Presha ya kushuka matibababu ya nyumbani

Presha ya kushuka huitwa kitiba kama hypotension, endapo una presha ya kushuka ni vema kufahamu ni nini kisababishi cha presha yako. Aina kadhaa za presha ya kushuka zinafahamika, ambazo zimezungumziwa kwenye makala hii na matibabu yake ya nyumbani ni;

• Kuwa makini unapokuwa unaamka,

• Presha ya kushuka unapoamka asubuhi na mapema,

• Presha ya kushuka baada ya kula,

• Presha kushuka unapolala chali

• Presha ya kushuka kutokana na upungufu wa damu

Dalili za presha ya kushuka/Presha kushuka

Baadhi ya dalili zinazoweza kuonekana kwa mtu mwenye presha iliyoshuka ni pamoja na

Kichwa kuwa chepesi

Kizunguzungu au kuhisi vitu vinazunguka

Uchovu wa mwili

Kutoweza kuwaza vema

Maumivu ya kichwa

Kuzimia

Kuhisi kuzimia

Mapigo ya moyo kwenda mbio

Kichefuchefu

Hisia za baridi miihsio ya mwili(vidoleni)

Maumivu ya kifua

Presha ya kushuka unapoamka asubuhi na mapema

Unaweza fanya mambo yafuatayo kutibu presha ya kushuka wakati wa asubuhi unapokuwa unaamba kutoka kitandani.

Usiamke haraka

Tumia dakika 3 hadi 5 kuamka. Fanya hivi unapohisi unataka kuamka, fumbua macho kwanza, kisha fikiria kwa dakika mbili kuhusu kuamka kwenye kitanda chako, kisha kaa wakati miguu bado ipo kitandani kwa muda wa dakika 1, kisha weka miguu chini ya kitanda kwa muda wa dakika 2 kabla ya kusimama

Nyanyua kitanda chako sehemu kichwa kinapolala na punguza kukojoa usiku

Kunyanyua kitanda itasaidia mwili uzoee pozi hilo na kusababisha shinikizo lako la damu lishishuke sana wakati unataka kusimama.

Kunywa glasi moja ya maji ya baridi dakika 30 kabla ya kuamka

Hii itaongeza kiasi cha maji kwenye mishipa ya damu, maji haya hupelekea moyo kuweza kusukuma damu kwenye maeneo muhimu ya ubongo na hivyo kupunguza dalili za kuzimia na kushuka kwa shinikizo la damu.

Presha ya kushuka baada ya kula

Kula chakula kidogo na mara nyingi zaidi, epuka kula mlo mkubwa kwa wakati mmoja na punguza kiasi cha pombe unachokunywa kwenda kiasi kinachoshauriwa

Usitumie vinywaji au vyakula vya moto, vyenye wanga kwa wingi kwa kuwa huongeza hatari ya kushuka kwa presha baada ya kula.

Presha kushuka unapolala chali

• Usitumie dawa za kupandisha presha inapofika sa 12 jioni

• Inua kitanda chako au weka mito miwili wakati unalala

• Kula kitafunwa na kikombe kimoja cha chai ya uvuguvugu

• Jaribu kinywa glasi moja ya wine wakati wa kulala

• Ondoa vigandamiza tumbo kabla ya kulala

Presha ya kushuka kutokana na upungufu wa damu

• Tumia dawa kama ulivyoelekezwa na daktari wako

• Kama unaweza choma homon erythropoietin choma ili kuongeza uzalishaji wa chembe nyekundu za damu na hivyo kuondoa tatizo hili.

• Tumia vyakula vya kuongeza damu

Hali zinazoshusha shinikizo la damu

Hali ambazo zinaweza kuamsha au kufanya shinikizo la damu lishuke sana ni;

• Kuishiwa maji mwilini

• Wakati wa asubuhi endapo umetumia dawa za kupunguza maji mwilini

• Kuamka ghafla kutoka kwenye pozi la kulala

• Kusimama muda mefu bila kutembea

• Kufanya mazoezi makalai au mazoezi ya aina moja

• Kunywa pombe

• Kula mlo mkubwa wenye wanga

• Kukaa kwenye joto kali au kuwa na homa

• Kukenya wakati wa kukojoa au wakati wa haja kubwa

Matibabu ya presha ya kushuka kwa undani zaidi

Endapo una presha ya kushuka wakati unasimama, fanya mambo yafuatayo;

