Vimelea gani husababisha uume na uke kutoa usaha?

Kutokwa majimaji yasiyo ya kawaida kwenye uume au uke ni kutokwa na maji mithiri ya usaha au ya kuteleza kama mlenda kwenye mrija wa urethra kwa wanaume na kwenye shingo ya kizazi kwa wanawake licha ya kutokea mara chache. Maambukizi ya vimelea kwenye mrija wa mkojo au shingo ya kizazi huamsha mfumo wa kinga ya mwili unaodhibiti vimelea na hivyo kusababisha kutokea kwa michomo kinga kwenye njia hizo.

Vimelea wanaosababisha kutokwa na usaha sehemu za siri huambukizwa kwa njia kuu ya kujamiana au kugusa maji maji yenye vimelea hivyo.

Vimelea wanaosababisha kutokwa na usaha sehemu za siri wamegawanyika katika makundi mbalimbali ambayo ni vimelea wakuu, vimelea wengine na vimelea ambavyo bado havijathibitishwa.

Jinsia inayoonesha dalili zaidi

Usaha sehemu za siri huonekana sana kwa wanaume zaidi ya wanawake licha ya maambukizi kutokea kwenye jinsia zote kwa vijana na watu wazima wanaoshiriki ngono mara nyingi na isiyo salama.

Vimelea vikuu

Asilimia 40 ya usaha sehemu za siri husababishwa na vimelea wafuatao;

• Chlamydia trachomatis

• Neisseria gonorrhoeae

Kiasi kilichobaki husababishwa na

• Mycoplasma genitalium

• Trichomonas vaginalis

• Herpes simplex virus

• Adenovirus

Vimelea vingine

Vimela vingine ambavyo bado havijathibitishwa bado kusababisha tatizo la usaha kwenye uume na uke ni;

• Mycoplasma hominis

• Ureaplasma urealyticum