Nimodipine

Nimodipine ni dawa ya kutibu shinikizo la juu la damu pamoja na kuvia kwa damu kwenye uwazi wa sabuarakinoidi.

Kundi la dawa Nimodipine

Nimodipine ipo kwenye kundi la dawa linaloitwa kalisiamu chaneli bloka.

Majina ya kibiashara

Nimodipine hufahamika kwa majina mengine kama;

• Nimotop

• Nymalize

Nimodipine na chakula

Kunywa dawa hii saa 1 kabla ya kula au masaa 2 baada ya kula kama utakavyoelekezwa na daktari wako

Haupaswi kunywa au kutumia chakula chenye tindikali saa 1 kabla au masaa 2 baada ya kumeza dawa maana huzuia ufyozwaji wa dawa. Epuka utumiaji wa zabibu baada ya kutumia dawa hii

Fomu na uzito wa Nimodipine

Nimodipine hupatikana katika fomu ya unga na tembe. Tembe huwa yenye uzito wa Milligram 30.

Ufanyaji kazi wa Nimodipine

Ufanyaji kazi wa misuli hutegemea uwepo wa madini ya kalisiamu. Kuingia kwa Kalisimu ndani ya chembe za misuli husaidia misuli kujongea, misuli ya mishipa ya damu inapojongea, huleta shinikizo la damu ndani ya mishipa. Moyo pia unahitaji madini haya ili uweze kufanya kazi ya kusukuma damu mwilini. Dawa za kalisiamu chaneli bloka huzuia kuingia kwa madini haya kwenye chembe za misuli hivyo kuizuai isijongee na matokeo yake ni kuongeza kipenyo cha mishipa ya damu na kupunguza shinikizo la ndani ya mishipa ya damu.

Dawa ya nimodipine ina uwezo mkubwa wa kuzuia kujongea kwa mishipa ya damu ndani ya ubongo kuliko mishipa ya damu sehemu nyingine ya mwili, hii ndo maana hutumika kwa wagonjwa wenye ugonjwa wa wenye hemoreji ya sabuarakinoidi

Dawa kundi moja na Nimodipine

Dawa zingine zilizo kwenye kundi moja na dawa hii ni;

• Felodipine

• Isradipine

• Nicardipine

• Nifedipine

• Levamlodipine

• Nicardipine

• Nisoldipine

• Nitrendipine

Nimodipine hutibu nini?

• Hutumika kutibu tatizo la damu kuvia kwenye uwasi wa sabarakinoidi

• Hutumika kutibu shinikizo la juu la damu

Upekee wa Nimodipine

Nimodipine ni dawa pekee kwenye kundi hili inavyotumika kutibu hemoreji ya sabuarakinoidi

Mwingiliano wa Nimodipine na dawa zingine

Dawa hii haipaswi kutumika pamoja na dawa zifuatazo

• Aluminum hydroxide

• Apalutamide

• Calcium carbonate

• Cimetidine

• Ibuprofen

• Idelalisib

• Ivosidenib

• Lofexidine

• Nefazodone

• Sodium bicarbonate

• Voxelotor

Wagonjwa wasiopaswa kutumia Nimodipine

Dawa hii haipaswi kutumika kwa wagonjwa wenye mzio na dawa hii

Tahadhari ya Nimodipine

• Kwa Wagonjwa walioferi moyo kabisa

• Wagonjwa wenye shida ya figo na ini

• Huweza kuongeza mapigo ya moyo kwenda kasi

• Huweza kupelekea shinikizo la chini la damu

Nimodipine na ujauzito

Inapaswa kutumika kwa tahadhari kwa Mama mjamzito

Nimodipine kipindi cha kunyonyesha

na haipaswi kutumika kwa mama anayenyonyesha

Maudhi ya Nimodipine

Baadhi ya maudhi madogo ya dawa ni;

• Kushusha shinikizo la damu kuwa chini zaidi

• Kuharisha

• Maumivu ya kichwa

• Vipele

• Moyo kushindwa kufanya kazi

• Arrhythmia

• Upungufu wa damu

• Huweza kupelekea kuvuja damu kwenye mfumo wa umeng’enyaji

• Kutapika

Je, kama umesahau dozi yako ya Nimodipine ufanyaje?

Kama umesahau kutumia dozi yako ya nimodipine, tumia mara pale utakapokumbuka. Kama muda wa dozi nyingine umekaribia sana, subiria ufike kasha endelea na dozi kama ulivyoshauriwa na daktari wako.