• Tumia vikandamiza, au vibana tumbo unapotoka kwenye kitanda chako

• Kunywa maji asubuhi na mapema. Kunywa maji ya baridi robo lita (glasi moja) wakati wa asubuhi kabla ya kusimama kwa muda mrefu

• Lala kwenye kitanda kilichoinuka maeneo ya kichwa

• Inua kitanda kwenye eneo unaloweka kichwa kwa kutumia mto au kutumia kitanda chenye uwezo huo wa kuinuka. Inua ifike nnchi 4 tu.

• Fanya mazoezi ya kuongeza shinikizo la damu. Kwa kufanya mazoezi haya kwa muda wa nusu dakika au dakika moja kwa kila zoezi, utaweza kufanya mwili uongeze shinikizo la damu wakati umesimama kwa muda mrefu. mazoezi hayo ni;

• Kunyanyua kidole gumba

• Kukunja nne kisha kubana na kuachia misuli ya vidole vya miguu na miguu

• Kuchezesha misuli ya paja

• Kujikunja kwenye nyonga kama unainama na kuinuka au kuinamia upande mmoja wa mwili kisha mwingine

• Kuweka miguu juu ya usawa wa mwili

• Kutembea kwa marching

Matumizi ya dawa

Dawa zinazoamsha shinikizo la damu ni kama vile

• Midodrine

• Fludrocortisone

• Pyridostigmine

Fanya mazoezi

Epuka kukaa bila kufanya mazoezi, fanya mazoezi ya wastani na si makali maamna utashusha shinikizo lako la damu kwa mazoezi makali.

Tumia chumvi kwenye maji unayokunywa

Hii itabisi uwasiliane na daktari wkao endapo inafaa kutumia chumvi kwenye maji ya kunywa kwa sababu ni hatari kwa baadhi ya watuw enye magonjwa ya moyo, figo n,k

Endapo unafaa kutumia chumvu na umeshauriwa unaweza tumia, tumia kiasi cha gramu 10 hadi ishirini kwa siku tu. Weka chumvi kwenye maji ya kunywa kwa siku. Kumbuka unatakiw akunywa glasi nane kwa siku sawa na lita mbili.

Endapo huwezi weka chumvi, unaweza tumia Oral (ORS) ambayo huwa na chumvi na madini mengine pamoja na sukari. Hii inabidi pia ushauriwe na daktari wako endapo ni salama kulingana na afya yako, mfano inaweza kuwa si nzuri kwa wagonjwa wenye kisukari kwa sababu huweza pandisha kiwango cha sukari kwenye damu. Namna ya kutuia ni kuweka paketi moja ya oral(ORS) kwenye lita moja ya maji kisha kunywa kwa jinsi unavyoweza ili mradi unywe lita mbili kwa siku kwa watu wazima.

Inashauriwa pia kutumia vyakula vyenye madini ya potassium kwa sababu kutumia chumvu huongeza kupotea kwa madini haya hivyo huweza pelekea kuharibu mfumo wa umeme wa mwili na moyo.

Elimu ya ziada

Unatakiwa kutambua dalili zinazoashirika kushuka kwa shinikizo la damu wakati unainuka ili uweze kukaa haraka kabla ya kuinuka ili kuepuka kuanguka.

Fahamu kuhusu hali na mambo yanayoweza kushusha shinikizo la damu kama vile kula mlo mkubwa wa wanga, kubadili pozi la mwili kutoka pozi la kulala kwenda la kusimama, joto, homa na mazoezi au kuoga maji ya moto.

Jifunze na kufahamu mamabo unayoweza kufanya ili kuongeza shinikizo la damu.

Kumbuka

Matibabu ya presha ya kushuka hulenga kutibu visababishi, njia zilizotajwa hapa juu ni njia za matibabu ambazo zinalenga kupandisha shinikizo la damu. Ni vema ukawasiliana na daktari wako kwa kila kitu unachotaka kukifanya ili kupata matibabu yanayoendana na afya yako.