Mmea Cajanus cajan umekuwa ukitumika kama tiba asili kutibu kuharisha, ambao una asili ya India, na Afrika. Cajanus cajan kwa sasa unapatikana maeneo mengi duniani katika ukanda wa tropiki na hufahamika Kiswahili kama Mbaazi.

Sifa za mmea Cajanus cajan

Mbaazi huweza kurefuka na kufikia urefu wa mita tatu kwenda juu, maua yake huwa ya njano na yenye ukijivu . Matunda yake kwa ndani huwa na mbegu kadhaa ambazo zimefunikwa na podo nyoofu.

Uwezo Cajanus cajan kitiba

Mbaazi huwa na kampaundi ya tannins ambayo ndo kiini cha dawa kinachofanya kazi ya kuzuia kuharisha

Tafiti zinaonyesha kuwa, chembe nyekundu za damu zenye umbo la mundu ( kutokana na ugonjwa wa seli mundu) huweza kurejeshwa kwenye umbo lake la awali endapo mgonjwa atatumia dawa iliyotokana na mbegu zake.

Juisi ya majani yake hutumika kudhibiti sukari kwenye damu kwa wagonjwa wa kisukari

Unga wa mbegu zake hutia nguvu mwili

Majani yake hutibu sumu ya chakula, maumivu ya tumbo na haja ngumu

Majani, mbegu na shina bichi hutibu maambukizi ya fizi, mipasuko kwenye midomo na kusafisha kinywa

Uji wa majani yake hutumika kutibu vidonda midomoni na michomo ya kinga za mwili

Matumizi ya cajanus cajan kama dawa

Tiba ya kuharisha

Tengeneza dikoksheni ya miligramu 15 za majani kwenye lita moja ya maji na kunywa kwa siku

Namna ya kuandaa aina mbalimbali za dawa kutoka kwenye mmea

Namna ya kuandaa infusheni ya dawa asilia

Infusheni huandaliwa kwa kuzamisha sehemu ya mmea unayotaka kutumia kama dawa kwenye kiasi cha maji yaliyochemka. Baada ya kuzamisha kwenye maji yaliyochemka, maji hayo huchujwa baada ya dakika 15. Dozi ya dawa inayotakiwa kuandaliwa kwa wastani huwa ni gramu 1 kwa kila mililita 10 za maji.

Kuna dawa nyingi asilia zimeshatengenezwa na kufungwa kwenye vifungashio vya karatasi ambapo unaweza kutumia kirahisi kama majani ya chai ya kuchovywa. Dawa kwenye fomu hiyo zitapunguza muda wa kuandaa.

Namna ya kuandaa dikokshen ya dawa asilia

Dikokshen hutumika kuvuna kiini cha dawa ambacho hakiathiriwi na joto.

Ili kuandaa dikokshen ya dawa, chemsha magome au mizizi ya mmea kwa muda wa dakika 15 hadi 60 (hutegemea aina ya mmea au kiini cha dawa), kisha pooza na ongeza maji ya baridi ili kutengeneza kiasi cha dawa na wingi wa kiini unachohitaji.

Endapo dawa inatakiwa kuchemka kwa muda mrefu, unatakiwa ongezea kiasi cha maji yaliyopotea ili dawa isiungue.

Dozi ya dikoksheni ni sawa na infusheni yaani gramu moja ya mmea kwa mililita 10 za maji isipokuwa endapo dawa ina uteute mwingi, gramu moja inatakiwa kuchanganywa na mililita 20 za maji.

 

Namna ya kuandaa mmengenyo wa dawa

 

Kuandaa mmeng’enyo wa dawa kwa njia hii unatakiwa weka dawa yako kwenye chombo kisha ongeza maji yenye joto linalotakiwa, mara nyingi joto linatakiwa kuwa kati ya nyuzi za sentigrade 35 hadi 40 ikitegemea aina ya dawa. Lengo kuu la kuzingatia joto ni kutoharibu kiini cha dawa ambacho kinategemea joto.

Namna ya kuandaa masalesheni ya dawa

 

Ili kuandaa masalesheni ya dawa, saga au katakata dawa kwenye vipande vidodo vidogo sana kisha weka kwenye jaa ya kioo yenye kimiminika cha kufyonza dawa. Funika mchanganyiko na acha kwa muda wa siku tatu au zaidi kwenye joto la ndani ya nyumba.Baada ya kutimia kwa siku tatu, tikisa kwa nguvu mara nyingi ili dawa iingie kwenye kimiminika. Baada ya hapo chuja dawa na kamua unga au vipande ili dawa yote itoke. Baada ya hapo unaweza kuchuja dawa kwa ajili ya matumizi au kuifanyia dekatensheni ili kupata kiini safi cha dawa.

Namna ya kuandaa pakolesheni ya dawa

 

Hii ni njia maarufu ya kuandaa tinkcha ya dawa au kufyonza dawa kutoka kwenye kimiminika.  Njia hii inahitaji chombo maalumu chenye jina la pakoleta na unatakiwa kuwa mtaalamu zaidi kuandaa dawa kwa njia hii. Soma zaidi maelezo kwa kutumia linki chini ya tovuti hii.

