Dawa za kuyeyusha na kuzuia damu kuganda

Kuna aina nyingi ya dawa za kuyeyusha damu, dawa hizi kiukweli huwa hazifanyi kazi ya kuyeyusha damu iliyoganda bali hufanya kazi ya kuzuia kuendelea kuganda kwa damu au kuendelea kukua kwa bonge la damu iliyoganda.

Makundi ya dawa za kuyeyusha damu

Dawa za kuyeyusha damu zipo kwenye makundi mawili ambayo ni;

• Anticoagulants

• Antiplatelet

Dawa za Anticoagulant

Anticoagulant huzuia damu kuganda au kuwa nzito na hivyo kuzuia uwezekano wa chembe sahani za damu kukusanyika, tukio ambalo linaweza kusababisha damu kuganda.

Mfano wa dawa za Anticoagulant na majina yake ya kibishara yaliyo kwenye mabano ni;

• Apixaban (Eliquis)

• Dabigatran (Pradaxa)

• Edoxaban (Savaysa)

• Fondaparinux (Arixtra)

• Heparin (Fragmin, Innohep, and Lovenox)

• Rivaroxaban (Xarelto)

• Warfarin (Coumadin, Jantoven)

Dawa za Antiplatelet

Antiplatelet kazi yake ni kuzuia chembe sahani za damu(platelet) kukusanyika katika eneo lenye jeraha. Chembe sahani za damu kwa kawaida hukusanyika kwenye eneo la jeraha na kuanzisha mwitikio wa mwili kugandisha damu. Jambo hili ni jema kwani huzuia damu kutoka nyingi kwa mfano wa watu waliojikata au kupasuka mishipa ya damu ndani ya mwili.

Dawa za antiplatelet mfano wake na majina ya kibishara yaliyo kwenye mabano ni;

• Aspirin

• Clopidogrel (Plavix)

• Dipyridamole (Persantine)

• Prasugrel (Effient)

• Ticagrelor (Brilinta)

• Vorapaxar (Zontivity)

Kina nani hufaidika kutumia dawa za antiplatelet na antcoagulant?

Daktari wako anaweza kukuandikia utumie dawa jamii hii endapo una magonjwa yanayoongeza hatari au yale yanayosababishwa na damu kuganda kama vile;

• Magonjwa ya mishipa ya damu ya moyo

• Mshituko wa moyo

• Magonjwa ya mfumo wa umeme wa moyo mfano mapigo ya moyo kwenda bila mpangilio

• Ugonjwa wa deep vein thrombosis

• Ugonjwa wa obeziti(uzito mkubwa kupita kiasi huongeza hatari ya damu kuganda)

• Kufanyiwa upasuaji

• Kuwa na kiwango kikubwa cha kolestrol kwenye damu wakati wa uzeeni

• Kuwa na milango bandia ya moyo

• Ugonjwa wa rheumatic ya moyo

• Wagonjwa waliofanyiwa upasuaji mkubwa au upasuaji wa moyo

• Kiharusi kutokana na sehemu ya ubongo kukosa damu

Madhara ya kutumia dawa za kuyeyusha damu

Moja ya madhara ya kutumia dawa za kuyeyusha damu ni kuvia kwa damu pamoja na kutoka kwa damu kirahisi au kwa muda mrefu mara unapojikata au kupata majeraha. Madhara makubwa yanayowez akujitokeza ni pamoja na;

• Kuvia wa damu ndani ya ubongo kunakoweza pelekea kiharusi cha kuia damu

• Upungufu wa chembe sahani za damu au chembe nyeupe za damu

• Kuongezeka kwa shinikizo la damu

• Ugonjwa wa kuvia damu kama hemophilia

• Vidonda vya tumbo

• Kutokwa na damu puani