Kucheza kwa mtoto tumboni

Kucheza kwa mtoto tumboni hutokea pale mama anapopata hisia za mtoto kujigeuza, kupiga teke, ngumi au kufanya mjongeo wowote ule unaoleta shinikizo kwenye ukuta wa tumbo la uzazi. Hii ni ishara ya awali ya uzima wa mfumo wa fahamu, mifupa na misuli ya mtoto.

Kuna umuhimu wa kufahamu kama mtoto anacheza tumboni?

Dalili hii humwashilia kuwa ndani ya tumbo lako la uzazi kuna kiumbe anayeishi na ujauzito wako upo katika kipindi cha pili cha ujauzito

Sifa za uchezaji wa mtoto hutofautiana kipindi na kipindi na ujauzito na ujauzito. Ni jambo la msingi ukafahamu mtoto wako anacheza mara ngapi ili uweze kutambua ni wakati gani mapigo yamepugnua na uwasiliane na daktari kwa uchunguzi.

Mtoto huanza kucheza tumboni ujauzito ukiwa na wiki ngapi?

Umri wa kuanza kupata hisia za mtoto kucheza tumboni hutegemea uzoefu wa mama kwenye ujauzito. Mama mwenye uzazo zaidi ya mmoja hupata hisia mapema zaidi ya yule mwenye ujauzito wa kwanza.

Kama ni ujauzito wako wa kwanza, utaanza kuhisi mtoto anacheza kati ya wiki 18 hadi 22 za ujauzito

Na kama una uzao uliopita, ujauzito huu wa sasa utaanza kuhisi mapigo ya mtoto tumboni kuanzia wiki ya 16 hadi 20

Kwa mara ya kwanza mtoto huanza kucheza taratibu, unaweza kuwa na hisia za kutoka kwa gesi tumboni au mapigo ya mishipa ya damu kisha kuanza kuhisi mapigo makubwa nay a mara kwa mara. Jinsi mtoto anavyokuwa, mapigo nayo huwa makubwa zaidi kiasi ukiweka mkono tumboni, utahisi pigo la mtoto kwenye muda na muda.

Hata hivyo kuna utofauti wa muda wa kuanza kucheza kwa mtoto kwa kila ujauzito na jinsi unavyokuwa na uzao mwingi, muda wa kupata hisia hizo huja mapema zaidi katika ujauzito.

Kipindi cha tatu cha ujauzito yaani kuanzia wiki ya 28 na kuendelea mtoto hucheza kwa nguvu zaidi. Hii ni hutokana na mtoto huyo kuwa na umbile kubwa zaidi na nguvu nyingi za kuweza kutikisa tumbo la mama kwa nguvu anapopiga ngumi, kujinyoosha, kujongea au kupiga teke. Kuongezeka umbile la mtoto kipindi hiki hupunguza nafasi tumboni kiasi kwamba mtoto hushindwa kugeuka. Huu ni wakati ambapo mtaalamu wa afya ataanza kupima mapigo ya mtoto kwa kuhesabu idadi ya mitikiso tumboni inayoletwa na mapigo hayo

Idadi ya uchezaji wa mtoto

Idadi ya kawaida ya mapigo ya tumbo kutokana na uchezaji wa mtoto tumboni ni mapigo 10 au zaidi ndani ya masaa 2 utakayoyahisi wakati umelalia upande mmoja na kuweka akili yako kuhesabu mapigo hayo. Mapigo utayoyapata huwa kama hisia za mpwito, kugeuka au kupiga ngumi au teke kwenye tumbo.

Kama umekaribia kujifungua, wastani wa mapigo ya mtoto tumboni huwa 31 kwa saa, lakini hutofautiana kati ya mjamzito mmoja na mwingine kuanzia mapigo 16 hadi 45 kwa saa.

Muda unaodumu kati ya mapigo ni dakika 50 hadi 75 kwa dakika. Mtoto anaweza kulala kwa dakika 20 hadi 40 na kipindi hiki hutapata hisia za mapigo yake, muda wa kulala mara nyingi hauzidi dakika 90.

Endapo mtoto hachezi auamepunguza kucheza unapaswa kufika hospitali kwa vipimo. Vipimo ambavyo utafanyiwa vitaangalia mapigo ya mtoto, mapigo ya moyo na hali ya afya ya mtoto kwa kutuma ultrasound au fitoskopi.

Visababishi na matokeo ya kupungua kwa mapigo ya mtoto tumboni

Visababishi vinaweza kuwa visivyo vya hatari mfano mtoto akiwa anataka kuzinzia au akiwa amelala, mapigo yake huwa kidogo. Hii ndio maana unabidi kuhesabu muda ule ule ambapo mapigo ni mengi.

Endapo mtoto hajalala na mapigo yamepungua huweza kumaanisha

• Mtoto kuny’ongwa na kitovu kitovu chake

• Mtoto hakui vema

• Mtoto mwenye uzito mdogo

• Kutojiweza kwa kondo la nyuma

• Maji kidogo kwenye chupa ya uzazi

• Ujauzito unaotishia kutoka

• Kujiongezea damu kwa mama na mtoto

• Maambukizi ndani ya mfuko wa kizazi

Matokeo yanayo ambatana na kupungua kucheza kwa mtoto tumboni ni;

• Madhaifu ya kimaumbile kwa mtoto

• Kujifungua kabla ya wakati

• Majeraha kwenye ubongo wakati wa kuzaliwa

• Kuharibika kwa mfumo wa neva

• Uzito mdogo wa mtoto

• Alama chache za Apgar

• Kushuka kwa kiwango cha sukari kwenye damu ya mtoto

• Kujifungua kwa upasuaji

• Kujifungua kwa kuanzishiwa uchungu

• Kufa kwa mtoto tumboni

• Kufa kwa mtoto baada ya kuzaliwa

Namna ya kuongeza kucheza kwa mtoto tumboni

Kilicho salama na sahihi kitabibu ni kuhamasisha harakati za mtoto kwa kufanya njia zilizoandikwa kwenye jedwali 1.

Jedwali 1: Njia salama za kuhamasisha harakati za Mtoto tumboni

Tahadhari Muhimu

• Ukiona harakati zimepungua sana au hazipo kama kawaida: nenda hospitali mara moja.

Maswali yaliyoulizwa mara kwa mara na majibu yake kuhusu kucheza kwa mtoto tumboni