Triamterene

Triamterene ni dawa mojawapo ya kutibu shinikizo la juu la damu iliyo kwenye kundi la dawa linaloitwa Potasiamu sparing diuretic.

Majina ya kibiashara ya Triamterene

Triamterene huwa maarufu kwa jina la Dyrenium.

Fomu na dozi

Triamterene hupatikana katika fomu ya kidonge chenye uzito wa;

• 50 mg

• 100 mg

Ufanyaji kazi wa Triamterene

Dawa jamii ya Potassium Sparing Diuretic ikiwa pamoja na Triamterene hufanya kazi zifuatazo ili kupunguza shinikizo la damu;

Hufanya kazi kwa kuzuia utendaji kazi wa homoni ya Aldosterone ambayo hufanya kazi ya kuthibiti kiasi cha sodiamu na maji kwenye damu. Kuzuia utendaji kazi wa homoni hii husababisha kupotea kwa maji na chumvi mwilini hivyo kupunguza kiwango cha damu katika mishipa ya damu na shinikizo la damu ndani ya mishipa pia hupungua kutokana na kupungua kiwango cha maji. Dawa hii pia huzuia kupotea kwa kiwango cha potasiamu kwenye damu, hii ndo maana jina la kundi hili limeitwa potasiamu sparing diuretics

Dawa kundi moja na Triamterene

Dawa zingine zilizo kwenye kundi moja na dawa hii ni;

• Amiloride

• Spironolactone

• Eplerenone

Triamterene hutibu nini?

Hutumika kupunguza uvimbe kwa wagonjwa waliovimba mwili kutokana kujaa kwa maji kwenye tishu

Hutumika katika matibabu ya shinikizo la juu la damu

Upekee wa Triamterene

Utofauti wa pekee wa Triamterene na dawa zingine za kwenye kundi lake ni kuchukua muda mfupi zaidi ili kuanza kutenda kazi ukilinganisha na dawa zingine kwenye kundi hili.

Muingiliano wa Triamterene na dawa zingine

Dawa hii haipaswi kutumika pamoja na dawa zifuatazo;

• Amiloride

• Drospironone

• Eplerenone

• Cyclosporine

• Drospirenone

• Lofexidine

• Potassium acid phosphate

• Potassium Chloride

• Potassium citrate

• Spironolactone

Wagonjwa wasiopaswa kutumia Triamterene

Dawa hii haipaswi kutumika kwa wagonjwa wafuatao;

• Wagonjwa wenye mzio na dawa hii au zingine katika kundi lake

• Wagonjwa wenye Haipakalemia

• Haipaswi kutolewa pamoja na dawa yeyote ya Potasiamu Sparing Diuretics

• Wagonjwa wenye figo iliyoferi na magonjwa sugu ya ini

Angalizo

Tahadhari ya matumizi ya triamterene inapasw akuchukuliwa kwani

Huweza kupelekea kupoteza electrolaiti

Inapaswa kutumika kwa tahadhari kwa wagonjwa wenye matatizo ya ini na figo.

Matumizi ya Triamterene kwa mama mjamzito

Dawa hii inapaswa kutumika kwa tahadhari kwa mama mjamzito endapo faida ni nyingi kuzidi hatari

Matumizi ya Triamterene kwa mama anayenyonyesha

Haipaswi kutumika kwa mama anayenyonyesha sababu huenekana kwenye maziwa baada ya kutumia dawa hii

Maudhi ya Triamterene

Baadhi ya maudhi madogo ya Triamterene ni;

• Edema

• Haipotension

• Kizunguzungu

• Kuchoka

• Vipele

• Kuharisha

• Kutapika

• Sumu kwenye figo

• Kuishiwa pumzi

Umetaboli wa Triamterene

Dawa hii baada ya kutumiwa huanza kufanya kazi ndani ya saa 2 hadi 4 na kudumu kwenye damu kwa saa 12 hadi 16. Mabaki ya dawa hutolewa kwa njia ya mkojo.

Je kama umesahau dozi yako ufanyaje?

Kama umesahau dozi yako ya Triamterene tumia mara pale utakapokumbuka, na endapo muda wa dozi nyingine umekaribia acha dozi uliyoisahau kisha endelea na dozi inayofuata kama ulivyopangiwa na daktari wako.