1. Kwanza elewa muundo wa uke

Sehemu ya siri ya mwanamke ina sehemu kuu mbili:

• Sura ya nje ya uke (vulva) huu ndio unaoonekana kwa macho (mashavu ya uke, tundu la uke, kisimi, tundu la mrija wa mkojo na via vingine vinavyoonekana kwa nje)

• Uke wa ndani (mfereji wa uke): huu ni mfereji wa ndani unaoenda kuungana na shingo ya kizazi.

2. Je unapaswa kuigniza vidole ndani wakati wa kusafisha uke?

HUPASWI kuingiza kidole ndani ya uke kwa ajili ya kusafisha. Usafi sahihi unafanyika kwa kusafisha sehemu ya nje tu (vulva).

Uke wa ndani una mfumo wake wa kujisafisha wenyewe kwa njia ya:

• ute wa asili

• bakteria wakazi (wanaoishi ukeni)

3. Njia sahihi ya kusafisha uke

(a) Safisha sehemu ya nje tu

• Tumia maji safi ya uvuguvugu

• Unaweza kutumia sabuni laini isiyo na harufu kali

• Safisha kwa upole mashavu ya uke

• Safisha kutoka mbele kwenda nyuma (badala ya kutoka nyuma kwenda mbele ili kuzuia kuingiza bakteria ukeni kutoka kwenye tundu la haja kubwa)

(b) Safisha kwa mikono, si ndani

• Tumia mkono wako kusafisha nje tu

• Hakuna haja ya kuingiza kidole ndani

(c) Suuza vizuri

• Hakikisha sabuni yote imeondoka

• Mabaki ya sabuni yanaweza kusababisha muwasho

(d) Kausha kwa upole

• Tumia taulo safi au tissue laini kupapasa ili kuondoa unyevu

• Usisugue kwa nguvu

4. Mambo ya kuepuka kabisa

• Kuingiza kidole ndani ya uke kwa kusafisha

• Kuosha ndani kwa maji mengi au sabuni

• Kuweka dawa au manukato ndani ya uke

• Kuweka sabuni zenye harufu kali/manukato ndani ya uke

• Kusafisha sura ya uke kutoka nyuma kwenda mbele

5. Kwa nini usiingize kidole ndani?

Kuingiza kidole au kuosha ndani kunaweza:

• kuharibu bakteria wazuri wa uke

• kusababisha maambukizi (fangasi au bakteria)

• kusababisha muwasho au harufu mbaya zaidi

• kubadilisha usawa wa asili wa uke (usawa wa pH)

6. Uke una uwezo wa kujisafisha wenyewe

Uke wa mwanamke:

• husafisha uchafu wenyewe kupitia ute wa asili

• huondoa bakteria wabaya kwa mfumo wake wa kinga

• hauhitaji “kuoshwa ndani”

7. Dalili zinazoweza kuonyesha tatizo

Ukiona dalili hizi, inaweza kuwa ni maambukizi:

• Harufu kali isiyo ya kawaida

• Ute wa rangi ya njano, kijani au kijivu

• Kuwasha sana

• Maumivu wakati wa kukojoa au tendo la ndoa

Hapa unahitaji kumuona mtaalamu wa afya, si kuongeza usafi wa ndani.

Hitimisho

Safisha sehemu ya nje ya uke (vulva) kwa maji safi na sabuni laini, bila kuingiza kidole ndani. Uke wa ndani hujisafisha wenyewe, hivyo kuuosha ndani kunaweza kusababisha maambukizi na muwasho.