top of page

Mwandishi:

Dkt. Sospeter M, MD

Mhariri:

Dkt. Lugonda B, MD

22 Aprili 2020 05:28:31

Quinapril

Quinapril

Quinapril ni dawa mojawapo ya kutibu shinikizo la juu la damu iliyo katika kundi la dawa linaloitwa angiotensini konventing enzaimu inhibita- ACEIs.

Jina la kibiashara


Quinapril huwa maarufu pia kwa jina la kibiashara la Accupril.


Fomu na uzito wa Quinapril


Dawa hii hupatikana kaa kidonge chenye uzito wa miligramu;


  • 5mg

  • 10mg

  • 20mg na

  • 40mg


Namna Quinapril inavyofanya kazi


Dawa jamii ya ACEIs ikiwa pamoja na periondopril hufanya kazi zifuatazo ili kupunguza shinikizo la damu

Hutanua kipenyo cha mishipa ya damu ya vena na ateri kwa kupinga utengenezaji wa homoni ya angiotensin II na uvunjwaji wa bradykinin. Kutanuka kwa mishipa husababisha mishipa kuwa na kipenyo kikubwa hivyo kushuka kwa shinikizo ndani ya mishipa na matokeo yake ni kupunguza mzigo wa damu unaoingia na kutoka kwenye moyo na kupunguza utendaji kazi wa moyo kupita kiasi.


Dawa zilizo kundi moja na Quinapril


Dawa hii ipo katika kundi sawa na dawa zifuatazo;


  • Benazepril

  • Captopril

  • Enalaprili

  • Fosinopril

  • Lisinopril

  • Moexipril

  • Perindopril


Quinapril hutibu nini?


  • Hutumika kwenye matibabu ya shinikizo la damu la juu

  • Hutumika kwenye matibabu ya moyo ulioferi

  • Hutumika kwa kupunguza athari za magonjwa ya figo (dayabetiki neohropathi) kwa wagonjwa wenye kisukari


Dawa zenye wingiliano na Quinapril


Quinapril haipaswi kutumika pamoja na dawa zifuatazo kutokana na kuwa na mwingiliano mkali;

  • Valsartan

  • Tolmetin

  • Telmisartan

  • Sulindac

  • Salsalate

  • Sacubitril/valsartan

  • Sacubitril/valsartan

  • Pregabalin

  • Piroxicam

  • Oxaprozin

  • Olmesartan

  • Naproxen

  • Nabumetone

  • Meloxicam

  • Mefenamic acid

  • Meclofenamate

  • Losartan

  • Lofexidine

  • Ketorolac

  • ketoprofen

  • Irbesartan

  • Indomethacin

  • Ibuprofen

  • Flurbiprofen

  • Fenoprofen

  • Etodolac

  • Eprosartan

  • Diflunisal

  • Diclofenac

  • Celecoxib

  • Candesartan

  • Azilsartan

  • Aspirin

  • Aliskiren


Wagonjwa wasiopaswa kutumia Quinapril


Quinapril haipaswi kutumika kwa wagonjwa wenye mzio na dawa hii au jamii ya dawa za ACEIs


Angalizo


Dawa hii inapaswa kutumika kwa tahadhari kwa wagonjwa wafuatao;


  • Wagonjwa wenye shida ya figo

  • Wagonjwa wenye shinikizo la chini la damu


Quinapril kwa mama mjamzito


  • Quinapril haipaswi kutumika kwa mama mjamzito kwa sababu husababisha athari kwa mtoto tumboni, endapo mama alikuw aanatumia dawa hii, anapofahamika kuwa ana ujauzito inatakiwakusimamishwa mara moja.

  • Madhara hayo kwa mtoto ni haipotension, haipoplezia ya fuvu, anyuria, kuferi wa figo na kifo.


Quinapril kwa mama anayenyonyesha


Takwimu hazijaonyesha kuwa kuna uwezekano wa Quinapril kuingia kwenye maziwa ya mtoto hivyo dawa itumike kwa tahadhari


Maudhi ya Quinapril


Baadhi ya maudhi madogo ya dawa ni;


  • Maumivu ya kichwa

  • Kukohoa

  • Kizunguzungu

  • Maumivu ya Mgongo

  • Kichefuchefu

  • Kuharisha

  • Shikizo la chini la damu

  • Mwili kuchoka

  • Kutapika

  • Kuwa na vipele kwenye Ngozi


Je kama umesahau dozi ya Quinapril ufanyaje?


Kama umesahau kutumia dozi yako, tumia mara pale utakapokumbuka. Kama muda wa dozi nyingine umekaribia sana, subiria ufike ndipo unywe dozi moja na kuendelea kama ulivyoshauriw ana daktari wako.

ONYO: Usitumie dawa yoyote bila ushauri wa daktari. Dawa zinaweza kuleta madhara mwilini na pia matumizi ya baadhi ya dawa pasipo ushauri na vipimo husababisha  vimelea kuwa sugu dhidi ya dawa hiyo.
ULY clinic inakushauri kuwasiliana na daktari wako unapotaka kuchukua maamuzi yoyote yanayohusu afya yako.
Wasiliana na daktari/Mfamasia wa ULY clinic kwa ushauri na Tiba au kuandikiwa dawa kwa kupiga simu au Kubonyeza Pata tiba chini ya tovuti hii.

Imeboreshwa,

3 Novemba 2021 11:25:03

Rejea za mada hii:-

1. Modern pharmacology with Clinical applications written by Charles R. Craig and Robert E. Stitizel ISBN 978-0316159340 ukurasa wa 206,210,212-213
2.Drugs.quinapril.https://www.drugs.com/mtm/quinapril.html. Imechukuliwa 21/4/2020

3.Medscape.quinapril.https://reference.medscape.com/drug/accupril-quinapril-342330. Imechukuliwa 21/4/2020

4.WebMd.quinapril.https://www.webmd.com/drugs/2/drug-6254/quinapril-oral/details. Imechukuliwa 21/4/2020

5.MedicinePlus.quinapril.https://medlineplus.gov/druginfo/meds/a692026.html. Imechukuliwa 21/4/2020

6.FDA.Accupril.https://www.accessdata.fda.gov/drugsatfda_docs/label/2014/019885s040lbl.pdf.Imechukuliwa 21/4/2020
bottom of page