Kubadilika kwa majibu ya kipimo cha UKIMWI

Swali

Watu wengi huuliza maswali haya yanapofanya kipimo cha haraka cha UKIMWI aina ya SD Bioline au vingine vya aina hiyo. Maswali yanayojitokeza mara kwa mara ni:

• Je, kwa nini mistari ya ziada huonekana kwenye kipimo cha SD Bioline baada ya zaidi ya nusu saa?

• Je, kwa nini majibu hubadilika ndani ya masaa 24?

• Je, mstari unaojitokeza baada ya muda mrefu una maana gani?

• Je, kubadilika kwa majibu kunaonyesha uwepo wa maambukizi ya UKIMWI?

• Mstari wa ziada una maana gani kisayansi?

Makala hii inakupa majibu ya maswali hayo kwa kutumia ushahidi wa kisayansi na miongozo ya watengenezaji wa vipimo hivi.

Majibu

Majibu Sahihi ya Kipimo cha UKIMWI Yanasomwaje?

Majibu ya vipimo vya haraka vya UKIMWI, kama vile SD Bioline, ni sahihi tu ikiwa yamesomwa ndani ya muda uliowekwa na mtengenezaji wa kipimo – kwa kawaida ndani ya dakika 15 hadi 20, lakini si zaidi ya dakika 30. Ukisoma majibu baada ya muda huo kupita, si sahihi na yanaweza kupotosha.

Kwanini mistari ya ziada inatokea?

Watengenezaji wa SD Bioline hawajatoa sababu maalum ya kisayansi kuhusu kwanini mistari ya ziada (hasa mstari hafifu kwenye eneo la T – Test Line) hujitokeza baada ya dakika nyingi au masaa.

Hata hivyo, wataalamu wa maabara na tafiti mbalimbali zimeeleza sababu zifuatazo:

1. Kuvuja kwa kemikali za kipimo kutoka kwenye eneo la mistari ya majibu baada ya muda mrefu

2. Mmwitikio wa kuchelewa  wa antibodi na antijens unaochora mstari bila kuwa sahihi

3. Ukaushaji wa sampuli kwenye kipimo baada ya muda mrefu wa kupigwa hewa

4. Matari wa mnunurisho – mistari inayoonekana kwa sababu ya kukauka kwa sehemu ya kipimo

Mistari hii siyo ya kuaminika kiafya na haihusiani moja kwa moja na uwepo wa VVU.

Je, kuongezeka kwa mstari wa ziada baada ya muda wa kusoma majibu kunamaanisha nina maambukizi?

Hapana. Ikiwa mstari umeonekana baada ya dakika 30 au zaidi, haumaanishi kuwa una maambukizi ya VVU. Huo ni mstari batili ambao haupaswi kuzingatiwa.

Ikiwa una wasiwasi:

• Rudia kipimo ukifuata muda wa kusoma majibu kama ilivyoelekezwa

• Tumia kipimo cha aina nyingine kama Unigold au Determine

• Fanya kipimo cha maabara cha PCR au Western blot ikiwa majibu yana utata

Utaratibu Bora wa Kusoma Majibu

• Soma majibu ndani ya dakika 15–30

• Ikiwa mstari wa "C" pekee umeonekana = Huna VVU

• Ikiwa mistari miwili ya “C” na “T” inaonekana = Una VVU (Positive)

• Mstari wa “T” pekee au majibu baada ya dakika 30 = Majibu batili

Mambo muhimu ya kukumbuka

• Baada ya kusoma majibu ndani ya muda sahihi, kipimo kinapaswa kutupwa

• Hakuna ulazima wa kuendelea kukiangalia kipimo hicho baadaye

• Majibu yanayojitokeza baada ya muda hayaaminiki na hayawezi kutumiwa kama ushahidi wa maambukizi

Wapi unaweza kupata maelezo zaidi?

Kupata maelezo zaidi soma makala zifuatazo kwenye tovuti ya ULY CLINIC

• Vipimo vya UKIMWI

• Dawa za kutibu UKIMWI

• Dalili za UKIMWI

• UKIMWI hutambuliwa baaa ya muda gani?

Pia unaweza kuwasiliana na daktari wako kwa melezo zaidi, au kuwasiliana na daktari wa ULY Clinic kupitia kiungo cha wasiliana nasi chini ya tovuti hii.

Video kuhusu kipimo cha UKIMWI

Video ya dalili za awali za UKIMWI