Ili uwe na afya njema ni lazima kutumia mbogaza majani. Mboga za majani hubeba kwa wingi vitamin, madini na nyuzinyuzi zinazosaidia mfumo wa chakula kumeng’enya chakula. Faida za mboga za majani hutegemea aina ya mboga ya majani.

Aina mbalimbali za mboga za majani na faida zake

Spinach

Mboga hii ya majani huwa na wingi wa madini chuma, kalisiamu, magnesium na Folate Pamoja na antioksidanti, Vitamin K, A na Vitamin C, madini na vitamin zilizo kwenye mboga hii humpa mtu uwezo wa kuona vizuri, kuimarisha mifupa na kusaidia damu kuganda mapema unapoumia

Kale

Ni mboga ya majani jamii ya kabeji, mboga hii hutoa nishati,vitamin A na C pamoja na K , husaidia kupunguza mafuta kwa wingi na uzito ikitumiwa kama juisi pia hupunguza shinikizo la juu la damu.

Broccoli

Ni mboga ya majani jamii ya mboga kabeji, Mboga hii huwa na nishati kwa wingi, Vitamin C na K, kula kwa wingi mboga hii huweza kupelekea kupunguza hatari ya magonjwa ya saratani ,Mboga hii hupunguza hatari ya kupata saratani ya matiti.

Kunde

Ni moja ya mboga za majani kwa majani yake na mbegu yake ikiwa bado mbichi ,huwa na wingi wa nishati, nyuzinyuzi ,protini , Vitamini A, B,C ,E na K.

Mboga hii huwa na faida zifuatazo;

• Huwa na mafuta kidogo ambayo husaidia kuthibiti uzito kupita kiasi.

• Huwa na nyuzi nyuzi na virutubisho vidogo vidogo vinavyosaidia umeng’enyaji wa chakula tumboni na kufanya chakula kisikae muda mrefu tumboni.

• Huwa na wingi wa protini ambayo husaidia kuponya mwili n majeraha na utengenezaji wa homoni

• Husaidia kuongeza kinga za mwili kutokana na kuwa na antioxidant nyingi kama flavonoids, carotenoid na polyphenols

• Husaidia kuondoa mikunyazi kwenye ngozi kutokana na kuwa na Vitamin E kwa wingi

• Husaidia kuthibiti sukari mwilini kutokana na kuwa na protini kwa wingi na nyuzi nyuzi ambazo huthibiti umeng’enyaji wa chakula cha sukari

• Kuwa na wingi wa Vitamin B1, B2 na folate husaidia kupunguza hatari ya kupata magonjwa ya moyo