Mecamylamine

Mecamylamine

Mecamylamine ni dawa ya kutibu shinikizo la juu la damu. Dawa hii iliyo maarufu kwa jina la Inversine hupatikana kama kidonge cha miligramu 2.5 na inaweza kutumika pamoja au pasipo chakula mara mbili au tatu kwa siku kama utakavyoelekezwa na kushauriwa na Daktari.

Namna dawa inavyofanya kazi;

Dawa hii ipo kwenye kundi la ganglionic bloka ambalo huzuia homoni ya acetylcholine kuchochea risepta za postsynaptic. Homoni hii hutoka kwenye neva za presynaptic. Homoni ya acetylcholine huwa kama dalaja kati ya risepta hizi mbili, inapozuia basi husababisha taarifa muhimu kuhusu kusinyaza kipenyo cha mishipa ya damu huwa hazisafiri na hivyo hupelekea mishipa ya damu itanuke na kuruhusu damu ipite kirahisi kwa shinikizo dogo

Kazi ya dawa

Dawa hii inatumika kushusha shinikizo la damu kwa wagonjwa wenye shinikizo la damu la juu.

Dawa zilizopo kwenye kundi moja na dawa hii ni :

• Trimetaphan.

• Tubocurarine.

• Pempidine.

• Benzohexonium.

• Chlorisondamine.

• Pentamine.

Utofauti wa pekee wa dawa hii na dawa zingine za kutibu shinikizo la juu la damu (Ganglionic Bloka)

• Dawa hii ina matokeo madogo katika kutanua mishipa ya damu kwenye moyo ukilinganisha na dawa zingine kwenye kundi hili

Dawa hii inapaswa kufuatiliwa kwa ukaribu inapotumika na dawa zifuatazo;

• Agrimony

• Bethanechol

• Brimonidine

• Cornsilk

• Forskolin

• Maitake

• Niacin

• Octacosanol

• Reishi

• Tizanidine

• Treprostinil

• Vasopressin

Dawa hii haipaswi kutumika kwa wagonjwa wafuatao;

• Wagonjwa wenye aleji na dawa hii.

• Ambao wanatumia Antibayotiki

Dawa inapaswa kutumika kwa Tahadhari kwa wagonjwa wafuatao;

Dawa hii huweza kupelekea mrija wa urethra kuziba na kuvimba kwa tezi dume

Kwa mama mjamzito na anayenyonyesha

Dawa hii ipo kwenye kundi C la usalama wa dawa kipindi cha ujauzito

Kwa mama mjamzito

Inaweza kutumika kwa tahadhari endapo faida zitakuwa ni kubwa kuliko hatari kwa mtoto sababu dawa hii hupita kwenda kondo kwenda kwa mtoto

Kwa mama anayenyonyesha

Inaweza kutumika kwa tahadhari kwa mama anayenyonyesha sababu huingia kwenye mazima.

Baadhi ya maudhi madogo ya dawa hii ni;

• Kizunguzungu

• Kuchoka

• Choo kigumu

• Mdomo kuwa mkavu

• Kichefuchefu

• Kutapika

• Kuzimia

• Kutetemeka

Mengine yanayofanyika Mwilini

Nusu maisha ya dawa mwilini ni masaa 24, dawa hii hutolewa kwa njia ya mkojo kwa asilimia 100

Je endapo utasahau dozi yako ufanyaje?

Endapo ukisahau kunywa dozi yako kunywa mara pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako