top of page

Kutokwa na jasho kupita kiasi

Updated: Nov 6, 2021


Haipahaidrosis ni neno tiba linalomaanisha kutoa jasho kwa wingi kusiko kwa kawaida, kusikohusiana na mazoezi au joto kali. Jasho hili linaweza kutoka sehemu Fulani tu katika mwili au mwili mzima. Neno tiba hili limetokana na neno ‘hidrosis’ ambalo ni neno la kigiriki na kilatini lenye maana ya ‘kutoa jasho’


Mtu anaweza kutokwa na jasho jingi kiasi kwamba likaharibu ubora wa maisha yake, jasho linaweza kuchuruzika au kulowanisha sehemu ya nguo au nguo yote.


Dalili


Dalili huwa pamoja na;


  • Kutokwa na jasho kupita kiasi wakati wa mazoezi na kutembea

  • Kutokwa na jasho zaidi ya watu wengine wakati upo kwenye hali ya hewa ya joto

  • Jasho kutoka sehemu mbili zinazofanana mwilini mfano makwapa yote, viganja vya mikono, miguuni

  • Kutokwa na jasho maeneo ya usoni, kanyagio la miguu, viganja vya mikono, miguuni au mikononi

Visababishi


Kutokwa na jasho ni njia mojawapo inayotumiwa na mwili kupunguza joto mwilini. Mfumo wa neva huamsha tezi za jasho katika ngozi ili ziweze kuzalisha jasho kuitikia joto lililozidi ndani ya mwili. Kwa kawaida jasho hutoka kwenye maeneo ya viganja vya mikono endapo una wasiwasi uliopitiliza.


Visababishi vya haipahidrosis vipo katika makundi mawili

Kundi la awali


Husababishwa na mwitikio wa tezi jasho dhidi ya taarifa za kuzalisha jasho kutoka mfumo wa neva. Mfumo wa neva kama ilivyozungumzwa hapo awali huwa na kazi za kuamsha tezi kuzalisha jasho. Endapo mtu ana wasiwasi au msongo wa mawazo, jasho huzalishwa zaidi kuliko kawaida. Jasho mara nyingi hutoka sana kwenye maeneo ya viganja vya mikono/miguu au usoni, na siku zote haisababishwi na ugonjwa mwilini na huweza kuwa la kurithi kati ya familia na familia.

Haipahidrosis ya sekondari

Haipahidrosis ya sekondari husababishwa na hali au magonjwa mbalimbali ndani ya mwili kama vile;

  • Ugonjwa wa Kisukari

  • Ugonjwa wa Kifua kikuu

  • Magonjwa ya tezi ya thairoidi

  • Haipoglaisemia (Kushuka kwa kiwango cha sukari mwilini)

  • Komahedhi

  • Baadhi ya saratani

  • Mshituko wa moyo

  • Magonjwa ya mfumo wa neva

  • Maambukizi

  • Matumizi ya baadhi ya dawa kama madawa ya kulevya

Madhara

  • Kuwa na kihatarishi cha kupata Maambukizi ya ngozi

  • Kupata Msongo wa mawazo na kujitenga vitu Fulani katika jamii


Endelea kusoma kuhusu makala hii kwa kubonyeza hapa


Wasiliana na daktari wa uly clinic endapo una maswali au unahitaji ushauri. Piga namba za simu chini ya tovuti hii au bonyeza link iliyoandikwa pata tiba


Wasiliana na daktari wa ULY CLINIC endapo una maswali au unahitaji ushauri. Piga namba za simu chini ya tovuti hii au bonyeza link iliyoandikwa Pata tiba


59 views0 comments

Recent Posts

See All

Comments


bottom of page