Cetirizine kwa mjamzito

Cetirizine ni dawa isiyosababisha madhaifu ya kimaumbile kwa wanyama na pia hakuna ushahidi wa kutosha kuthibitisha kuwa dawa jamii ya antihistamine (ikiwa pamoja na cetirizine) zina hatari kubwa ya kusababisha madhaifu ya uumbaji wa mtoto wakati anakua tumboni.

Licha ya taarifa hiyo, idadi ya wajawazito waliofanyiwa tafiti ni ndogo sana kuweza tumika thibitisha usalama wake kwa mjamzito. Ingawa cetirizine imeonekana kutoambatana na madhaifu ya uumbaji kwa mtoto, kama kuna ulazima wa kuitumia au kutumia dawa jamii yake, dawa dalaja la kwanza zitumike kama mbadala (haswa kipindi cha kwanza cha ujauzito), mfano mzuri wa dawa hizo ni chlorpheniramine au tripelennamine.

Cetirizine na loratadine huchukuliwa kuwa na hatari kidogo isipokuwa kipindi cha kwanza cha ujauzito (miezi mitatu ya kwanza).

Ushauri dhidi ya matumizi kwa mama mjamzito

Hakuna (zipo chache) taarifa za binadamu- taarifa za wanyama zinaonyesha kuwa cetirizine ina hatari kidogo

Hakuna (zipo chache) taarifa za binadamu- taarifa za wanyama zinaonyesha kuwa cetirizine ina hatari kidogo ina maana gani?

Inawezekana kuwa hakuna taarifa za zoefu wa matumizi ya cetrizine au taarifa za binadamu wajawazito wachache waliotumia dawa hii zimeonyesha kutokuwa sumu kichanga tumboni kiasi cha kusababisha madhaifu ya uumbaji, ukuaji, viungo vya mwili, ufanyaji kazi wa viungo, tabia au kusababisha kifo kama itatumiwa wakati huu. Dawa hii si sumu kwenye uumbaji wa kijusi (kwa dozi ambayo haikusababisha sumu kwa mama) kwa jamii zote za wanyama waliofanyiwa tafiti kwa kutumia dozi ambayo ni sawa au pungufu ya mara kumi ya ile ya binadamu, dozi inayotolewa kuendana na jumla ya eneo la mwili

Ushauri wa matumizi kwa mama anayenyonyesha

Hakuna (chache) taarifa za binadamu- Inaweze patana na unyonyeshaji

Hakuna (chache) taarifa za binadamu- Inaweze patana na unyonyeshaji ina maana gani?

Hakuna taarifa za uzoefu kuhusu matumizi ya cetrizine kwa mama anayenyonyesha au kuna taarifa chache. Taarifa chache zilizopo zinaonyesha kuwa cetrizine haina hatari yenye mashiko kwa kichanga anayenyonya maziwa ya mama aliyetumia dawa hii.