Dolutegravir

Dawa hii huuzwa katika kwa jina la Tivicay, Dolutegravir ni aina ya dawa mojawapo za kudhibiti maambukizi ya VVU. Dawa hii hutumika ikiwa imeungana na dawa zingine za kudhibiti maambukizi ya VVU-ARTs Dolutegravir imeanza kutumika karibuni hapa Tanzania na ni dawa ambayo ipo kwenye kundi la Integrase inhibita- INSTI INSTI hufanya kazi kwa kuzuia kimeng’enya cha intagrase ambaye huzuia kipindi cha mpito (Intergration) kutoka kwenye DNA iliyotengenezwa inayoelekea kwenye DNA ya kirusi ,Hivyo dawa hii huzuia hii hatua isifanikiwe. Dawa hii husaidia kupunguza HIV mwilini ili kinga ya mwili iweze kuwa vizuri.

Fomu uzito na rangi ya Dolutegravir

Dawa hii hupatikana katika mfumo wa kidonge. Rangi yake ni ya njano, hata hivyo inategemea rangi iliyopendekezwa na kampuni.

Dolutegravir inaruhusiwa kutumikana chakula?

Huweza kutumika pamoja au pasipo na chakula bila kujalisha kama ni chakula cha mafuta au sio.

Dawa zilizo kundi moja na Dolutegravir

Dawa nyingine ambayo ipo kwenye kundi moja na Dolutegravir(DTG) ni :

• Raltegravir

Kazi za Dolutegravir

Kazi za Dolutegravir(DTG) ni kama zifuatazo:

• Hutolewa pamoja na dawa zingine za kuthibiti HIV kuzuia Maambukizi kutoka kwa mama kwenda kwa mtoto kabla ya mama kujifungua

Muunganiko wa dawa ya Dolutegravir

Dolutegravir hutumika kama muunganiko wa kwanza katika kuthibiti virusi vya HIV pamoja na muunganiko wa dawa zifuatazo ;

• Tenofovir (TDF) +Lamivudine (3TC) + Dolutegravir (DTG)

• Tenofovir (TDF) +Lamivudine (3TC)+Dolutegravir (DTG)

Dawa zisizopaswa kutumika pamoja na Dolutegravir

Dolutegravir haipaswi kutumika pamoja na dawa zifuatazo:

• Dofetilide

• Carbamezapine

• Efavirenz

• Nevirapine

• Phenytoin

• Phenorbabitol

• Rigampin

• Tipranavir

• Etravirin

Dolutegravir itumike kwa umakini kwa kina nani?

Inapaswa kutumika kwa uangalifu kwa wagonjwa wa:

• Aliyewahi kuwa na mzio wa dawa hii

• Aliyewahi kuwa na ugonjwa wa ini ni kama homa ya Ini

Wagonjwa wasiopaswa kutumia Dolutegravir

Haipaswi kutumika kwa wagonjwa wafuatao :

• Wenye aleji na dawa hii

• Haipaswi kutumika pamoja na dofetilide

Matumizi ya Dolutegravir Kwa mama mjamzito

Hutumika kwa mama mjamzito kwa ajili ya kuzuia na kupunguza Maambukizi kutoka kwa mama kwenda kwa mtoto hivyo matokeo ya dawa hukabiliwa na kuthibitiwa kwa shida yeyote itakayojitokeza.

Matumizi ya Dolutegravir Kwa mama anayenyonyesha

Mama mwenye Maambukizi ya HIV hapaswi kunyonyesha wakati wa miezi 6 yote.

Maudhi ya matumizi ya Dolutegravir

Baadhi ya maudhi madogo ya dawa hi ni pamoja na:

• Kuchoka

• Kuwa na sukari ya juu

• Kukosa usingizi

• Maumivu ya misuli

• Kuchoka

• Maumivu ya kichwa

• Vipele

• Kichefuchefu

• Kutapika

• Kuharisha

• Ndoto zisizo za kawaida

• Kuongeza kolestro mwilini na kumpelekea mtu kuwa kunenepa

• Huweza kusababisha oma ya ini

Je endapo utasahau dozi yako ya Dolutegravir ufanyaje?

Dawa hii hutumika kwa mchanganyiko pamoja na dawa zingine za kuthibiti VVU. Endapo utasahau kunywa dozi kwenye muda uliopangiwa unapaswa kunywa mara utakapokumbuka. Endapo muda umekaribia wa kunywa dozi nyingine basi subiria muda ufike na unywe dozi hiyo kama ulivyopangiwa na daktari wako.

Endapo una wasiwasi basi wasiliana na Daktari wako kwa maelezo zaidi

Mambo muhimu kujua kuhusu dawa ya Dolutegravir

Dawa ya Dolutegravir inaweza kusababisha mzio mkali wa kutishia uhai wa mtu. Inaweza kuhusisha mzio wa haipasensitiviti na matatizo ya figo

Tahadhari kwa mtumiaji wa Dolutegravir

Wasiliana na mhudumu wako wa afya mara moja endapo unapata harara wakati unatumia dawa hii. Acha kutumia dawa hii endapo unapata harara inayoambatana na dalili zilizotajwa hapa chini.

• Homa

• Kujihisi mwili unaumwa

• Kuchoka

• Maumivu ya misuli au maungio ya mwili

• Kuota malenge ya maji

• Macho kuwa na rangi nyekundu au ngozi

• Kupata shida ya kupumuao lipsi na ulimi

• Kupata shida ya kupumua