Matibabu ya nyumbani ya Bruizi| ULY CLINIC

Bruizi ni neno la tiba linalotumika na ULY CLINIC, neo hili lilitokana na neno la kitiba "bruise" ambalo lilitoholewa kutoka kwenye neno la kifaransa "bruiser" linalomaanisha "kupasuka"

Katika tiba neno “bruise” linatumika kumaanisha kupasuka kwa mishipa midogo ya damu maeneo chini kidogo ya ngozi na kusababisha damu kuvilia na kuonyesha rangi nyeusi, zambarau au ya bluu chini ya ngozi ambayo hubadilika jinsi siku zinavyoenda.

Matibabu ya kuvia damu

• Matibabu ya nyumbani ya kuvia kwa damu chini ya ngozi(bruizi) yanayoshauriwa na ULYCLINIC ni ;

• Pumzisha eneo lenye bruizi kwa muda kiasi.

• Tumia barafu kukanda eneo lililovia damu, weka barafu katika taulo, acha kwenye eneo lililovia kwa dakika 10 hadi 20. Rudia kufanya hivi mara kadhaa kadiri unavyoweza angalau mara tatu kwa siku, kwa muda wa siku nne toka umevilia damu

• Gandamiza eneo lililovimba kwa kutumia bandeji ya mpira, usikaze sana kuzuia kuziba mishipa ya damu ya chini zaidi.

• Weka eneo lililo na shida juu kidogo ya usawa wa moyo, unaweza kutumia mto au kitu kingine ambacho kinaweza kukusaidia kunyanyua sehemu iliyovilia damu

• Kama kuna mpasuko kwenye ngozi, hauhitaji kuuziba kwa bandeji, Tumia dawa za kupunguza maumivu kutoka kwenye maduka ya dawa baridi kama ni lazima

Wakati gani wa kuwasiiliana na daktari?

Endapo una bruizi pamoja na dalili au mambo yafuatayo ni vema ukamwona daktari wako kwa uchunguzi zaidi;

• Kuna maumivu makali kwenye eneo lenye bruizi

• Bado unapata maumivu makali siku tatu baada ya kupata jeraha dogo

• Bruzi imetokea bila sababu ya msingi

• Una bruizi kubwa, au zinazotokea mara kwa mara, zilizo usoni au mgongoni

• Unapata bruizi kirahisi au una historia ya kutokwa na damu kirahisi mfano kama

• Umekwanguliwa kidogo, damu zinatoka muda mrefu kuliko mtu mwingine akiwa na jeraha kama lako.

• Una historia ya kutokwa na damu kwenye fizi kirahisi unapopiga mswaki au puani bila sababu.

• Una matatizo ya kutokwa na damu/magonjwa

• Kuwa na historia kwenye familia ya kutokwa na damu kirahisi.

Kumbuka.

Mambo haya yaliyoorodheshwa hapa yanaweza kumaanisha una maatizo katika damu na hivyo ni vema kuwasiliana na daktari wako mapema