Voglibose

Voglibose ni ni dawa inayotumika kushusha kiwango cha sukari kwenye damu na kuhakikisha kinabaki kwenye kiwango cha kawaida kwa wagonjwa wenye kisukari. Dawa hii huzuia kiwango cha sukari ya damu kupanda kupita kiasi mara baada ya kula na hutumika pamoja na masharti ya kuzingatia mlo sahihi na mazoezi kwa wagonjwa wa kisukari.

Majina ya kibiashara

Jina la kibiashara la Voglibose ni Basen

Fomula ya kikemikali

Fomula ya kikemikali ya Voglibose ni C10H21NO7

Jina la kisayansi (IUPAC)

Jina la kisayansi la Voglibose ni (1S,2S,3R,4S,5S)-5-(1,3-dihydroxypropan-2-ylamino)-1- (hydroxymethyl)cyclohexane-1,2,3,4-tetrol

Namna ya kutumia Voglibose

• Meza dawa hii kadri ulivyo elekezwa na daktari wako.

• Meza dawa hii punde kabla ya kula.

• Dawa hii huweza kutumiwa pamoja na dawa nyingine kama vile metformin, kama akipendekeza daktari wako.

Namna Voglibose inavyofanya kazi mwilini.

Dawa ya Voglibose huchelewesha mmeng'enyo wa vyakula vya wanga ili kuchelewesha kuzalisha sukari na hivyo huzuia kupanda kwa kiwango cha sukari kweenye damu mara baada ya kula.

Kwa kuchelewesha mmeng'enyo wa vyakula vya wanga, pia huchelewesha kufyonzwa kwa sukari kutoka kwenye mfumo wa chakula kwenda kwenye damu hivyo kuzuia kuongezeka kwa kiwango cha sukari ya damu mara baada ya kula.

Madhara madogo

Maudhi madogo ya Voglibose ni;

• Maumivu ya tumbo

• Tumbo kujaa hewa

• Kujamba

• Kuharisha

• Vipele kwenye Ngozi

Wagonjwa wasiopaswa kutumia Voglibose

• Wenye mzio na dawa hii

• Wagonjwa wa kisukari aina ya kwanza

• Wagonjwa ambao figo zimeshindwa kufanya kazi

• Wagonjwa waliowahi kupata dayabetiki ketoasidosisi (DKA)

• Wagonjwa waliopata tatizo la kuziba kwa utumbo wa chakula.

Matumizi wakati wa ujauzito na kunyonyesha

• Ni vyema kuepuka kutumia dawa hii wakati wa ujauzito na kunyonyesha kwani hakuna taarifa/tafiti za kutosha kuhusu madhara ya dawah hii kwa mama au mtoto anaye nyonya.