Zidovudine (AZT)

Zidovudine ni dawa mojawapo ya kudhoofisha makali ya Virusi vya UKIMWI(ART) na ipo kwenye kundi la dawa zinazoitwa NRTIs.

Dawa hii haitumiki kama yenyewe, huchanganywa na dawa zingine za ART kudhibiti makali ya VVU.

Kundi la dawa za NRTIs hufanya kazi ya kupunguza makali ya VVU kwa kuzuia RNA ya kirusi kujitengenezea DNA. Ili RNA itengeneze DNA inahitaji kimeng’enya kinachoitwa Reverse Transcriptase, abacavir huzuia kimeng’enya hiki na hivyo kirusi kushindwa kujuzalia.

Fomu na uzito

Zidovudine hupatikana kwenye fomu ya kidonge, tembe na kimimnika cha kunywa. Uzito wa tembe na kidonge ni wa miligramu 100 au 300, dawa ya maji huwa na miligramu 50 kwa kila mililita tano za maji.

Majina ya kibiashara ya Zidovudine

Zidocudine hufahamika kwa jina jingine la kibiashara kama azidothymidine

Je Zidovudine inaweza kutumika na chakula?

Huweza kutumika pamoja na chakula lakini chakula hicho kisiwe chenye mafuta sana

Dawa zilizo kundi moja na Zidovudine

Dawa zingine ambazo zipo kwenye kundi moja na zidovudine ni zifuatazo:

• Lamivudine (3TC)

• Emtricitabine (FTC)

• Abacavir (ABC)

Zidovudine hutibu nini?

Kazi za zidovudine (AZT) ni kama zifuatazo:

Hutumika kama muunganiko wa kwanza katika kuthibiti virusi vya HIV pamoja na muunganiko wa dawa zifuatazo ;

• Lamivudine (Epivir)

• Abacavir sulfate (Ziagen)

• Didanosine (Videx)

• Didanosine (Videx EC)

• Stavudine (Zerit)

• Emtricitabine (Emtriva)

• Tenofovir disoproxil fumarate (Viread)

Hutolewa pamoja na dawa zingine za kuthibiti HIV kuzuia Maambukizi kutoka kwa mama kwenda kwa mtoto kabla ya mama kujifungua,Mama anapaswa kunywa bila kuruka ruka dozi

Mgonjwa anapaswa kutumia dawa hii kama ambavyo atakavyoelekezwa na Daktari

Dawa zisizopaswa kutumika pamoja na Zidovudine

Zidovudine haipaswi kutumika pamoja na dawa zifuatazo:

• Emtricitabine

• Ganciclovir

• Ribavirin

• Abacavir

• Clozapine

• Clarithromycin

• Atanazavir

• Ketokonazole

• Methotrexate

• Mitomycin

• Rifampin

Wagonjwa wasiopaswa kutumia Zidovudine

Haipaswi kutumika kwa wagonjwa wafuatao:

• Wenye chembe za Neutrophils kidogo kwenye damu

• Wenye upungufu wa damu

• Wenye Ini lililoferi

Angalizo kwa watumiaji wa Zidovudine

Inapaswa kutumika kwa uangalifu kwa wagonjwa wafuatao:

• Wenye hatari ya kupungukiwa damu

• Wenye uzito kupita kiasi(obeziti)

• Magonjwa mengine yanayoharibu kinga ya mwili kama ugonjwa wa Graves

Matumizi ya Zidovudine kwa mama mjamzito

Hutumika kwa mama mjamzito kwa ajili ya kuzuia na kupunguza Maambukizi kutoka kwa mama kwenda kwa mtoto hivyo matokeo ya dawa hukabiliwa na kuthibitiwa kwa shida yeyote itakayojitokeza

Matumizi ya Zidovudine kwa mama anayenyonyesha

Mama mwenye Maambukizi ya HIV hapaswi kunyonyesha wakati wa miezi 6 yote

Maudhi ya Zidovudine

Baadhi ya maudhi madogo ya dawa hi ni pamoja na:

• Uchovu mkali wa mwili

• Kuwa na homa

• Kushuka kwa chembechembe nyeupe za damu

• Maumivu ya misuli

• Kuchoka

• Maumivu ya kichwa

• Vipele

• Kichefuchefu

• Kutapika

• Kuharisha

• Maumivu ya tumbo

• Upungufu wa damu

• Konstipesheni

• Kukosa usingizi

Je endapo utasahau dozi yako ya Zidovudine ufanyaje ?

Dawa hii hutumika kwa mchanganyiko pamoja na dawa zingine za kuthibiti VVU, endapo utasahau kutumia dozi yako, unapaswa tumia na Kuendelea na muda huo siku inayofuata kama ulivyoshauriwa na daktari wako

Lakini ukikumbuka kunywa baada ya masaa 24 kupita, kunywa dozi inayofuata kama ulivyopangiwa na daktari na achana na dozi uliyosahau.