top of page

Mwandishi:

Dkt. Sospeter M, MD

Mhariri:

Dkt. Lugonda B, MD

28 Juni 2020 19:09:32

Aliskiren

Aliskiren

Aliskiren ni aina ya dawa mojawapo ya kutibu shinikizo la juu la damu Iliyopo kwenye kundi la dawa linaloitwa Renin inhibita. Dawa hii iliyo maarufu kwa jina la Tekturna huwa na rangi ya pinki au nyekundu isiyokolea hata hivyo mara nyingi hutegemea aina ya kiwanda kinachotengeneza dawa.


Aliskiren inapaswa kutumiwa pamoja na chakula mara mbili kwa siku kama utakavyoelekezwa na kushauriwa na daktari.


Fomu na uzito wa dawa


Vidonge

• 150 Mg

• 300 Mg


Tembe

37.5 Mg


Namna dawa inavyofanya kazi;


Dawa jamii ya Renin Inhibita ikiwa pamoja na Aliskiren hufanya kazi zifuatazo ili kushusha shinikizo la damu;


Dawa hii huzuia kubadilishwa kwa kiungo muhimu cha angiotensinogen kwenda homoni ya Angiotensin I. Kupungua kwa homoni ya angiotensin I husababisha kupungua kiasi cha angiotensin II. Homoni ya angiotensin II hufanya kazi ya kuchochea mishipa ya damu kupunguza kioenyo hivyo kuleta shinikizo la damu. Kwa dawa hii kuzuia shughuli hizo, shinikizo lla damu hupungua mara mtu anapotumia dawa hii.


Dawa zilizo kundi moja


Remikiren


Kazi ya dawa


Hutumika kushusha shinikizo la juu la damu


Dawa hii haipaswi kutumika pamoja na dawa zifuatazo;


  • Azilsartan

  • Benazepril

  • Candesartan

  • Captopril

  • Enalapril

  • Eprosartan

  • fosinopril

  • Irrbesartan

  • Lisinopril

  • Losartan

  • Moexipril

  • Olmesartan

  • Perindopril

  • Quinapril

  • Ramipril

  • Telmisartan

  • Trandolapril

  • Valsartan


Wagonjwa wasiopaswa kuitumia


Wagonjwa wenye aleji na dawa hii dawa zingine jamii ya dawa za Renin Inhibita


Tahadhari ya dawa hii


Huweza kumpelekea mtu kupata aleji na kuweza kuvimba uso,ulimi na mdomo

Inapaswa kutumika kwa tahadhari kwa wagonjwa wenye shida ya figo


Matumizi kwa mama mjamzito na anayenyonyesha


Kwa mama mjamzito katika miezi mitatu ya mwanzo ya ujauzito itumike kwa tahadhari endapo faida ni nyingi kuzidi hatari kwa kichanga tumboni


Matumizi kwa mama anayenyonyesha


Haipaswi kutumika kwa mama anayenyonyesha kwa sababu haijulikani kama hutolewa kwenye maziwa baada ya kutumia dawa hii


Baadhi ya maudhi madogo ya dawa hii ni;


  • Kuharisha

  • Kukohoa

  • Kutokwa na vipele kwenye ngozi

  • Haipakalemia

  • Kuvimba

  • Maumumivu ya kichwa


Nusu maisha na utoaji wa dawa mwilini


  • Kiwango cha juu cha dawa kwenye damu hufikiwa kwa saa 1 hadi masaa 3 na nusu maisha ya dawa mwilini ni masaa 24

  • Mabaki yake hutolewa kwa njia ya Mkojo kwa asilimia 23


Je kama umesahau dozi yako ufanyaje?


Kama umesahau dozi yako ya dawa unapaswa kunywa mara pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako

ONYO: Usitumie dawa yoyote bila ushauri wa daktari. Dawa zinaweza kuleta madhara mwilini na pia matumizi ya baadhi ya dawa pasipo ushauri na vipimo husababisha  vimelea kuwa sugu dhidi ya dawa hiyo.
ULY clinic inakushauri kuwasiliana na daktari wako unapotaka kuchukua maamuzi yoyote yanayohusu afya yako.
Wasiliana na daktari/Mfamasia wa ULY clinic kwa ushauri na Tiba au kuandikiwa dawa kwa kupiga simu au Kubonyeza Pata tiba chini ya tovuti hii.

Imeboreshwa,

23 Julai 2023 16:55:27

Rejea za mada hii:-

1.DrugBank.Aliskiren. https://www.drugbank.ca/drugs/DB09026. Imechukuliwa 2/28/2020

2.MayoClinic.Aliskiren.https://www.mayoclinic.org/drugs-supplements/aliskiren-oral-route/description/drg-20070895. Imechukuliwa 2/28/2020

3.Medscape.Aliskiren. https://reference.medscape.com/drug/tekturna-aliskiren-342329 . Imechukuliwa 2/28/2020

4.WebMd.Aliskiren.https://www.webmd.com/drugs/2/drug-147671/aliskiren-oral/details . Imechukuliwa 2/28/2020
bottom of page