Taspoglutide

Taspoglutide ni dawa mojawapo ya kutibu kisukari aina ya pili iliyo kwenye kundi la dawa linaloitwa Glucagon like peptide 1 Agonisti.

Majina ya kibiashara

Taspoglutide huwa maarufu kwa majina mengine ya kibiashara kama ipsen na roches.

Namna Taspoglutide inavyofanya kazi

Hufanya kazi kwa kuchochea kongosho kuzalisha homoni ya Insulin mara kiwango cha sukari kinapoongezeka kwenye damu.

Homoni ya Insulini husaidia seli za mwili kutumia na kuhifadhi sukari na hivyo kuiondoa kwenye dmau. Kufanya hivi kiwango cha sukari hupungua sana kwenye damu.

Dawa kundi moja na Taspoglutide

Dawa zingine zilizo kwenye kundi moja ni;

• Exenatide

• Lixisenatide

• Semaglutide

• Dulaglutide

• Liraglutide

Taspoglutide hutibu nini?

Hutumika kudhibiti kiasi cha sukari kwa wagonjwa wa kisukari aina ya pili

Upekee wa Taspoglutide na dawa kundi GlP1 Agonisti

Sindano ya dawa hii huweza kuthibiti kiasi cha sukari mara mbili zaidi ya dawa zingine kwenye kundi hili

Dawa hii huleta maudhi mengi yasiyoelezeka katika mfumo wa chakula kama kichefuchefu na kutapika pamoja na mzio kwa watumiaji wengi

Mwingiliano wa Taspoglutide na dawa zingine

Dawa hii inapaswa kufuatiliwa kwa ukaribu inapotumika na dawa zifuatazo;

• Acarbose

• Aripiprazole

• Asenapine

• Atorvastatin

• Cortisone

• Darunavir

• Desogestrel

• Dexamethasone

• Drospirenone

• Enalapril

• Eprosartan

• Estradiol

• Estropipate

• Ethinylestradiol

• Etonogestrel

• Fludrocortisone

• Fuphenazine

• Fosamprenavir

• Fosinopril

• Glimepiridine

• Glipizide

• Glyburide

Wagonjwa wasiopaswa kutumia Taspoglutide

Dawa hii haipaswi kutumika kwa wagonjwa wafuatao:

• Wagonjwa wenye aleji na dawa hiyo

• Mwenye shida ya figo

Angalizo

Tahadhari ya Taspoglutide;

• Sio mbadala wa Insulin

• Haipaswi kutumika kwa mtu mwenye kisukari aina ya kwanza

• Huweza kupelekea figo kushindwa kufanya kazi

Matumizi ya Taspoglutide kwa mama mjamzito na anayenyonyesha

Dawa hii haipaswi kutumika kwa mama mjamzito na mama anayenyonyesha

Maudhi ya Taspoglutide

Baadhi ya maudhi madogo ya taspoglutide

• Kichefuchefu

• Kuhara

• Kutapika

• Choo kuwa kigumu

• Kuvimba sehemu iliyochomwa sindano

• Maumivu ya kichwa

• Kupunguza hamu ya kula

• Kuchoka

• Kizunguzungu

• Maumivu ya tumbo

Je endapo utasahau dozi yako ufanyaje?

Kama umesahau kutumia dozi ya Taspoglutide, tumia mara pale utakapokumbuka. Kama muda wa dozi nyingine umekaribia sana usinywe mpaka muda utakapofika kasha endelea kwa muda uliopangiwa na daktari wako. Usinywe dozi mbili kwa wakati mmoja.