ULY CLINIC| Mwaliko wa kushiriki Utafiti wa AI

Tangazo la mwaliko wa kushiriki Utafiti

Unaalikwa kushiriki katika utafiti unaotathmini jukwaa la afya ya kidijitali linalotumia Akili unde (ULY Clinic AI) kwa lugha ya Kiswahili. Jukwaa(tovuti) hili limeundwa kuboresha uelewa wa afya kwa wagonjwa na kusaidia maendeleo endelevu ya kitaaluma kwa wahudumu wa afya wa kada ya kati nchini Tanzania.

Mada ya Utafiti

Uundaji, Utekelezaji, na Tathmini ya Athari ya Jukwaa la Afya ya Kidijitali linalotumia Akili Unde (AI) kwa Kiswahili ili kuongeza uelewa wa Afya miongoni mwa Wagonjwa na Wahudumu wa Afya wa ngazi ya kati nchini Tanzania

Madhumuni ya Utafiti

Lengo la utafiti huu ni kutathmini urahisi wa matumizi, manufaa, na athari za jukwaa la afya la kidijitali linalotumia AI kwa Kiswahili katika:

Uelewa wa taarifa za afya miongoni mwa wagonjwa watu wazima
Kujifunza na kuimarisha maarifa ya kitaaluma miongoni mwa wahudumu wa afya wa kiwango cha kati

Nani anaweza kushiriki

Wagonjwa

Wenye umri wa miaka 18 au zaidi
Wanaoweza kusoma na kuelewa Kiswahili
Waliowahi kutembelea tovuti ya ULY Clinic au kutumia Msaidizi Akili Unde angalau mara moja

Wahudumu wa Afya ngazi ya kati

Wanaofanya kazi kwa sasa nchini Tanzania (mf. wauguzi, maafisa tabibu, wahudumu wa msingi wa afya, wahudumu wa sayansi shirikishi za afya)
Wanaoweza kusoma na kuelewa Kiswahili
Waliotumia au wanaotarajia kutumia jukwaa la kidijitali la mafunzo la ULY Clinic

Utafiti unalenga kukusanya jumla ya washiriki 380, wakiwemo wagonjwa 190 na wahudumu wa afya ngazi ya kati 190 nchini Tanzania.

Ushiriki unahusisha nini

Kusoma taarifa za afya na/au kuwasiliana na Msaidizi Unde kupitia jukwaa la ULY Clinic
Kujaza dodoso la mtandaoni kuhusu urahisi wa matumizi, uelewa wa taarifa za afya, na uzoefu wa jumla wa utumiaji.
Dodoso litachukua takribani dakika 15–20 kukamilika.

Hatari na Faida

Utafiti huu una hatari ndogo sana na hauhusishi matibabu yoyote au afua za kitabibu.
Hakuna faida ya moja kwa moja binafsi kutokana na kushiriki katika utafiti huu.
Hata hivyo, unaweza kupata faida zisizo za moja kwa moja kama vile kupata taarifa za afya kwa Kiswahili na kujifunza jinsi ya kutumia jukwaa la afya linalotumia AI.
Taarifa utakazotoa zitasaidia kuboresha upatikanaji wa taarifa sahihi za afya kwa Kiswahili kwa wagonjwa na wahudumu wa afya nchini Tanzania.

Ushiriki wa hiari

Ushiriki wako ni wa hiari kabisa. Unaweza kuchagua kutoshiriki au kujiondoa wakati wowote bila adhabu au kupoteza manufaa yoyote.

Malipo au motisha

Hakuna malipo ya kifedha kwa kushiriki katika utafiti huu.

Wahudumu wa afya wa ngazi ya kati wanaweza kupokea cheti cha kidijitali cha ushiriki.

Usiri wa Taarifa

Hakuna taarifa binafsi za utambulisho zitakazokusanywa
Majibu yote yatawekwa bila utambulisho na kutumika kwa madhumuni ya utafiti pekee

Jinsi ya Kushiriki

Washiriki wanaostahili wanaweza kujiunga na utafiti kupitia ujumbe wa mwaliko utakaojitokeza kwenye tovuti ya ULY Clinic, machapisho yanayosambazwa kwenye mitandao ya kijamii ya ULY Clinic ikiwemo Facebook na WhatsApp, pamoja na mialiko ya moja kwa moja isiyo ya kulazimisha inayosambazwa kupitia mitandao ya kitaaluma ya wahudumu wa Afya wa ngazi ya kati.

Ushiriki unahusisha kufungua kiungo cha mtandaoni kinachowaelekeza washiriki kwenye ukurasa wa ridhaa ya kielektroniki na dodoso la mtandaoni.

Kurasa ya Ushiriki

Bofya hapa kwenda kwenye dodoso kushiriki utafiti huu.

Ratiba ya Ushiriki

Utafiti umeanza tarehe 20 Januari 2026 na utamalizika Tarehe 20 Januari 2027.

Mtafiti Mkuu: Kim Do-Hwan
Taasisi: Korea University, Graduate School of Medicine (Medical Education)
Mtafiti: Sospeter Benjamin Mangwella
Barua pepe: ulyclinic.research@gmail.com