Propranolol

Propranolol ni dawa mojawapo ya kutibu shinikizo la juu la damu iliyo kwenye kundi la beta bloka.

Majina ya kibiashara

Propranolol kwa jina jingile la Inderal.

Fomu na uzito wa Propranolol

Kidonge chenye uzito wa miligramu,

• 5mg na

• 10mg

Tembe chenye uzito wa miligramu,

• 10mg

• 20mg

• 40mg

• 60mg

• 80mg

Maji yenye uzito wa miligramu 1 kwa mililita moja 1

Unga wenye ujazo wa

• Miligramu 20 kwa mililita 5 (20mg/5ml)

• Miligramu 40 kwa mililita 5 (40mg/5ml)

Ufyonzwaji wa Propranolol na nusu maisha yake

Propranolol hufyonzwa vyema kwenye mfumo wa chakula kisha huingia kwenye mzunguko wa damu, kiwango cha juu kabisa kwenye damu hufikiwa ndani ya masaa 1-4 baada ya kunywa dozi ya kidonge. Mara baada ya kunywa dawa bila chakula kiwango sawia kwenye damu ambacho hakibadiliki hufikiwa ndani ya masaa 12-14 ikitumiwa bila chakula na 11.5- 15.5 ikitumika pamoja na chakula chenye mafuta.

Propranolol na chakula

Tumia dawa hii pamoja na vyakula vyenye protini ili kuongeza ufyonzaji wake. Tafiti zinaonyesha ufyonzwaji huongezeka kwa asilimia 50 endapo itatumia Pamoja na vyakula vyenye protini.

Umetaboli wa Propranolol

Propranolol hufanyiwa umetaboli kwenye ini na asilimia 25 tu ya dawa mama huweza kupita kama ilivyo kwenda kwenye mzunguko wa damu mara baada ya kupita kwenye ini.

Utoaji dawa Propranolol mwilini

Propranolol hutolewa mwilini kwa njia kuu ya mkojo.

Namna Propranolol inavyofanya kazi

Dawa ya Propranolol pamoja na kuwa kundi la dawa la Beta bloka, ufanyaji kazi wake wa kushusha shinikizo la juu la damu bado haufahamiki. Hata hivyo vitu vinavyochangia dawa hii kushusha shinikizo la damu la juu ni;

• Kupunguza mzigo wa moyo kufanya kazi

• Kuzuia figo kuzalisha homoni renini

• Kupunguza mfumo toniki wa simpathetiki kwenye kituo cha vasomota kilicho ndani ya ubongo

Dawa zilizo kundi moja na Propranolol

Dawa hii ipo katika kundi sawa na dawa zifuatazo:

• Acebutolol (Sectral)

• Betaxolol (Kerlone)

• Bisoprolol (Zebeta, Ziac)

• Carteolol (Cartrol)

• Carvedilol (Coreg)

• Labetalol (Normodyne, Trandate)

• Metoprolol (Lopressor)

• Nebivolol (Bystolic)

• Sotalol (Betapace)

• Timolol (Blocadren)

Propranolol hutibu nini?

• Hutumika kwenye matibabu ya wagonjwa wenye shinikizo la damu la juu

• Hutumika kwenye matibabu ya anjaina

• Hutumika kwenye matibabu ya kutetemeka mwili kutokana na hofu (trema)

• Hutumika kwenye matibabu ya feochromosaitoma

• Hutumika kwenye matibabu ya shinikizo la juu la damu kwenye Ini

Mwingiliano wa Propranolol na dawa zingine

Dawa hii haipaswi kutumika pamoja na dawa zifuatazo kwa kuwa huwa na mwingiliano mkali;

• Verapamil

• Timolol

• Sotalol

• Saquinavir

• Rivastigmine

• Penbutolol

• Nebivolol

• Nadolol

• Metoprolol

• Lofexidine

• Labetalol

• Esmolol

• Diltiazem

• Digoxin

• Clonidine

• Celiprolol

• Carvedilol

• Bisoprolol

• Betaxolol

• Acebutolol

Wagonjwa wasiopaswa kutumia Propranolol

Dawa hii haipaswi kutumika kwa wagonjwa wafuatao:

• Wagonjwa wenye mzio na dawa hii au dawa zingine jamii Beta bloka

• Wagonjwa wenye asthma

• Wagonjwa wenye moyo kuferi

Angalizo

Propranolol hii inapaswa kutumika kwa tahadhari kwa wagonjwa wafuatao;

• Wagonjwa wenye asthma

• Wagonjwa wenye Magonjwa ya kifua

• Wagonjwa wenye shida ya Moyo kuferi

Propranolol na ujauzito

Dawa hii itumike wakati wa tahadhari ambapo amna dawa nyingine ya mbadala ya kummpa mama mjamzito.

Propranolol kwa mama anayenyonyesha

Hakuna takwimu zinazoonyesha kuwa maziwa ya mama anayenyonyesha yanaweza kuwa na kiasi gani cha dawah ii kwenye maziwa ya mama hivyo itumike kwa uangalifu.

Maudhi ya Propranolol

Baadhi ya maudhi madogo ya Propranolol ni;

• Haipotesheni

• Anthropathi

• Haipoglaisemia

• Kuwa na uchovu

• Ukosefu wa usingizi

• Kichefuchefu

• Haipalipidemia

• Haipakalemia

• Kupata shida ya kupumua

Je kama umesahau dozi ya Propranolol ufanyaje?

Kama umesahau dozi yako ya Propranolol, tumia mara pale utakapokumbuka, isipokuwa kama muda wa kunywa dozi inayofuata imekaribia sana ambapo utatakiwa kunywa dozi inayofuata tu kama ulivyopangiwa na daktari wako.