Bei ya Fluoxetine

Fluoxetine ni dawa ya msongo wa mawazo (dawa za kudhibiti sonona) kutoka kundi la vizuia uchukuzi wa Serotonin chaguzi – SSRIs. Hutumika kutibu sonona, wasiwasi (madhaifu ya wasiwasi), ugonjwa wa mawazo na matendo lazimishi (OCD) na wakati mwingine magonjwa ya akili ya kula sana(bulimia).

Ni dawa ya matumizi ya muda mrefu na hutolewa chini ya usimamizi wa mtaalamu wa afya ya akili au daktari.

Fomu za kawaida za Fluoxetine

1. Fluoxetine tembe/kapsuli (20 mg)

Hii ndiyo fomu inayotumika zaidi kwa wagonjwa wengi.Dozi ya kawaida ni 20 mg kwa siku, na huweza kuongezwa kulingana na hali ya mgonjwa.

Bei za Fluoxetine kwa Mujibu wa MSD

Fluoxetine 20 mg – MSD

• Kifungashio cha MSD: pakiti ya kapsuli 100

• Bei ya MSD: takriban TZS 6,000 – 9,000

Hii ni sawa na:

• TZS 60 – 90 kwa kapsuli moja

• TZS 600 – 900 kwa pakiti ya kapsuli 10

Bei za Fluoxetine kwenye Maduka ya dawa binafsi (Makadirio ya Soko)

• Fluoxetine 20 mg (kapsuli 1): TZS 500 – 1,500

• Pakiti ya kapsuli 10: TZS 5,000 – 15,000

Muhimu Kuhusu Fluoxetine

• Fluoxetine si dawa ya usingizi wala ya kutuliza maumivu

• Huanza kuonyesha manufaa baada ya wiki 2–4

• Haitakiwi kusimamishwa ghafla bila ushauri wa mtaalamu

• Matumizi ya muda mrefu huhitaji ufuatiliaji wa kitaalamu