Oxalate ni kampaundi inayopatikana kwenye vyakula mbalimbali vya nafaka na mimea na pia hutolewa na mwili kama zao la umetaboli. Matumizi ya vyakula vyenye oxalate kwa wingi husababisha mawe kwenye figo.

Ni kiasi gani cha oxalate kinahitajika kwa siku?

Vyanzo vya kiafya vinashauri kupata chini ya miligramu 100 za oxalate kwa siku. Hata hivyo watu hutumia kiasi cha miligramu 200 hadi 300 kwa siku, kiasi mara 2 hadi 3 ya kiasi kianchoshauriwa kwa siku. Unapaswa kuwasiliana na daktari wako kukushauri kama unapaswa kupuguza kiasi cha oxalate unachotumia kwa siku.

Vyakula vyenye oxalate kwa wingi

Vyakula vyenye oxalate kwa wingi ni

• Maharagwe

• Bia

• Mzizi beet

• Chocolate

• Tende

• Kahawa

• Matunda madogodogo

• Cranberries

• Spinach

• Karanga

• Machungwa

• Rhubarb.

• Soda (cola)

• Maharagwe ya soya

• Maziwa ya soya

• Spinach

• Viazi vitamu

• Chai nyeusi

• Tofu

• Ngano

Kiasi cha oxalate kwa kila chakula

Baadhi ya vyakula na kiwango cha oxalate katika miligramu vimeelezewa hapa chini.

Spinach

Nusu kikombe cha mboga iliyopikwa huwa na miligramu 755 za oxalate

Maziwa ya soya

• Mililita 1 ya tofu ya soya huwa na miligramu 0.9 za oxalate

• Mililita 250 za maziwa ya soya huwa na gramu 336 za oxalate

Lozi

Gramu 28 za karanga ya lozi ( sawa na punji 22) huwa na miligramu 122 za oxalate.

Viazi

Kiazi saizi ya kati kilichookwa huwa na miligramu 97 za oxalate

Beet

Mililita 250 za sharubati ya beet huwa na miligramu 152 za oxalate.

Maharagwe ya navy

Mililita 125 za maharagwe haya huwa na miligramu 76 za oxalate

Raspberi

Mililita 250 za sharubati ya raspberi huwa na miligramu 48 za oxalate

Tende

Licha ya kuwa na sukari kwa wingi, tende moja huwa na miligramu 24 za oxalate

Unawezaje kupunguza kiwasi cha oxalate mwilini?

Vyakula vingi vya mimea tunavyokula huwa nan a oxalate lakini pia huwa na madini pamoja na virutubisho vingine muhimu sana mwilini.­­ Ili kupunguza hatari ya kupata madhara ya kufanyika kwa mawe kwenye figo kutokana na vyakula vyenye oxalate kwa wingi fanya mambo yafuatayo;

• Kunywa maji ya kutosha kila siku kama huna shida inayokuzuia kunywa maji. Maji husaidia kusafisha mwili na kuondoa kampaundi ya oxalate.

• Kula vyakula vyenye calcium kwa wingi. Calcium huungana na oxalate wakati wa mmeng’enyo wa chakula na kufanya ishindwe kufyonzwa vema.

• Dhibiti kiasi cha sodium na sukari unachotumia kwa siku. Sodium na sukari huongeza hatari ya kutengenezwa kwa mawe ndani ya figo.

• Pata kiasi cha vitamin C kinachoshauriwa kiafya kwa siku. Kula vitamin C kwa wingi huchangia ongezeko la oxalic acid na utengenezwaji wa mawe ndani ya figo

• Pika mboga za majani kabla ya kula ili kupunguza kiasi cha kampaundi ya oxalate.