Chai ya kitunguu saumu na tangawizi

Mbali na kusaidia kuimarisha kinga ya mwili, kupunguza uchochezi, kudhibiti sukari na shinikizo la damu pamoja na kupunguza kiwango cha lehemu mbaya (LDL) kwenye damu, chai ya kitunguu saumu na tangawizi ni kinywaji chenye faida nyingi kwa afya ya mwanaume na mwanamke. Kwa mwanaume hasa, huboresha mzunguko wa damu na stamina ya mwili, jambo linaloweza kumsaidia kudumu kwa muda mrefu zaidi wakati wa tendo la ndoa.

Katika makala hii, neno kitunguu saumu linarejelea pia kitunguu swaumu (jina linalotumiwa katika baadhi ya maeneo) vyote vikimaanisha mmea ule ule wenye thamani kubwa kiafya. Matumizi ya mara kwa mara ya viungo hivi viwili yanaweza kuwa sehemu rahisi lakini muhimu ya kuboresha afya kwa ujumla.

Faida za chai ya kitunguu saumu na tangawizi

Kuna tafiti nyingi za kuaminika zimefanyika kuchugnuza umuhimu wa kitunguu saumu na tangawizi kwa binadamu. Tafiti hizo zimeonyesha matokeo mazuri ya viungo hivi. Faida zake baadhi zimeelezewa hapa chini;

Huondoa sumu mwilini

Kitunguu saumu na tangawizi hufahamika kwa uwezo wake wa kuondoa sumu mwilini kwa kupunguza michomo ya kinga ya mwili. Michomo kinga ya muda mrefu (sugu) mwilini kutokana na kinga za mwili huambatana na magonjwa mbalimbali sugu kama vile magonjwa ya moyo na saratani mfano saratani ya kongosho, saratani ya tezi dume na titi)

Vitunguu saumu na tangawizi huwa na viuaji sumu vyenye nguvu zaidi na hivyo huweza kudhibiti kuamka kwa michomo kinga.

Huongeza kinga mwilini

Chai ya kitunguu saumu na tangawizi ina uwezo wa kupunguza michomo kinga, kuua virusi, bakeria na vimelea wengine wanaosababisha maradhi kwa kuimarisha mfumo waking ya mwili. Ili kupata faida hii, tumia mara kwa mara viungo hivi.

Hukinga chembe hai dhidi ya majeraha

Sumu ya oksijeni huweza kudhuru chembe hai na kuharibu mfumo wa kinga ya mwili wako.

Mwili huwa na mfumo wa kinga kudhibiti sumu ya oksijeni, kwa kutumia vimeng’enya kama superoxide dismutase na glutathione peroxidase. Vimeng’enya hivi hufanya kazi ya kuweka uwiano wa sumu ya oksijeni mwilini. Hata hivyo kama mfumo huu umelemewa na sumu ya oksijen husababisha kuharibiwa kwa chembe hai.

Tafiti zinaonyesha kuwa kitunguu saumu na tangawizi husaidia kupunguza sumu ya oksijeni ikiwa pamoja na sumu kali zaidi yenye jina la malondialdehyde.

Tafiti zinaonyesha kuwa kunywa chai ya kitunguu saumu na tangawizi kwa mwezi mmoja hupunguza kiwango cha malondialdehyde na kuongeza vimeng’enya muhimu vya kuharibu sumu ya oksijeni (superoxide dismutase na glutathione peroxidase)

Huimarisha uwezo wa kiakili

Huimarisha uwezo wa kiakili na fikra

Matumizi ya mara kwa mara ya kitunguu saumu na tangawizi huulinda ubongo na kusaidia kuongeza uwezo wa kiakili.

Tafiti zinaonyesha, watu waliotumia viungo hivi kwa muda mrefu uwezo wao wa kiakili umakini na afya kwa ujumla ilikuwa bora zaidi ukilinganisha na kundi ambalo halikuwa linatumia viungo hivi.