 

Namna ya kuandaa dawa ya kufyonza kwa kimiminika

Njia hii huandaa dawa kutoka kwenye kimiminika chenye dawa au tishu za mnyama kwa kufyonzwa dawa hiyo kwa kutumia kimiminika kingine haswa pombe aina ya ehthanol  au maji.

 

Kiasi cha pombe na maji yanayowekwa hutegemea aina ya dawa. Njia hii inahitaji uwe mtaalamu wa kuandaa dawa, unaweza kujifunza zaidi namna ya kuandaa dawa kwa njia hii kupitia linki chini ya tovuti hii au tumia dawa ambazo tayari zimekwisha andaliwa.

Namna ya kuandaa tinkcha ya dawa

 

Tinkcha ya dawa huandaliwa kwa kufanya masalesheni au pakolesheni ya dawa kwa kutumia kimiminika cha pombe tu. Njia hii ni nzuri ya kuvuna kiwango cha kiini unachotaka kutoka kwenye mimea au mnyama. Soma zaidi kuhusu njia hii kupitia rejea chini ya Makala hii.

KUMBUKA:

 

Kama kuna haja ya kuchemsha dawa, hakikisha unatumia chomo kilichotengenezwa na udongo au sufuria za stainless steel na usifunike wakati wa kuchemsha ili kutoa sumu na kutobadili kiini cha dawa.

 

Usitumie dawa zaidi moja na kutibu tatizo moja au mawili tofauti ili kuepuka madhara na mwingiliano

Endapo unatumia dawa za hospitali, wasilina na daktari wako kukushauri ili kuepuka mwingiliano wa dawa na madhara yanayoweza kutokea.

ULY CLINIC inakushauri siku zote utafute msaada kutoka kwa daktari wako kabla ya kuchukua hatua yoyote ile baada ya kusoma makala hii

Wasiliana na daktari wa ULY Clinic kwa ushauri na Tiba kupitia kitufe cha 'Pata tiba' au 'Mawasiliano yetu' chini ya tovuti hii.

Imeboreshwa,

8 Julai 2021 19:13:04

Rejea za mada hii;

1. Dilipkumar Pal, et al. Biological activities and medicinal properties of Cajanus cajan (L) Millsp. https://www.ncbi.nlm.nih.gov/pmc/articles/PMC3255353/#. Imechukuliwa 08.07.2021

2. Pal D, Sarkar A, et al. CNS depressant activities of Coccos nucifera in mice. Acta Pol Pharm. 2011;68:249–54.

3. Pal DK, et al. Antibacterial activity of Cuscuta reflexa stem and Corchorus olitorius seed. Fitoterapia. 2006;77:589–91.

4. Pal DK, et al. AK. Evaluation of CNS activities of aerial parts of Jasminum multiflorum Andr. Asian J Chem. 2007;19:4452–8.

5. Pal DK, et al. Analgesic and anticonvulsant effects of saponin isolated from the leaves of Clerodendrum infortunatum Linn. In mice. Indian J Exp Biol. 2009;47:743–7.

6. Pal DK, et al. Analgesic and anticonvulsant effects of saponin isolated from the stems of Opuntia vulgaris Mill in mice. Euro Bull Drug Res. 2005;13:91–7.

7. Mohammed R, et al. An ethnobotanical survey and pharmacological evaluation of medicinal plants used by the Garo tribal community living in netrakona district Bangladesh. Adv Nat Appl Sci. 2009;3:402–18.

8. Luo QF, Sun L, Si JY, Chen DH. Hypocholesterolemic effect of stilbenes containing extract fraction from Cajanus cajan on diet induced hypercholesterolemia in mice. Phytomed. 2008;15:932–9.

9. Ezike AC, Akah PA, Okoli CC, Okpala CB. Experimental evidence for the antidiabetic activity of Cajanus cajan leaves in rats. J Basic and Clinical Pharm. 2010;1:25–30

10. Nicholson RA, David LS, Pan RL, Xin Min Liu. Pinostrobin from Cajanus cajan (L.) Millsp. Inhibits sodium channel-activated depolarization of mouse brain synaptoneurosomes. Fitoterapia. 2010;81:826–9.

11. Infusion methods. https://www.medicinalplants-pharmacognosy.com/pharmacognosy-s-topics/extraction-methods/infusion/#. Imechukuliwa 27.06.2021

12. Decoction extraction. https://www.medicinalplants-pharmacognosy.com/pharmacognosy-s-topics/extraction-methods/decoction/. Imechukuliwa 27.06.2021

13. Extraction methods digestion. https://www.medicinalplants-pharmacognosy.com/pharmacognosy-s-topics/extraction-methods/digestion/. Imechukuliwa 27.06.2021

14. Fluid extract. https://www.medicinalplants-pharmacognosy.com/pharmacognosy-s-topics/extracts/fluid-extract/. Imechukuliwa 27.06.2021

15. Tincture. https://www.medicinalplants-pharmacognosy.com/pharmacognosy-s-topics/extracts/tincture/. Imechukuliwa 27.06.2021

16. Perolation. https://www.medicinalplants-pharmacognosy.com/pharmacognosy-s-topics/extraction-methods/percolation/. Imechukuliwa 27.06.2021

17. Maceration. https://www.medicinalplants-pharmacognosy.com/pharmacognosy-s-topics/extraction-methods/maceration/. Imechukuliwa 27.06.2021

bottom of page