Wiki ya 3 ya ujauzito

Hii ni wiki ambayo uchavushaji wa yai na utungishaji mimba hufanyika. Yai litarutubishwa na moja ya manii iliyomwagwa ukeni wakati wa ngono na kufanikiwa kupita kwenye shingo ya kizazi hadi kwenye mrija wa falopio ili kukutana na yai kisha kuingia ndani yake.

Mabadiliko yanayotokea

Mara baada ya yai kuchavushwa na manii, chembe mithiri ya mpira huanza kukua kwa nje huku ikigawanyika ndani kuwa chembe nyingi ndani yake. Katika hatua hii, matokeo ya uchavushaji yai hutengeneza blastosait, ambayo huwa na shemu mbili, sehemu ya nje ambayo itakuwa kondo la nyuma na sehemu ya ndani ambayo itakuwa kiini tete.

Jinsia ya mtoto wako huamriwa wakati huu wa uchavushaji. Kwenye hatua hii Mtoto hufahamika kama kiinitete ambacho huwa na takribani chembe 150 zitakazokuwa kwenye matabaka mbalimbali yaliyoelezewa hapa chini.

Tabaka la ndani

Tabaka la ndani hufahamika kama endodem au endoblasti, hubadilika mbeleni na kutengeneza;

• Njia ya hewa ya mfumo wa upumuaji

• Mfumo wa umeng’enyaji chakula

• Kongosho

• Thyroid

• Ini

• Thymus

Tabaka la kati

Tabaka la kati hufahamika kama mesoderm, tabaka hili hukua na kutengeneza viungo vifuatavyo;

• Mifupa

• Misuli

• Moyo na mishipa ya damu

• Mfumo wa utoaji taka mwilini

• Maumbile ya kike na kiume

Tabaka la nje

Tabaka la nje hufahamika pia kama ektodem au ektoblast. Hukua na kuengeneza viungo vifuatavyo;

• Ubongo

• Ngozi

• Kucha

• Nywele

Wakati kiinitete kinapata mabadiliko haya, huwa kinaelea ndani ya tumbo la uzazi kikiwa kinalindwa na ute ute unaozalishwa na kizazi.

Unaweza kuona kijusi kwa ultrasound?

Endapo kipimo cha ultrasound kitafanyika wakati huu, hakitakuwa na uwezo w akuonyesha kiinitete wakati huu kwa macho ya nyama.

Mambo mengine unayotakiwa kuyaangalia

Kama umekuwa ukipima joto la mwili wako, joto la mwili wakati wa asubuhi kabla ya kutoka kitandani au kabla ya kufanya kazi yoyote ile, utaona kwamba limekuwa kubwa hata baada ya siku ya 16 tangu uovuleshaji umetokea. Hii ni ishara ya kwanza ya kifiziolojia ya kuwa una ujauzito.

Mambo muuhimu unaweza fanya katika hatua hii ni kuachana na matendo yanayohatarisha afya na uumbaji wa mtoto kama vile;

• Kuvuta sigara

• Kunywa pombe

• Kutumia dawa za kulevya

Kufanya hivi ni jambo jema kwa afya yako, ya ujauzito, na kujifungua.

Virutubisho vya nyongeza

Kipindi hiki ni maalumu kuanza kufikiria kuhusu matumizi ya virutubisho vya nyongeza ikiwa pamoja na vitamin na madini.

Unashauriwa kupata angalau mikrogramu 400 za folic acid, vitamin B9 ushauriwa kutumika ili kupunguza hatari ya mtoto kupata madhaifu ya kuzaliwa mfano mgongo wazi na ubongo wazi.

Folic acid huwa na faida nyingi kwa mtoto ambazo ni;

• Husaidia mwili kutengeneza protini mpya

• Husaidia mwili kutengeneza chembe nyekundu za damu

• Hukinga mtoto kuzaliwa na mgongo wazi

• Hukinga mtoto kuzaliwa na ubongo wazi

Soma zaidi kuhusu folic acid kwenye ujauzito hapa

Majina mengine

Majina mengine yanayoendana na mada hii ni:

• Ujauzito wa wiki 3

• Mimba ya wiki 3

• Wiki 3 ya mimba

• Kijusi cha wiki 3

• Mwonekano wa ujauzito wa wiki 3