Kuvimba miguu

Miguu kuvimba husababishwa na kutuama kwa maji kwenye chembe hai za miguu, huweza kusababishwa na matatizo katika mfumo wa mishipa ya damu, mirija ya mitoki au tatizo katika figo. Unaweza kuvimba miguu kwa sababu pia ya kukaa ama kusimama mda mrefu sehemu moja.

Visababishi vya kuvimba miguu

Kuna aina mbili za visabaishi, aina ya kwanza ni kutokana na kuvia kwa maji na aina ya pili kutokana na michomo kwenye chembe hai maeneo ya miguu. Maelezo zaidi yanapatikana kwenye aya zinazofuata.

Kuvimba miguu kutokana na mkusanyiko wa maji kwenye tishu za miguu

• Kufeli ghafla kufanya kazi kwa figo

• Magonjwa ya kuta za moyo

• Kufeli sugu kufanya kazi kwa figo

• Kufanyika makovu kwenye ini

• DVT

• Kufeli kwa moyo

• Matibabu ya dawa za homoni

• Kuziba kwa mishipa ya ngiri

• Kuharibika kwa mishipa midogo ya ndani ya figo

• Dawa za kutuliza maumivu kama ibrupofen na naproxen

• Michomo kwenye kuta za moyo

• Ujauzito

• Madawa kama madawa ya kisukari na shinikizo la damu

• Kusimama kwa mda mrefu, kukaa kwa mda mrefu kama kwenye ndege na gari

• Magonjwa ya mishipa ya damu

• Mishipa ya damu ya vein kushindwa kurudisha damu kwenye moyo

Kuvimba miguu kutokana na magonjwa ya michomo kinga

• Kuvunjika kwa mfupa

• Maambukizi kwenye ngozi

• Gauti

• Maambukizi kwenye vidonda vya miguuni

• Maambukizi kwenye vijifuko vya maji katika maungio ya miguu

• Misuguano ya mifupa katika maungio

• Baridi yabisi

• Jeraha kwenye maungio ya visigino

Matibabu ya nyumbani kwa miguu inayovimba

​

Matibabu yafuatayo yanaweza kufanywa na mtu yeyote akiwa nyumbani endapo ana tatizo la miguu kuvimba. Matibabu haya yanaweza kutumiwa tu endapo umeongea na daktari wako kwamba yapi ni yapi yanakufaa Zaidi kulingana na hali yako.

​

Mjongeo

Ukijongesha misuli kwenye maeneo ambayo yana uvimbe, mfano uvimbe kwenye kiwiko cha mguu au kwenye goti unatakiwa jongesha misuli ya miguu. Kufanyisha mazoezi miguu kwa kutembea mwendo au kukunja na kunyoosha kwa muda wa dakika 15 hadi 30 kunaweza saidia kupunguza uvimbe.

​

Kunyanyua miguu juu dhidi ya mwili

Hakikisha unanyanyua miguu yako juu ya usawa wa moyo mara kwa mara, unaweza kufanya hivi ukiwa umelala wakati wa mchana au usiku. Kuwezesha kunyanyua miguu juu, wakati umelala weka mto chini ya miguu ili miguu iwe juu Zaidi ya mwili.

​

Kukanda miguu

Kanda kwa kukamua miguu kuelekea juu kwenye magoti, tumia nguvu kidogo isipite kiasi, hii inasaidia kusukuma maji na damu yaliyozidi kuelekea kwenye.

​

Mgandamizo kwenye miguu

Unaweza tumia soksi maalumu za kugandamiza miguu yako .Soksi hizi husaidia miguu isiendelee kuvimba Zaidi na pia inapunguza uvimbe. Daktari wako atashauri matumizi ya hizi soksi na namna unavyowezazipata.

​

Kinga miguu na majeraha

Hakikisha eneo la miguu yako limekuwa safi na halijakauka, na usiliweke katika mazingira ya kupata jeraha. Ngozi ikikauka au kupata majeraha ni rahisi kupata maambukizi. Siku zote yalinde maeneo yaliyovimba kwa kuvaa vituvya kukinga kupata majeraha.

​

Punguza kiwango cha chumvi

Fuata ushauri wa dakiktari kuhusu kiwango cha chumvi unachotakiwa kutumia. Chumvi huwa na tabia ya kuhifadhi maji kwenye mwili, hivyo ukila nyingi inaweza kusababisha hali ya kuvimba ikawa mbaya Zaidi.

Wapi utapata maelezo zaidi?

Maelezo ya ziada unaweza zkuyapata kwenye makala ya kuvimbamiguu kwa mjamzito