Hupunguza hatari ya magonjwa ya moyo

Tafiti zinaonyesha kuwa kitunguu saumu na tangawizi husaidia kupunguza hatari ya kupata magonjwa ya moyo kwa kupunguza shinikizo la damu, kiwango cha lehemu na kudhibiti kiwango cha sukari mwilini.

Kiwango cha lehemu mbaya, sukari na shinikizo la damu hupungua hivyo kupunguza hatari ya magonjwa ya moyo na kuongeza uwezo wa mwili kudhibiti kiwango sukari kwa mgonjwa wa kisukari.

Huongeza uwezo wa mwanaume kujamiana kwa mdua mrefu zaidi

Chai ya kitunguu saumu endapo itatumika mara kwa mara na kabla ya ngono, humwongezea mwanaume uwezo w akushiriki tendo la ndoa kwa muda mrefu na hivyo humwongezea nguvu za kiume. Ili kupata amatokeo mazuri zaidi, inashauriwa kutengeneza chai ya kitunguu saumu kwa kutumia kijiko kimoja cha kitunguu saumu na tangawizi kisha kunywa kabla ya kushiriki ngono.

Unapaswa kutumia pia vyakula vya kiafya haswa nafaka zisizokobolewa (kama mahindi, na karanga) masaa kadhaa kabla ya kunywa chai hii na kushiriki ngono.

Jinsi ya kuandaa chai ya kitunguu Saumu na Tangawizi

Ili kupata faida kamili za kiafya, chai hii inahitaji kuandaliwa kwa njia inayohifadhi kemikali zake muhimu (hasa allicin na gingerol). Hatua zifuatazo zitakusaidia kupata kinywaji chenye nguvu zaidi kiafya.

Mahitaji

• Punje 2–3 za kitunguu saumu

• Kipande kidogo cha tangawizi mbichi (takribani sentimita 2–3)

• Kikombe 1–2 cha maji safi

• Hiari: asali kijiko 1 au maji ya limao

Hatua za maandalizi

1. Andaa kitunguu saumu

• Menya punje za kitunguu saumu

• Kisage au kikate vipande vidogo

• Kisha kiachie kwa dakika 5–10 kabla ya kuchemsha

Hatua hii ni muhimu sana kwa sababu huruhusu kutengenezwa kwa kemikali hai (allicin) ambayo ndiyo hubeba faida nyingi za kiafya.

2. Andaa tangawizi

• Osha vizuri tangawizi

• Ikate vipande vidogo au isage

• Usiondoe sana maganda (ndani yake kuna virutubisho vingi)

3. Chemsha maji

• Weka maji kwenye sufuria au birika

• Yaache yafikie kiwango cha kuchemka (si kuchemka kwa muda mrefu sana)

4. Weka viungo

• Weka tangawizi kwanza kwenye maji yanayochemka

• Punguza moto kisha chemsha dakika 5–7

• Baadaye ongeza kitunguu saumu na uache ichemke dakika 2–3 tu

Usichemshie kitunguu saumu muda mrefu sana kwa kuwa joto kali la muda mrefu huharibu virutubisho vyake.

5. Chuja na ongeza ladha

• Chuja chai kwenye kikombe

• Acha ipoe kidogo (isiwe ya moto sana)

• Ongeza asali au limao ukipenda

Namna ya kunywa

• Asubuhi kabla ya kula kwa afya ya mwili

• Jioni kwa kupumzisha mwili

• Dakika 30–60 kabla ya tendo la ndoa kwa wanaume wanaotaka kuboresha stamina

Kwa vipimo sahihi zaidi, makosa ya kuepuka na muda bora kulingana na lengo (uzito, presha, nguvu za kiume), soma makala yetu kamili: Namna Sahihi ya Kuandaa Chai ya Kitunguu Saumu na Tangawizi.

Maswali yaliyoulizwa mara kwa mara na majibu yake