Abacavir (ABC)

Abacavir ni dawa mojawapo ya kudhoofisha makali ya Virusi vya UKIMWI(ART) na ipo kwenye kundi la dawa zinazoitwa NRTIs. Dawa hii haitumiki kama yenyewe, huchanganywa na dawa zingine za ART kudhibiti makali ya VVU. Kundi la dawa za NRTIs hufanya kazi ya kupunguza makali ya VVU kwa kuzuia RNA ya kirusi kujitengenezea DNA. Ili RNA itengeneze DNA inahitaji kimeng’enya kinachoitwa Reverse Transcriptase, abacavir huzuia kimeng’enya hiki na hivyo kirusi kushindwa kujuzalia.

Rangi na Fomu ya Abacavir (ABC)

Dawa hii hupatikana katika fomu ya kidonge na kimiminika

Rangi ya kidonge hutofautina kulingana na kampuni, inaweza kuwa nyeupe, njano mpauko, n.k Huweza kutumika hata pasipo chakula na kidonge huwa chenye miligramu 300, dawa ya maji huwa na miligramu 20 kwa kila mililita moja

Dawa kundi moja na Abacavir

• Lamivudine (3TC)

• Emtricitabine (FTC)

• Zidovudine (AZT)

Abacavir hutibu nini?

Hutumika pamoja na dawa zingine katika kuthibiti virusi vya UKIMWI. Abacavir itatumika endapo imeungana na dawa zifuatazo ikiwemo yenyewe.

• Abacavir (ABC) +Lamivudine (3TC) +Dolutegravir (DTG) kwa kifupi TRIUMEQ

• Abacavir/Lamivudine

• Abacavir, Lamivudine, Tenofovir

• Abacavir hufahamika kwa jina jingine la Ziagen

Dozi ya Abacavir (ABC)

Mgonjwa anapaswa kutumia dawa hii kama ambavyo atakavyoelekezwa na Daktari.

Dawa zisizopaswa kutumika na Abacavir (ABC)

• Emtricitabine

• Ganciclovir

• Ribavirin

• Tipranavir

• Zidovudine

• Atanazavir

• Didanosine

• Methadone

• Orlistat

• Ethanol

• Elvitegravir/cobicistat/emtricitabine/tenofovir

Abacavir ikitumiwa na dawa zifuatazo, mgonjwa anatakiwa kuwa chini ya uangalizi:

• Fosamprenavir

• Indinavir

• Lamivudine

• Methadone

• Nelfinavir

• Nevirapine

• Atazanavir

• Cabozantinib

• Saquinavir

• Stavudine

• Tenofovir df

• Tipranavir

• Zidovudine

• Didanosine

• Efavirenz

• Emtricitabine

• Enfuvirtide

• Orlistat

• Ritonavir

Wagonjwa wasiopaswa kutumia abacavir

• Mwenye historia ya mzio wa dawa hii

• Wenye matatizo ya ini

Tahadhari kwa mtumiaji

Tahadhari inapaswa kuchukuliwa kwa;

• Waliovimba ini

• Wenye magonjwa mengine yanayoharibu kinga ya mwili kama ugonjwa wa Graves

Matumizi kwa mama mjamzito

Tafiti hazijathibitishwa kwamba ni kwa kiasi gani madhara kwa mtoto yanaweza kutokea ikiwa pamoja na matatizo katika uumbaji wa mtoto akiwa tumboni mwa mama.

Matumizi kwa mama anayenyonyesha

Mama mwenye Maambukizi ya HIV hapaswi kunyonyesha wakati wa miezi 6 yote hata hivyo haina madhara endapo itapita katika maziwa

Maudhi ya abacavir

Baadhi ya maudhi madogo ya dawa hi ni pamoja na:

• Uchovu wa mwili

• Homa

• Maumivu ya misuli

• Maumivu ya kichwa

• Vipele

• Kichefuchefu

• Kutapika

• Mzio

• Kuwa na woga na hofu

• kushuka kwa shinikizo la damu

• Konstipesheni

• Kukosa usingizi(insomnia)

• Upungufu wa damu

• Maumivu ya tumbo

• Kukohoa

• Anoreksia

Je kama umesahau dozi yako ya Abacavir (ABC) ufanyaje ?

Dawa hii hutumika kwa mchanganyiko pamoja na dawa zingine za kuthibiti VVU, endapo utasahau kunywa dozi yako, unapaswa kunywa na Kuendelea na muda huo siku inayofuata.

Lakini ukikumbuka kunywa baada ya masaa 24 kupita, kunywa dozi inayofuata kama ulivyopangiwa na daktari na achana na dozi uliyosahau.