Elimu ya magonjwa kwa mjamzito

Secnidazole ni dawa kundi la nitroimidazole iliyoruhusiwa kutumika mwaka 2017 na shirika la dawa la Amerika (FDA). Kuna taarifa chache zisizotosha kutoa jumuisho kuhusu usalama wake wakati wa ujauzito na kunyonyesha.

Cetrizine ni dawa ya antihistamine kizazi cha pili cha H1 receptor antagonist. Dawa hii haipo kwenye kundi la dawa zinazosababisha madhaifu ya maumbile kwa kijusi tumboni na hakuna taarifa za kutosha kuchunguza madhara kwa kijusi kwa binadamu wajawazito. Ingawa cetirizine inaonekana kuwa si sumu kwa kichanga, inapendekezwa kutumia dawa za kunywa jamii ya antihistamine daraja la kwanza kama
chlorpheniramine na tripelennamine, endapo kuna uhitaji wa kutumia dawa hii katika kipindi cha kwanza cha ujauzito. Cetirizine na loratadine zilikuwa zinakubalika kutumika kama mbadala wa chlorpheniramine na tripelennamine, isipokuwa katika kipindi cha kwanza cha ujauzito.

Trimethoprim inayofahamika kusababisha madhaifu ya kiuumbaji kwa vichanga kwa binadamu na wanyama. Madhaifu ya kiuumbaji kwa vichanga wanaozaliwa ambayo yamekuwa yakihusiana na matumizi ya dawa hii kwa wamama wajawazito ni pamoja na madhaofu ya moyo na mfumo wa fahamu pamoja na mdomo sungura. Matumizi ya Folic acid kiasi cha miligramu 0.4 kwa siku unatakiwa kufanyika kabla ya kushika mimba ili kuzuia kutokea kwa madhaifu hayo.

Ripoti mbili zimeelezea matumizi ya dawa hii kwenye ujauzito.Licha ya kuwa kuna taarifa chache zinazoruhusu wa madhara ya dawa hii kwenye ujauzito,dawa zingine jamii ya carbapenem zinaonekana kuwa salama kwenyeujauzito wa kuanzia wiki 28 za ujauzito na kuendelea na huenda pia meropenem inaweza kuwa kundi sawa na dawa hii.hatari ya madhara kwa matumizi kabla ya wiki hizi za ujauzito hayafahamiki.

Acetaminophen(parasetamol au panado) imekuwa ikitumika mara nyingi katika kipindi chochote katika ujauzito. Ingawa ilifahamika kutokuwa na hatari kwa kichanga, kuna baadhi ya ripoti zimehoji kuhusu hili haswa kwa wamama wanaotumia dawa hii kwa muda mrefu au kwa wamama wenye jeni tofauti. Taarifa zaidi zinahitajika kupatikana ili kuthibitisha endapo kweli hakuna madhara yoyote kwa kijusi, hata hivyo inashauriwa isitumike mara kwa mara kipindi cha ujauzito.